ಪಣಜಿ: ಆಮ್ ಆದ್ಮಿ ಪಕ್ಷದ ಸ್ಥಾಪಕ ಸದಸ್ಯ ದಿನೇಶ್ ವಘೇಲಾ ಅವರು ಅಲ್ಪಕಾಲದ ಅನಾರೋಗ್ಯದ ನಂತರ ಗೋವಾದಲ್ಲಿ ನಿಧನರಾದರು ಎಂದು ಎಎಪಿ ನಾಯಕರೊಬ್ಬರು ಮಂಗಳವಾರ ತಿಳಿಸಿದ್ದಾರೆ.
ವಘೇಲಾ (73) ಸೋಮವಾರ ರಾತ್ರಿ ಪಣಜಿಯ ತಮ್ಮ ನಿವಾಸದಲ್ಲಿ ನಿಧನರಾದರು ಎಂದು ಎಎಪಿ ಗೋವಾ ಉಪಾಧ್ಯಕ್ಷ ವಾಲ್ಮೀಕಿ ನಾಯಕ್ ತಿಳಿಸಿದ್ದಾರೆ.
ಎಎಪಿಯ ಅಧಿಕೃತ ವೆಬ್ಸೈಟ್ ಪ್ರಕಾರ, ವಘೇಲಾ ಆಮ್ ಆದ್ಮಿ ಪಕ್ಷದ ರಾಷ್ಟ್ರೀಯ ಕಾರ್ಯಕಾರಿಣಿಯ ಸದಸ್ಯರಾಗಿದ್ದರು ಮತ್ತು ಇಂಡಿಯಾ ಅಗೇನ್ಸ್ಟ್ ಕರಪ್ಷನ್ ಚಳವಳಿಯ ನಂತರ ಪಕ್ಷಕ್ಕೆ ಸೇರಿದ ಆರಂಭಿಕ ಸದಸ್ಯರಲ್ಲಿ ಒಬ್ಬರಾಗಿದ್ದರು.
ಮೂಲತಃ ಗುಜರಾತ್ ಮೂಲದ ಅವರು ಗೋವಾದಲ್ಲಿ ವಾಸಿಸುತ್ತಿದ್ದರು. ಅವರು ಎಎಪಿಯ ಶಿಸ್ತು ಸಮಿತಿಯ ಮುಖ್ಯಸ್ಥರಾಗಿದ್ದರು.ವಘೇಲಾ ಅವರ ಅಂತಿಮ ವಿಧಿಗಳನ್ನು ಪಣಜಿ ಬಳಿಯ ಸೇಂಟ್ ಇನೆಜ್ ಚಿತಾಗಾರದಲ್ಲಿ ನಡೆಸಲಾಗುವುದು ಎಂದು ನಾಯಕ್ ತಿಳಿಸಿದ್ದಾರೆ.
