ಒಬ್ಬ ಭಾರತೀಯ ಪ್ರಜೆಯು ಇಮೇಲ್, ಪಠ್ಯ ಅಥವಾ ಸಾಮಾಜಿಕ ಮಾಧ್ಯಮದ ಮೂಲಕ ಸರಾಸರಿ ಪ್ರತಿದಿನ ಸರಿಸುಮಾರು 12 ನಕಲಿ/ಮೋಸದ ಸಂದೇಶಗಳನ್ನು ಸ್ವೀಕರಿಸುತ್ತಾನೆ. ಅಲ್ಲದೆ, ಪ್ರತಿ ವಾರ ಸುಮಾರು 1.8 ಗಂಟೆಗಳ ಕಾಲ ಈ ಸಂದೇಶಗಳ ದೃಢೀಕರಣವನ್ನು ಪರಿಶೀಲಿಸಲು, ದೃಢೀಕರಿಸಲು ಅಥವಾ ನಿರ್ಧರಿಸಲು ಖರ್ಚು ಮಾಡುತ್ತಾರೆ ಎಂದು ವರದಿಯೊಂದರಲ್ಲಿ ಬಹಿರಂಗಪಡಿಸಲಾಗಿದೆ.
ಗ್ಲೋಬಲ್ ಸ್ಕ್ಯಾಮ್ ಮೆಸೇಜ್ ತನಿಖೆಯ ಅಧ್ಯಯನವು ಸಮೀಕ್ಷೆಗೆ ಒಳಗಾದ ಭಾರತೀಯರಲ್ಲಿ ಸರಿಸುಮಾರು ಶೇ.82 ರಷ್ಟು ಜನರು ನಕಲಿ ಸಂದೇಶಗಳ ಮೇಲೆ ಕ್ಲಿಕ್ ಮಾಡಿದ್ದಾರೆ, ಅಲ್ಲದೆ ಮೋಸದ ಜಾಲಕ್ಕೆ ಸಿಲುಕಿದ್ದಾರೆ ಎಂದು ಕಂಡುಹಿಡಿದಿದೆ. ಹೆಚ್ಚಿನ ಭಾರತೀಯ ಗ್ರಾಹಕರು ನಕಲಿ ಉದ್ಯೋಗ ಅಧಿಸೂಚನೆಗಳು ಅಥವಾ ಕೊಡುಗೆಗಳಿಗೆ (ಶೇ. 64) ಮತ್ತು ಬ್ಯಾಂಕ್ ಎಚ್ಚರಿಕೆ ಸಂದೇಶಗಳಿಗೆ ( ಶೇ.52) ಬಲಿಯಾಗಿದ್ದಾರೆ.
ಶೇ. 90ರಷ್ಟು ಭಾರತೀಯರು ಪ್ರತಿದಿನವೂ ಇಮೇಲ್ ಮತ್ತು ಪಠ್ಯದ ಮೂಲಕ ನಕಲಿ ಸಂದೇಶಗಳು ಅಥವಾ ವಂಚನೆಗಳನ್ನು ಸ್ವೀಕರಿಸುತ್ತಾರೆ ಎಂದು ವರದಿಯು ಗಮನಿಸಿದೆ.
ಜನರು ಸುಲಭವಾಗಿ ಮೋಸಕ್ಕೊಳಗಾಗುವ ಕೆಲವು ಸಂದೇಶಗಳು ಇಲ್ಲಿವೆ:
– ನೀವು ಬಹುಮಾನವನ್ನು ಗೆದ್ದಿದ್ದೀರಿ! – ಶೇ. 72
– ನಕಲಿ ಉದ್ಯೋಗ ಅಧಿಸೂಚನೆಗಳು ಅಥವಾ ಕೊಡುಗೆಗಳು – ಶೇ. 64
– ಬ್ಯಾಂಕ್ ಎಚ್ಚರಿಕೆ ಸಂದೇಶ- ಶೇ. 52
– ನೆಟ್ಫ್ಲಿಕ್ಸ್ (ಅಥವಾ ಅಂತಹುದೇ) ಚಂದಾದಾರಿಕೆ ನವೀಕರಣಗಳು – ಶೇ. 35
– ಅಮೆಜಾನ್ ಭದ್ರತಾ ಎಚ್ಚರಿಕೆ ಅಥವಾ ಖಾತೆ ನವೀಕರಣಗಳಿಗೆ ಸಂಬಂಧಿಸಿದ ಅಧಿಸೂಚನೆ ಸಂದೇಶಗಳು – ಶೇ. 27
