ಬಾಲಿವುಡ್ ಹಾಡು ಯಾರನ್ನೂ ಬಿಟ್ಟಿಲ್ಲ. ದೇಶದಲ್ಲಿ ಮಾತ್ರವಲ್ಲದೇ ವಿದೇಶಗಳಲ್ಲಿಯೂ ಈ ಹಾಡಿಗೆ ಸ್ಟೆಪ್ ಹಾಕುವವರು ಇದ್ದಾರೆ. ವಿದೇಶಿಗರು ಹೀಗೆ ಸ್ಟೆಪ್ ಹಾಕಿದಾಗ ಅವು ಭಾರಿ ವೈರಲ್ ಆಗುತ್ತವೆ. ಅವುಗಳಲ್ಲಿ ಒಂದು ಕ್ಯೂಟ್ ವಿಡಿಯೋ ಈಗ ವೈರಲ್ ಆಗಿದೆ.
ಸಂಜಯ್ ಲೀಲಾ ಬನ್ಸಾಲಿ ಅವರ ಚಿತ್ರ ದೇವದಾಸ್ನ ಡೋಲಾ ರೆ ಡೋಲಾ ಹಾಡನ್ನು ಇಬ್ಬರು ಜಪಾನಿನ ಮಹಿಳೆಯರು ಹಾಡುವುದನ್ನು ತೋರಿಸುತ್ತದೆ. ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿರುವ ವೀಡಿಯೊ 2 ಲಕ್ಷಕ್ಕೂ ಹೆಚ್ಚು ಲೈಕ್ಗಳನ್ನು ಹೊಂದಿದೆ.
ವೀಡಿಯೊದಲ್ಲಿ, ಕೆಂಪು ಮತ್ತು ಬಿಳಿ ಸೀರೆಯನ್ನು ಧರಿಸಿರುವ ಇಬ್ಬರು ಮಹಿಳೆಯರನ್ನು ನೋಡಬಹುದು. ಐಶ್ವರ್ಯಾ ರೈ ಮತ್ತು ಮಾಧುರಿ ದೀಕ್ಷಿತ್ ಅವರ ಡೋಲಾ ರೆ ಡೋಲಾ ಹಾಡಿಗೆ ಅವರು ಸುಂದರವಾಗಿ ಅಭಿನಯಿಸುವುದನ್ನು ಕಾಣಬಹುದು.
ನೀವು ತುಂಬಾ ಮುದ್ದಾಗಿರುವಿರಿ. ಮತ್ತು ತುಂಬಾ ಆಕರ್ಷಕವಾಗಿ ನೃತ್ಯ ಮಾಡಿದ್ದೀರಿ ಎಂದು ಹಲವರು ಕಮೆಂಟ್ ಹಾಕಿದ್ದಾರೆ.
