ಒಂದ್ಕಡೆ ಡೇಟಿಂಗ್‌ ಅಪ್ಲಿಕೇಷನ್‌ ಇಬ್ಬರನ್ನು ಹತ್ತಿರ ಮಾಡ್ತಿದ್ದರೆ ಮತ್ತೊಂದು ಕಡೆ ಜನರು ಮೋಸ ಜಾಲದಲ್ಲಿ ಸಿಲುಕಿಕೊಳ್ಳುವಂತೆ ಮಾಡ್ತಿವೆ. ಇದಕ್ಕೆ ಭಾರತೀಯ ಮೂಲದ ವೈನ್‌ ವ್ಯಾಪಾರಿ ಶ್ರೇಯಾ ದತ್ತಾ ಉತ್ತಮ ನಿದರ್ಶನ. ಶ್ರೇಯಾ ದತ್ತ ಒಂದಲ್ಲ ಎರಡಲ್ಲ ಆನ್ಲೈನ್‌ ಡೇಟಿಂಗ್‌ ನಲ್ಲಿ 450,000 ಡಾಲರ್‌ ಅಂದ್ರೆ ಸುಮಾರು 3.73 ಕೋಟಿ ರೂಪಾಯಿ ವಂಚನೆಗೆ ಒಳಗಾಗಿದ್ದಾರೆ.
ಶ್ರೇಯಾ, ಪಿಗ್‌ ಬುಚರಿಂಗ್‌ ಎನ್ನುವ ಆಧುನಿಕ ರೋಮ್ಯಾನ್ಸ್‌ ಸ್ಕ್ಯಾಮ್‌ ಗೆ ಬಲಿಪಶು ಆಗಿದ್ದಾರೆ. ಸ್ಕ್ಯಾಮರ್‌ಗಳು ಆನ್‌ಲೈನ್‌ನಲ್ಲಿ ಪ್ರೀತಿ ಮತ್ತು ಒಡನಾಟವನ್ನು ಬಯಸುವ ದುರ್ಬಲ ವ್ಯಕ್ತಿಗಳನ್ನು ಬೇಟೆಯಾಡುತ್ತಾರೆ. ಅವರ ನಂಬಿಕೆಯನ್ನು ದುರ್ಬಳಕೆ ಮಾಡಿಕೊಳ್ಳುತ್ತಾರೆ ಮತ್ತು ಅವರ ಬ್ಯಾಂಕ್‌ ಖಾತೆ ಖಾಲಿ ಮಾಡ್ತಾರೆ.
ಎಮೋಜಿ ಮತ್ತು ಕೆಲ ಟೆಕ್ಸ್ಟ್ ಮೂಲಕ ಆನ್‌ಲೈನ್‌ನಲ್ಲಿ ಶ್ರೇಯಾರನ್ನು ಆಕರ್ಷಿಸಿದರು. ನಂತರ ಅವರನ್ನು ಕ್ರಿಪ್ಟೋಕರೆನ್ಸಿ ರೊಮ್ಯಾನ್ಸ್ ಹಗರಣದಲ್ಲಿ ಫಿಲಡೆಲ್ಫಿಯಾ ಮೂಲದ ಟೆಕ್ ವೃತ್ತಿಪರರು 450,000 ಡಾಲರ್‌ ಅಂದ್ರೆ ಸುಮಾರು 3.73 ಕೋಟಿ ರೂಪಾಯಿ ವಂಚಿಸಿದ್ರು.
37 ವರ್ಷ ವಯಸ್ಸಿನ ಇವರನ್ನು ಸಾಲದ ಹೊರೆಗೆ ತಳ್ಳಿದರು. ಸಾಮಾನ್ಯವಾಗಿ ಪಿಗ್‌ ಬುಚರಿಂಗ್‌ ಎಂದು ಕರೆಯಲ್ಪಡುವ ಈ ಹಗರಣವು ಬಲಿಪಶುಗಳನ್ನು ವಂಚಿಸುವ ಮೊದಲು ನಕಲಿ ಪ್ರೀತಿ ಮತ್ತು ಪ್ರೀತಿಯಿಂದ ಕೊಬ್ಬಿದ ಹಂದಿಗಳಿಗೆ ಹೋಲಿಸುತ್ತದೆ. ಅವರನ್ನು ನಕಲಿ ಕ್ರಿಪ್ಟೋ ಹೂಡಿಕೆಗಳಿಗೆ ಆಕರ್ಷಿಸುತ್ತದೆ. ವಂಚಕರು ಸ್ನೇಹಿತರಂತೆ ಅಥವಾ ಪ್ರಣಯದಲ್ಲಿ ಆಸಕ್ತಿ ಇರುವಂತೆ ನಾಟಕ ಆಡಿ, ನಕಲಿ ಹೂಡಿಕೆಗಳು, ಉದ್ಯೋಗ ಅವಕಾಶಗಳು ಮತ್ತು ಇತರ ಯೋಜನೆಗಳಿಗೆ ಹಣವನ್ನು ಒದಗಿಸುವಂತೆ ಕೇಳ್ತಾರೆ. ಕೊನೆಯಲ್ಲಿ ಎಲ್ಲ ದೋಚಿ ಮೋಸ ಮಾಡ್ತಾರೆ.
ಆಗ್ನೇಯ ಏಷ್ಯಾದಲ್ಲಿ ಈ ವಂಚನೆ ಹೆಚ್ಚಾಗಿದೆ. ಕ್ಷಿಪ್ರ ಬೆಳವಣಿಗೆಯು ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಶತಕೋಟಿ ಡಾಲರ್‌ಗಳಷ್ಟು ಮೌಲ್ಯದ ನಷ್ಟವನ್ನು ಉಂಟುಮಾಡಿದೆ. ಹಣವನ್ನು ಮರುಪಡೆಯಲು ಸಾಧ್ಯವಾಗೋದಿಲ್ಲ.
