ಮಗನ ಪ್ರೀವೆಡ್ಡಿಂಗ್ ಕ್ರೂಸ್ ಪಾರ್ಟಿ ಬಳಿಕ ಚಿನ್ನದ ಬಣ್ಣದ ಕಾರ್ ನಲ್ಲಿ ಕಾಣಿಸಿಕೊಂಡ ಮುಖೇಶ್ ಅಂಬಾನಿ

ತಮ್ಮ ಕಿರಿಯ ಪುತ್ರ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ಪ್ರೀ ವೆಡ್ಡಿಂಗ್ ಕ್ರೂಸ್ ಪಾರ್ಟಿ ಮುಗಿಸಿದ ಉದ್ಯಮಿ ಮುಖೇಶ್ ಅಂಬಾನಿ ಮುಂಬೈಗೆ ಮರಳಿದ್ದು ಅವರ ದುಬಾರಿ ಕಾರ್ ಗಮನ ಸೆಳೆದಿದೆ.

ಮುಖೇಶ್ ಅಂಬಾನಿ 9,05,964 ಕೋಟಿ ರೂ.ಗಿಂತ ಹೆಚ್ಚಿನ ನಿವ್ವಳ ಸಂಪತ್ತನ್ನು ಹೊಂದಿರುವ ದೇಶದ ಎರಡನೇ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ. ಅವರು ರಿಲಯನ್ಸ್ ಇಂಡಸ್ಟ್ರೀಸ್‌ನ ಅಧ್ಯಕ್ಷರಾಗಿದ್ದು, ಕಂಪನಿ 19,35,000 ಕೋಟಿ ರೂ.ಗಿಂತ ಹೆಚ್ಚಿನ ಮಾರುಕಟ್ಟೆ ಮೌಲ್ಯ ಹೊಂದಿರುವ ಭಾರತದ ಅತ್ಯಂತ ದೊಡ್ಡ ಕಂಪನಿಯಾಗಿದೆ.

ಮುಕೇಶ್ ಅಂಬಾನಿ ಇತ್ತೀಚೆಗೆ ತಮ್ಮ ಕಿರಿಯ ಪುತ್ರ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ವಿವಾಹ ಪೂರ್ವ ಕ್ರೂಸ್ ಪಾರ್ಟಿಯನ್ನು ಆಯೋಜಿಸಿದ್ದರು.

ನಟರಾದ ಶಾರುಖ್ ಖಾನ್, ರಣಬೀರ್ ಕಪೂರ್, ರಣವೀರ್ ಸಿಂಗ್, ಕ್ರಿಕೆಟಿಗ ಮಹೇಂದ್ರ ಸಿಂಗ್ ಧೋನಿ ಮತ್ತು ಇತರ ಜನಪ್ರಿಯ ಸೆಲೆಬ್ರಿಟಿಗಳು ಮದುವೆಯ ಪೂರ್ವ ಕಾರ್ಯಕ್ರಮಕ್ಕಾಗಿ ಹಡಗಿನಲ್ಲಿ ಉಪಸ್ಥಿತರಿದ್ದರು. ಇದೀಗ ಅಂಬಾನಿ ಕುಟುಂಬವು ಕಾರ್ಯಕ್ರಮದಿಂದ ಭಾರತಕ್ಕೆ ಮರಳಿದ್ದು ಮುಂಬೈನಲ್ಲಿರುವ 15,000 ಕೋಟಿ ರೂ. ಮೌಲ್ಯದ ತಮ್ಮ ಮನೆ ಪ್ರವೇಶಿಸಿದ್ದಾರೆ.

ಮುಂಬೈಗೆ ಬಂದಿಳಿದ ನಂತರ, ಮುಖೇಶ್ ಅಂಬಾನಿ ತಮ್ಮ ಚಿನ್ನದ ಬಣ್ಣದ ಮರ್ಸಿಡಿಸ್ ಬೆಂಜ್ ಎಸ್680 ಗಾರ್ಡ್ ನಲ್ಲಿ ಪ್ರಯಾಣಿಸುತ್ತಿದ್ದರು. ಮುಖೇಶ್ ಅಂಬಾನಿ ಇತ್ತೀಚೆಗೆ ತಮ್ಮ ಕಾರ್ ಗಳ ಸಂಗ್ರಹಕ್ಕೆ ಮರ್ಸಿಡಿಸ್ ಬೆಂಜ್ ಎಸ್680 ಗಾರ್ಡ್ ಸೇರಿಸಿಕೊಂಡಿದ್ದು ಈ ‘ಬಾಂಬ್ ಪ್ರೂಫ್’ ಕಾರಿನ ಬೆಲೆ ಭಾರತದಲ್ಲಿ 10 ಕೋಟಿ ರೂಪಾಯಿಗೂ ಹೆಚ್ಚು.

ಮುಖೇಶ್ ಅಂಬಾನಿಯವರ ಒಡೆತನದ ಮರ್ಸಿಡಿಸ್ ಬೆಂಜ್ ಎಸ್680 ಗಾರ್ಡ್ ಹೊರಗಿನಿಂದ ಯಾವುದೇ ಮರ್ಸಿಡಿಸ್ ಬೆಂಜ್ S-ಕ್ಲಾಸ್‌ನಂತೆ ಕಾಣುತ್ತದೆ . ಆದರೆ ಇದು ಸಾಮಾನ್ಯ ಸೆಡಾನ್‌ಗಿಂತ ಸುಮಾರು 2 ಟನ್‌ಗಳಷ್ಟು ಭಾರವಾಗಿರುತ್ತದೆ. ಸೂಪರ್-ದುಬಾರಿ ಕಾರು ಬಲವರ್ಧಿತ ಟೈರ್‌ಗಳೊಂದಿಗೆ ಬರುತ್ತದೆ, ಅದು ಗಂಟೆಗೆ 80 ಕಿ.ಮೀ. ವೇಗದಲ್ಲಿ ಚಲಿಸುತ್ತದೆ. ಕಾರು 6.0-ಲೀಟರ್ V12 ಎಂಜಿನ್‌ನಿಂದ ಚಾಲಿತವಾಗಿದ್ದು ಅದು 612 Ps ಮತ್ತು 830 Nm ಟಾರ್ಕ್ ಉತ್ಪಾದಿಸುತ್ತದೆ. ವಿಶೇಷ ಸಂಯೋಜಿತ ಶೆಲ್ ಹೊಂದಿರುವ ಈ ಕಾರ್ ಬುಲೆಟ್ ಮತ್ತು ಬ್ಲಾಸ್ಟ್ ಪ್ರೂಫ್ ಆಗಿದ್ದು ಬಹು-ಪದರದ ಗಾಜನ್ನು ಹೊಂದಿದೆ.