ಕೆಮ್ಮು ಮತ್ತು ಕಫ ಎಲ್ಲರನ್ನೂ ಕಾಡುವ ಸಾಮಾನ್ಯ ಸಮಸ್ಯೆ. ಕೆಲವೊಮ್ಮೆ ಗಂಟಲಿನಲ್ಲಿ ಅತಿಯಾಗಿ ಕಫ ಸೇರಿಕೊಂಡಂತಾಗಿ ಕಿರಿಕಿರಿ ಉಂಟು ಮಾಡುತ್ತದೆ. ಹವಾಮಾನ ಬದಲಾವಣೆಯೊಂದಿಗೆ ಇದು ಆಗಾಗ್ಗೆ ಸಂಭವಿಸಬಹುದು. ಕೆಮ್ಮು ಮತ್ತು ಕಫ ನಮ್ಮ ದೈನಂದಿನ ಜೀವನದ ಮೇಲೆ ಪರಿಣಾಮ ಬೀರಬಹುದು. ವಿಶೇಷವಾಗಿ ಚಳಿಗಾಲದಲ್ಲಿ ಇನ್ನೂ ಹೆಚ್ಚಿನ ಸಮಸ್ಯೆಗಳನ್ನು ಉಂಟುಮಾಡಬಹುದು. ಗಂಟಲಿನಲ್ಲಿ ಕಫದ ಸಮಸ್ಯೆಯನ್ನು ಹೋಗಲಾಡಿಸಲು ಕೆಲವು ಮನೆಮದ್ದುಗಳಿವೆ, ಅದನ್ನು ಪ್ರಯತ್ನಿಸಬೇಕು. ಗಂಟಲಿನ ಕಫವು ದೀರ್ಘಕಾಲದವರೆಗೆ ಹೋಗದಿದ್ದರೆ ಅಗತ್ಯ ಪರೀಕ್ಷೆಗಳನ್ನು ಮಾಡಿಸುವುದು ಅನಿವಾರ್ಯ.
ಬಿಸಿ ನೀರಿಗೆ ಉಪ್ಪು ಬೆರೆಸಿ ಗಾರ್ಗ್ಲಿಂಗ್ – ಉಪ್ಪು ಬೆರೆಸಿದ ಬೆಚ್ಚಗಿನ ನೀರಿನಲ್ಲಿ ಗಾರ್ಗ್ಲಿಂಗ್ ಮಾಡುವುದರಿಂದ ಗಂಟಲಿನಿಂದ ಕಫವನ್ನು ತೆಗೆದುಹಾಕಬಹುದು. ಇದರಿಂದ ಗಂಟಲಿನ ಊತ ಕೂಡ ಕಡಿಮೆಯಾಗುತ್ತದೆ.
ತುಳಸಿ ರಸ – ತುಳಸಿ ಎಲೆಗಳ ರಸವನ್ನು ತೆಗೆದು ಕುಡಿಯುವುದರಿಂದ ಗಂಟಲಿನ ಕಫ ಕರಗುತ್ತದೆ. ತುಳಸಿಯಲ್ಲಿ ಬ್ಯಾಕ್ಟೀರಿಯಾ ವಿರೋಧಿ ಗುಣವಿದ್ದು, ಇದು ಸೋಂಕು ತಡೆಯುತ್ತದೆ.
ಬಿಸಿ ಹಾಲು ಮತ್ತು ಅರಿಶಿನ – ಅರಿಶಿನವನ್ನು ಬಿಸಿ ಹಾಲಿನೊಂದಿಗೆ ಬೆರೆಸಿ ಕುಡಿಯುವುದರಿಂದ ಗಂಟಲಿನಲ್ಲಿ ಸಂಗ್ರಹವಾಗಿರುವ ಕಫವನ್ನು ನಿವಾರಿಸಬಹುದು. ಅರಿಶಿನದಲ್ಲಿರುವ ಉತ್ಕರ್ಷಣ ನಿರೋಧಕ ಗುಣಗಳು ಆರೋಗ್ಯಕ್ಕೂ ಪ್ರಯೋಜನಕಾರಿ.
ಶುಂಠಿ ರಸ – ಶುಂಠಿ ರಸವು ಗಂಟಲಿನ ಉರಿಯೂತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಕಫವನ್ನು ಹೊರಹಾಕಲು ಕೂಡ ಇದು ಸಹಕಾರಿ.
ಸ್ಟೀಮ್ ಬಾತ್ – ಸ್ಟೀಮ್ ಬಾತ್ ಮಾಡುವುದರಿಂದ ಗಂಟಲಿನ ಊತ ನಿವಾರಣೆಯಾಗುತ್ತದೆ. ಇದು ಕಫ ನಿವಾರಿಸಲು ಬಹಳ ಪರಿಣಾಮಕಾರಿ ವಿಧಾನವಾಗಿದೆ
Loading ...