ಪ್ರಧಾನಿ ಮೋದಿಯನ್ನು ಭೇಟಿಯಾಗಿ ‘ಅಚ್ಯುತಂ ಕೇಶವಂ’ ಹಾಡನ್ನು ಹಾಡಿದ ಜರ್ಮನ್ ಗಾಯಕಿ ಕಸ್ಸಾಂಡ್ರಾ ಸ್ಪಿಟ್ಮನ್

ಚೆನ್ನೈ:  ತಮಿಳುನಾಡಿನ ಪಲ್ಲಡಂನಲ್ಲಿ ಜರ್ಮನಿಯ ಗಾಯಕಿ ಕಸ್ಸಾಂಡ್ರಾ ಮೇ ಸ್ಪಿಟ್ಮನ್ ಮತ್ತು ಅವರ ತಾಯಿಯನ್ನು ಪ್ರಧಾನಿ ಮೋದಿ ಅವರು ಭೇಟಿಯಾಗಿದ್ದಾರೆ.

ಪ್ರಧಾನಿ ಮೋದಿ ಅವರ ಭೇಟಿ ವೇಳೆ ಸ್ಪಿಟ್ಮನ್ ತಮಿಳು ಹಾಡಿನ ಜೊತೆಗೆ “ಅಚ್ಯುತಮ್ ಕೇಶವಂ” ಹಾಡುವ ಮೂಲಕ ತಮ್ಮ ಸಂಗೀತ ಪ್ರತಿಭೆಯನ್ನು ಪ್ರದರ್ಶಿಸಿದರು. ಈ ಸಂಗೀತ ವಿನಿಮಯವನ್ನು ಸೆರೆಹಿಡಿಯುವ ವೀಡಿಯೊವನ್ನು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಮನ್ ಕಿ ಬಾತ್ ನಲ್ಲಿ ಸ್ಪಿಟ್ಮನ್ ಬಗ್ಗೆ ಪ್ರಧಾನಿ ಮೋದಿ ಶ್ಲಾಘನೆ

ಸ್ಪಿಟ್ಮನ್ ಅವರ ಸಂಗೀತ ಪರಾಕ್ರಮವು ಈ ಹಿಂದೆ ಪ್ರಧಾನಿ ಮೋದಿಯವರ ಗಮನವನ್ನು ಸೆಳೆಯಿತು, ಅವರು ತಮ್ಮ ಮಾಸಿಕ ರೇಡಿಯೋ ಕಾರ್ಯಕ್ರಮ ಮನ್ ಕಿ ಬಾತ್ ನಲ್ಲಿ ಅವರನ್ನು ಉಲ್ಲೇಖಿಸಿದರು. ಅವರ ಪ್ರತಿಭೆಯನ್ನು ಪ್ರಧಾನಮಂತ್ರಿಯವರು ಗುರುತಿಸಿದ್ದು, ಭಾರತೀಯ ಸಂಸ್ಕೃತಿಯ ಮೇಲಿನ ಅವರ ಪ್ರೀತಿ ಮತ್ತು ಸಂಗೀತದ ಮೇಲಿನ ಭಕ್ತಿಯನ್ನು ಶ್ಲಾಘಿಸಿದ್ದರು.