ಗಾಳಕ್ಕೆ ಸಿಲುಕಿದ್ದ ಮೀನನ್ನು ಉಳಿಸೋಕೆ ಶ್ವಾನವೊಂದು ಮಾಡಿದ ಪ್ರಾಮಾಣಿಕ ಪ್ರಯತ್ನದ ವಿಡಿಯೋ ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದ್ದು ಶ್ವಾನಕ್ಕೆ ನೆಟ್ಟಿಗರು ಭೇಷ್ ಎಂದಿದ್ದಾರೆ.
ಟ್ವಿಟರ್ನಲ್ಲಿ ವೈರಲ್ ಆಗ್ತಿರುವ ವಿಡಿಯೋ ಇದಾಗಿದ್ದು ವ್ಯಕ್ತಿಯೊಬ್ಬ ತನ್ನ ಮುದ್ದಿನ ನಾಯಿಯೊಂದಿಗೆ ಹೊಳೆಯಲ್ಲಿ ಮೀನುಗಾರಿಕೆ ಮಾಡುತ್ತಿರುತ್ತಾರೆ.
ಮೀನುಗಾರಿಕೆ ಮಾಡುತ್ತಿದ್ದ ವ್ಯಕ್ತಿ ಒಂದು ಮೀನನ್ನು ಗಾಳಕ್ಕೆ ಬೀಳಿಸೋದ್ರಲ್ಲಿಯೂ ಯಶಸ್ವಿಯಾಗ್ತಾರೆ. ಕೆಂಪು ಬಣ್ಣದ ಪಾತ್ರೆಯಲ್ಲಿ ಆ ಮೀನನ್ನು ಇರಿಸುತ್ತಾರೆ. ಇದಾದ ಬಳಿಕ ಏನಾಯ್ತು ಅನ್ನೋದು ಈ ವಿಡಿಯೋದ ಹೈಲೈಟ್ ಆಗಿದೆ. ಕೂಡಲೇ ಮೀನಿದ್ದ ಪಾತ್ರೆಯ ಸಮೀಪ ಬಂದ ಶ್ವಾನವು ಮೀನನ್ನು ಪುನಃ ನೀರಿಗೆ ಎಸೆದಿದೆ .
ಪಾತ್ರೆಯಲ್ಲಿದ್ದಾಗ ಜೀವಂತವಿದ್ದ ಮೀನು ವಿಲವಿಲ ಒದ್ದಾಡುತ್ತಿತ್ತು. ಇದನ್ನು ನೋಡಿದ ಶ್ವಾನವು ಇಡೀ ಬಟ್ಟಲನ್ನು ಹೊಳೆಗೆ ತಳ್ಳುವ ಮೂಲಕ ಮೀನಿನ ಪ್ರಾಣ ಉಳಿಸಿದೆ. ಕೊನೆಗೆ ಮನುಷ್ಯನನ್ನೇ ಶ್ವಾನವು ಎಳೆದುಕೊಂಡು ಹೋಗಿದ್ದು ಈ ವಿಡಿಯೋ ಎಲ್ಲರ ಮನಗೆಲ್ಲುವಲ್ಲಿ ಯಶಸ್ವಿಯಾಗಿದೆ.
Loading ...