ಸಸ್ಯಾಹಾರಿ ಮತ್ತೊಂದು ಜೀವಿಯನ್ನು ತಿನ್ನುವುದನ್ನು ನೀವು ಎಂದಾದರೂ ನೋಡಿದ್ದೀರಾ? ಆದರೆ ಈ ಅಪರೂಪದ ಘಟನೆಗಳು ಕೆಲವೊಮ್ಮೆ ಕಾಡಿನಲ್ಲಿ ಸಂಭವಿಸಬಹುದು. ಇಂಟರ್ನೆಟ್ ನಲ್ಲಿ ವೈರಲ್ ಆಗಿರುವ ವೀಡಿಯೊ ಇದಕ್ಕೆ ಸಾಕ್ಷಿಯಾಗಿದೆ.
ಭಾರತೀಯ ಅರಣ್ಯ ಸೇವೆಯ (ಐಎಫ್‌ಎಸ್) ಅಧಿಕಾರಿ ಸುಸಂತ ನಂದಾ ಅವರು ಇತ್ತೀಚೆಗೆ ಜಿಂಕೆಯೊಂದು ಸಣ್ಣ ಹಾವನ್ನು ಅಗಿಯುತ್ತಿರುವ ವೀಡಿಯೊ ಕ್ಲಿಪ್ ಅನ್ನು ಹಂಚಿಕೊಂಡಿದ್ದಾರೆ.
ಆರಂಭದಲ್ಲಿ ವಿಡಿಯೋ ನೋಡಿದಾಗ ಜಿಂಕೆಯೊಂದು ರಸ್ತೆಬದಿಯಲ್ಲಿ ನಿಂತು ಏನನ್ನೋ ಅಗಿಯುತ್ತಿರುವುದನ್ನು ಕಾಣಬಹುದು. ವಾಹನದೊಳಗಿದ್ದವರು ಕ್ಯಾಮೆರಾ ಝೂಮ್ ಮಾಡಿ ನೋಡಿದಾಗ ಜಿಂಕೆ ಸಣ್ಣ ಹಾವಿನ ದೇಹವನ್ನು ಜಗಿಯುತ್ತಿರುವುದು ಸ್ಪಷ್ಟವಾಗಿದೆ. ವೀಡಿಯೊ ರೆಕಾರ್ಡ್ ಮಾಡುತ್ತಿರುವವರು ಸಹ ಈ ಬಗ್ಗೆ ಅಚ್ಚರಿ ವ್ಯಕ್ತಪಡಿಸಿ ಜಿಂಕೆ ಹಾವನ್ನು ತಿನ್ನುತ್ತಿದೆ ಎಂದು ಉದ್ಗರಿಸಿದ್ದಾರೆ.
IFS ಅಧಿಕಾರಿ “ಕ್ಯಾಮೆರಾಗಳು ನಮಗೆ ಪ್ರಕೃತಿಯನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತಿವೆ. ಹೌದು, ಸಸ್ಯಾಹಾರಿ ಪ್ರಾಣಿಗಳು ಕೆಲವೊಮ್ಮೆ ಹಾವುಗಳನ್ನು ತಿನ್ನುತ್ತವೆ” ಎಂಬ ಶೀರ್ಷಿಕೆಯೊಂದಿಗೆ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ.
ಅದೇ ವೀಡಿಯೊವನ್ನು ವಿಜ್ಞಾನದ ವಿದ್ಯಾರ್ಥಿನಿಯೊಬ್ಬರು ಸಹ ಹಂಚಿಕೊಂಡಿದ್ದು ಸಸ್ಯಾಹಾರಿ ಪ್ರಾಣಿಯ ಅಸಾಮಾನ್ಯ ನಡವಳಿಕೆಯನ್ನು ವಿವರಿಸಿದ್ದಾರೆ.
“ಜಿಂಕೆಗಳು ಸಸ್ಯಾಹಾರಿಗಳು ಮತ್ತು ಅವುಗಳು ರುಮೆನ್ ಹೊಂದಿರುವುದರಿಂದ ಮೆಲುಕು ಹಾಕುವ ಪ್ರಾಣಿಗಳಾಗಿ ವರ್ಗೀಕರಿಸಲ್ಪಟ್ಟಿವೆ, ಇದು ಸೆಲ್ಯುಲೋಸ್‌ನಂತಹ ಕಠಿಣ ಸಸ್ಯ ಪದಾರ್ಥಗಳನ್ನು ಜೀರ್ಣಿಸಿಕೊಳ್ಳಲು ಸಹಾಯ ಮಾಡುತ್ತದೆ. ಆದಾಗ್ಯೂ ಆಹಾರವು ವಿರಳವಾಗಿದ್ದರೆ ಅಥವಾ ಕ್ಯಾಲ್ಸಿಯಂ ಮತ್ತು ರಂಜಕದಂತಹ ಖನಿಜಗಳ ಕೊರತೆಯಿದ್ದರೆ ಅವುಗಳು ಮಾಂಸದ ಪದಾರ್ಥಗಳನ್ನು ತಿನ್ನುತ್ತವೆ” ಎಂದಿದ್ದಾರೆ.
ಗಮನಾರ್ಹವಾಗಿ ಜಿಂಕೆಗಳನ್ನು ಸಸ್ಯಾಹಾರಿ ಪ್ರಾಣಿಗಳೆಂದು ವರ್ಗೀಕರಿಸಲಾಗಿದೆ. ಅವು ಪ್ರಾಥಮಿಕವಾಗಿ ಸಸ್ಯದಂತಹ ವಸ್ತುಗಳನ್ನು ತಮ್ಮ ಮುಖ್ಯ ಆಹಾರವಾಗಿ ಸೇವಿಸುತ್ತವೆ. ಆದಾಗ್ಯೂ ಅದರ ದೇಹದಲ್ಲಿ ರಂಜಕ, ಕ್ಯಾಲ್ಸಿಯಂ ಮತ್ತು ಉಪ್ಪಿನಂತಹ ಕೆಲವು ಖನಿಜಗಳ ಕೊರತೆಯಿಂದಾಗಿ ಮಾಂಸ ಸೇವನೆಯತ್ತ ತಿರುಗಬಹುದು. ನ್ಯಾಷನಲ್ ಜಿಯಾಗ್ರಫಿಕ್ ಪ್ರಕಾರ ಈ ಅಸಾಮಾನ್ಯ ನಡವಳಿಕೆಯು ಸಾಮಾನ್ಯವಾಗಿ ಚಳಿಗಾಲದಲ್ಲಿ ಅಥವಾ ಅವುಗಳ ಪರಿಸರದಲ್ಲಿ ಸಸ್ಯಗಳು ವಿರಳವಾಗಿದ್ದಾಗ ಸಂಭವಿಸುತ್ತದೆ.
https://twitter.com/susantananda3/status/1667936291714142208?ref_src=twsrc%5Etfw%7Ctwcamp%5Etweetembed%7Ctwterm%5E1667936291714142208%7Ctwgr%5Ed51a27087a281035edf8bf5a6d117d36c1bfa9ef%7Ctwcon%5Es1_&ref_url=http%3A%2F%2Fm.dailyhunt.in%2Fnews%2Findia%2Fenglish%2Findiac2390847183200-epaper-dhf6af4a9befa548589eba0f15b9db5a4f%2Fviralvideoshowsdeereatingsnakeleavesinternetinshock-newsid-n508590382
Loading ...
