ಮಲೇರಿಯಾ ವಿರುದ್ಧ ಹೋರಾಡಲು ವಿಶ್ವ ಆರೋಗ್ಯ ಸಂಸ್ಥೆ ಎರಡನೇ ಲಸಿಕೆಯನ್ನು ಅನುಮೋದಿಸಿದೆ. ಸೋಮವಾರ R21/Matrix-M ಎಂಬ ಲಸಿಕೆಯನ್ನು ಮಲೇರಿಯಾ ತಡೆಗೆ ಬಳಸಲು ಅಧಿಕೃತಗೊಳಿಸಿದೆ. ಇದು ಮಲೇರಿಯಾ ವಿರುದ್ಧ ಹೋರಾಡಲು ವಿಶ್ವದ ಮೊದಲ ಅಗ್ಗದ ಮತ್ತು ಹೆಚ್ಚು ಪರಿಣಾಮಕಾರಿ ಲಸಿಕೆಯಾಗಿದೆ. ಗಮನಾರ್ಹವಾಗಿ ಆಕ್ಸ್ ಫರ್ಡ್ ವಿಶ್ವವಿದ್ಯಾಲಯವು ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾದ ಸಹಾಯದಿಂದ ಹೊಸ ಮೂರು-ಡೋಸ್ ಲಸಿಕೆಯನ್ನು ಅಭಿವೃದ್ಧಿಪಡಿಸಿದೆ.
ಡಬ್ಲ್ಯುಎಚ್‌ಒ ಮಹಾನಿರ್ದೇಶಕ ಟೆಡ್ರೊಸ್ ಅಧಾನೊಮ್ ಘೆಬ್ರೆಯೆಸಸ್ ಈ ಬಗ್ಗೆ ಮಾತನಾಡಿ ವಿಶ್ವ ಆರೋಗ್ಯ ಸಂಸ್ಥೆ ಎರಡು ತಜ್ಞ ಗುಂಪುಗಳ ಸಲಹೆಯ ಆಧಾರದ ಮೇಲೆ ಹೊಸ ಮಲೇರಿಯಾ ಲಸಿಕೆಯನ್ನು ಅನುಮೋದಿಸುತ್ತಿದೆ. ರೋಗದ ಅಪಾಯದಲ್ಲಿರುವ ಮಕ್ಕಳಲ್ಲಿ ಅದರ ಬಳಕೆಯನ್ನು ಶಿಫಾರಸು ಮಾಡಿದೆ. ಮಲೇರಿಯಾ ಸಂಶೋಧಕನಾಗಿ, ನಾವು ಮಲೇರಿಯಾ ವಿರುದ್ಧ ಸುರಕ್ಷಿತ ಮತ್ತು ಪರಿಣಾಮಕಾರಿ ಲಸಿಕೆಯನ್ನು ಹೊಂದುವ ದಿನದ ಕನಸು ಕಾಣುತ್ತಿದ್ದೆ. ಈಗ ನಾವು ಎರಡನೇ ಲಸಿಕೆ ಹೊಂದಿದ್ದೇವೆ ಎಂದು ಹೇಳಿದರು.
ಲಸಿಕೆಯು ಸಂಶೋಧನೆಯಲ್ಲಿ 75% ಕ್ಕಿಂತ ಹೆಚ್ಚು ಪರಿಣಾಮಕಾರಿಯಾಗಿದೆ ಮತ್ತು ಬೂಸ್ಟರ್‌ ಡೋಸ್ ನೊಂದಿಗೆ ಕನಿಷ್ಠ ಇನ್ನೊಂದು ವರ್ಷದವರೆಗೆ ರಕ್ಷಣೆಯನ್ನು ನಿರ್ವಹಿಸುತ್ತದೆ ಎಂದು ಸೂಚಿಸುತ್ತದೆ. ಪ್ರತಿ ಸಿಂಗಲ್ ಡೋಸ್ ಗೆ ಸುಮಾರು $2 ರಿಂದ $4 ವೆಚ್ಚವಾಗಲಿದೆ ಮತ್ತು ಮುಂದಿನ ವರ್ಷ ಕೆಲವು ದೇಶಗಳಲ್ಲಿ ಲಭ್ಯವಾಗಬಹುದು ಎಂದು ಟೆಡ್ರೊಸ್ ಹೇಳಿದ್ದಾರೆ.
ಈ ವರ್ಷದ ಆರಂಭದಲ್ಲಿ, ಘಾನಾ ಮತ್ತು ಬುರ್ಕಿನಾ ಫಾಸೊದಲ್ಲಿನ ನಿಯಂತ್ರಕ ಅಧಿಕಾರಿಗಳು ಲಸಿಕೆಯನ್ನು ಅನುಮೋದಿಸಿದರು. ಇದು ನಾವು ಈಗ ಹೊಂದಿರುವ ಮತ್ತೊಂದು ಲಸಿಕೆಯಾಗಿದೆ. ಆದರೆ ಇದು ಸೊಳ್ಳೆ ಪರದೆಗಳು ಮತ್ತು ಸೊಳ್ಳೆ ಸ್ಪ್ರೇಗಳ ಅಗತ್ಯವನ್ನು ನಿವಾರಿಸುವುದಿಲ್ಲ. ಇದು ಮಲೇರಿಯಾವನ್ನು ನಿಲ್ಲಿಸುವ ಲಸಿಕೆ ಅಲ್ಲ ಎಂದು ‘ಡಾಕ್ಟರ್ಸ್ ವಿದೌಟ್ ಬಾರ್ಡರ್ಸ್’ ಜೊತೆ ಕೆಲಸ ಮಾಡುತ್ತಿರುವ ಜಾನ್ ಜಾನ್ಸನ್ ಹೇಳಿದ್ದಾರೆ.
2021 ರಲ್ಲಿ WHO ಮೊದಲ ಮಲೇರಿಯಾ ಲಸಿಕೆಯನ್ನು ಅನುಮೋದಿಸಿತು. GSK ನಿಂದ ತಯಾರಿಸಲ್ಪಟ್ಟ ಈ ಲಸಿಕೆಯನ್ನ ಮಾಸ್ಕ್ವಿರಿಕ್ಸ್ ಎಂದು ಕರೆಯಲಾಗುತ್ತದೆ. ಇದು ಕೇವಲ 30% ಪರಿಣಾಮಕಾರಿಯಾಗಿದೆ. ನಾಲ್ಕು ಡೋಸ್‌ಗಳ ಅಗತ್ಯವಿರುವ ಲಸಿಕೆ ತಿಂಗಳೊಳಗೆ ರಕ್ಷಣೆ ಮಸುಕಾಗುತ್ತದೆ.
Media briefing with @DrTedros and Strategic Advisory Group of Experts on Immunization https://t.co/nuESWir9Wp
— World Health Organization (WHO) (@WHO) October 2, 2023
"Almost exactly 2 years ago, WHO recommended the broad use of the 🌍’s first #malaria vaccine, called RTS,S.
Today, it gives me great pleasure to announce that WHO is recommending a second vaccine, called R21/Matrix-M, to prevent malaria in children at risk of the…
— World Health Organization (WHO) (@WHO) October 2, 2023
