ಟ್ರೆಂಡಿಂಗ್ ನಲ್ಲಿರುವ ತಮಿಳು ಹಾಡಿಗೆ ಸ್ಟೆಪ್ ಹಾಕಿದ ತಾಂಜೇನಿಯಾದ ಕಿಲಿಪೌಲ್

ಭಾರತದ ಸಿನಿಮಾ ಹಾಡು, ಡೈಲಾಗ್ ಗಳಿಗೆ ವಿಡಿಯೋ ಮಾಡಿ ಫೇಮಸ್ ಆಗಿರುವ ತಾಂಜೇನಿಯಾದ ಖ್ಯಾತ ಸೋಷಿಯಲ್ ಮೀಡಿಯಾ ಕಲಾವಿದ ಕಿಲಿ ಪೌಲ್ ಇದೀಗ ಮತ್ತೆ ಸದ್ದು ಮಾಡಿದ್ದಾರೆ.

ಅವರು ಎನಿಮಿ ಚಿತ್ರದ ದಕ್ಷಿಣ ಭಾರತದ ಟ್ರ್ಯಾಕ್ ಟುಮ್ ಟುಮ್‌ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಕಿಲಿ ಪೌಲ್ ಮತ್ತು ಅವರ ಸಹೋದರಿ ಈ ಹಾಡಿಗೆ ಅದ್ಭುತವಾಗಿ ಸ್ಟೆಪ್ ಹಾಕಿದ್ದಾರೆ.

ಕಿಲಿ ಪೌಲ್ ಅವರ ಅಧಿಕೃತ ಇನ್‌ಸ್ಟಾಗ್ರಾಮ್ ಹ್ಯಾಂಡಲ್‌ನಿಂದ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಈ ವಿಡಿಯೋ ಇಂಟರ್ನೆಟ್‌ನಲ್ಲಿ ಸಂಚಲನ ಮೂಡಿಸಿದೆ. ವೀಡಿಯೊವನ್ನು ಆನ್‌ಲೈನ್‌ನಲ್ಲಿ ಪೋಸ್ಟ್ ಮಾಡಿದ ನಂತರ, “ನೀವಿಬ್ಬರೂ ಅದ್ಭುತ. ನೀವಿಬ್ಬರೂ ತಮಿಳು ಹಾಡುಗಳಿಗೆ ಡ್ಯಾನ್ಸ್ ಮಾಡುತ್ತಿರುವುದನ್ನು ನೋಡಿ ತುಂಬಾ ಸಂತೋಷವಾಗಿದೆ” ಎಂದು ಹೇಳಿದ್ದಾರೆ.

ಕಿಲಿ ಪೌಲ್ ತಮ್ಮ ಅಸಾಧಾರಣ ನೃತ್ಯ ಪ್ರದರ್ಶನಗಳ ಮೂಲಕ ಸಾಮಾಜಿಕ ಮಾಧ್ಯಮದಲ್ಲಿ ಆಗಾಗ್ಗೆ ಭಾರಿ ಸದ್ದು ಮಾಡುತ್ತಿರುತ್ತಾರೆ.

ಕಿಲಿ ಪೌಲ್ ಜನಪ್ರಿಯ ಬಾಲಿವುಡ್ ಹಾಡುಗಳಿಗೆ ಲಿಪ್ ಸಿಂಕ್ ಮಾಡುವ ಮತ್ತು ನೃತ್ಯದ ವೀಡಿಯೊಗಳ ವೀಡಿಯೊಗಳನ್ನು ಪೋಸ್ಟ್ ಮಾಡಲು ಜನಪ್ರಿಯರಾಗಿದ್ದಾರೆ. ಕಿಲಿ ಪೌಲ್ ಇನ್‌ಸ್ಟಾಗ್ರಾಮ್‌ನಲ್ಲಿ 4.7 ಮಿಲಿಯನ್  ಅಭಿಮಾನಿಗಳನ್ನು ಹೊಂದಿದ್ದಾರೆ. ಜನಪ್ರಿಯ ಬಾಲಿವುಡ್ ಸೆಲೆಬ್ರಿಟಿಗಳಾದ ಆಯುಷ್ಮಾನ್ ಖುರಾನಾ, ರಿಚಾ ಚಡಾ, ಗುಲ್ ಪನಾಗ್ ಮತ್ತು ಇನ್ನೂ ಅನೇಕರು ಅವರನ್ನು ಇನ್ ಸ್ಟಾಗ್ರಾಂನಲ್ಲಿ ಫಾಲೋ ಮಾಡ್ತಿದ್ದಾರೆ.