ಕೈಗಾರಿಕೋದ್ಯಮಿ ಹರ್ಷ್ ಗೋಯೆಂಕಾ ಅವರು ತಮ್ಮ ಸಾಮಾಜಿಕ ಮಾಧ್ಯಮ ಅಭಿಮಾನಿಗಳನ್ನು ಮನರಂಜನೆಗಾಗಿ ಪ್ರೇರೇಪಿಸುವ ಮತ್ತು ಆಸಕ್ತಿದಾಯಕ ಪೋಸ್ಟ್ಗಳನ್ನು ಹಂಚಿಕೊಳ್ಳುತ್ತಾರೆ. ಇದೀಗ ಇವರು ಭಾರತದ ಭವ್ಯವಾದ ಸೌಂದರ್ಯವನ್ನು ಪ್ರದರ್ಶಿಸುವ ಆಕರ್ಷಕ ವೀಡಿಯೊವನ್ನು ಹಂಚಿಕೊಂಡಿದ್ದು ಇದು ಬಳಕೆದಾರರನ್ನು ಮಂತ್ರಮುಗ್ಧರನ್ನಾಗಿಸಿದೆ.
ಶ್ರೀಮಂತ ಸಂಸ್ಕೃತಿ, ಪರಂಪರೆ ಮತ್ತು ಅಸಂಖ್ಯಾತ ನೈಸರ್ಗಿಕ ಆಕರ್ಷಣೆಗಳೊಂದಿಗೆ, ಭಾರತವು ವಿಶ್ವದ ಅತ್ಯಂತ ಜನಪ್ರಿಯ ಪ್ರವಾಸಿ ತಾಣಗಳಲ್ಲಿ ಒಂದಾಗಿದೆ. ಬೆಟ್ಟಗಳು ಮತ್ತು ಪರ್ವತಗಳಿಂದ ಮರುಭೂಮಿಗಳು ಮತ್ತು ಕಡಲತೀರಗಳವರೆಗೆ, ದೇಶವು ತನ್ನ ವೈವಿಧ್ಯಮಯ ಭೂಪ್ರದೇಶಕ್ಕೆ ಹೆಸರುವಾಸಿಯಾಗಿದೆ. “ಇನ್ಕ್ರೆಡಿಬಲ್” ಎಂದು ಸರಳವಾಗಿ ಶೀರ್ಷಿಕೆ ನೀಡುವ ಮೂಲಕ ಈ ಸೌಂದರ್ಯರಾಶಿಯನ್ನು ತೆರೆದಿಟ್ಟಿದ್ದಾರೆ.
30 ಸೆಕೆಂಡ್ಗಳ ವಿಡಿಯೋ ದೇಶದ ವಿವಿಧ ಭಾಗಗಳಿಂದ ಬೆರಗುಗೊಳಿಸುವ ಚಿತ್ರಗಳ ಸಂಯೋಜನೆಯನ್ನು ಒಳಗೊಂಡಿದೆ, ಲೆಂಕಾ ಅವರ ವೈರಲ್ ಹಾಡು ‘ಎವೆರಿಥಿಂಗ್ ಅಟ್ ಒನ್ಸ್’ ಹಿನ್ನೆಲೆಯಲ್ಲಿ ಪ್ಲೇ ಆಗುತ್ತಿದೆ. ಗೋವಾ, ಕೇರಳ, ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳು, ಜೈಸಲ್ಮೇರ್, ಕಾಶ್ಮೀರ, ಮನಾಲಿ, ಈಶಾನ್ಯ, ಹರಿದ್ವಾರ, ಲಡಾಖ್, ಜೈಪುರ, ದೆಹಲಿ ಇತ್ಯಾದಿಗಳ ಚಿತ್ರಗಳನ್ನು ವಿಡಿಯೋ ಒಳಗೊಂಡಿದ್ದು, ನೋಡುಗರ ಹೃನ್ಮನ ತಣಿಸುತ್ತದೆ.
Incredible 🇮🇳! pic.twitter.com/fYQcTEdjwK
— Harsh Goenka (@hvgoenka) January 20, 2023
