ಪ್ರಧಾನಿ ನರೇಂದ್ರ ಮೋದಿ ಅವರು ಜನವರಿ 13 ರಂದು ವಾರಣಾಸಿಯಿಂದ ಬಾಂಗ್ಲಾದೇಶದ ಮೂಲಕ ದಿಬ್ರುಗಢದವರೆಗಿನ ವಿಶ್ವದ ಅತಿ ಉದ್ದದ ‘ಗಂಗಾ ವಿಲಾಸ್’ ಕ್ರೂಸ್ ಅನ್ನು ಉದ್ಘಾಟಿಸಲಿದ್ದಾರೆ. 50 ದಿನಗಳಲ್ಲಿ ಸುಮಾರು 4,000 ಕಿ.ಮೀ ದೂರವನ್ನು ಕ್ರಮಿಸುವ ಈ ಕ್ರೂಸ್ ಹಲವಾರು ವಿಶ್ವ ಪರಂಪರೆಯ ಸ್ಥಳಗಳಲ್ಲಿ ನಿಲ್ಲಲಿದೆ. ಹಲವಾರು ರಾಷ್ಟ್ರೀಯ ಉದ್ಯಾನವನಗಳು ಮತ್ತು ಅಭಯಾರಣ್ಯಗಳ ಮೂಲಕ ಈ ಕ್ರೂಸ್ ಹಾದು ಹೋಗುತ್ತವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ವಿಶ್ವದ ಅತಿ ಉದ್ದದ ನದಿ ವಿಹಾರ ‘ಗಂಗಾ ವಿಲಾಸ್’ ಕುರಿತು ವಿವರಗಳು ಇಲ್ಲಿವೆ:
1. ಕ್ರೂಸ್ ವಾರಣಾಸಿಯಿಂದ ತನ್ನ ಪ್ರಯಾಣವನ್ನು ಪ್ರಾರಂಭಿಸುತ್ತದೆ ಮತ್ತು ಕೋಲ್ಕತ್ತಾ ತಲುಪುವ ಮೊದಲು ಗಾಜಿಪುರ, ಬಕ್ಸರ್ ಮತ್ತು ಪಾಟ್ನಾ ಮೂಲಕ ಹಾದುಹೋಗುತ್ತದೆ. ಇದು ಹದಿನೈದು ದಿನಗಳ ಕಾಲ ಬಾಂಗ್ಲಾದೇಶದ ನದಿಗಳಲ್ಲಿ ಉಳಿಯುತ್ತದೆ ಮತ್ತು ನಂತರ ಗುವಾಹಟಿ ಮೂಲಕ ಭಾರತಕ್ಕೆ ಹಿಂದಿರುಗಿ ದಿಬ್ರುಗಢವನ್ನು ತಲುಪುತ್ತದೆ.
2. ‘ಗಂಗಾ ವಿಲಾಸ್’ ಕ್ರೂಸ್ ಭಾರತದ ಎರಡು ಶ್ರೇಷ್ಠ ನದಿಗಳಾದ ಗಂಗಾ ಮತ್ತು ಬ್ರಹ್ಮಪುತ್ರದಲ್ಲಿ ಪ್ರಯಾಣಿಸಲಿದೆ.
3. ಪ್ರಧಾನಿ ಮೋದಿ ಅವರು ಜನವರಿ 13 ರಂದು ಕ್ರೂಸ್ ರವಿದಾಸ್ ಘಾಟ್ ಎದುರು ಇರುವ ಜೆಟ್ಟಿ ಬೋರ್ಡಿಂಗ್ ಪಾಯಿಂಟ್‌ನಿಂದ ಇದನ್ನು ಫ್ಲ್ಯಾಗ್ ಆಫ್ ಮಾಡುವರು.
4. ಅಧಿಕಾರಿಗಳ ಪ್ರಕಾರ, ಕ್ರೂಸ್ ಒಟ್ಟು 4,000 ಕಿಮೀ ದೂರವನ್ನು 50 ದಿನಗಳಲ್ಲಿ ಕ್ರಮಿಸುತ್ತದೆ.
5. ದಾರಿಯಲ್ಲಿ, ವಿಶ್ವ ಪರಂಪರೆಯ ತಾಣಗಳು ಸೇರಿದಂತೆ 50 ಕ್ಕೂ ಹೆಚ್ಚು ಸ್ಥಳಗಳಲ್ಲಿ ಕ್ರೂಸ್ ನಿಲ್ಲುತ್ತದೆ. ಇದು ಸುಂದರಬನ್ಸ್ ಡೆಲ್ಟಾ ಮತ್ತು ಕಾಜಿರಂಗ ರಾಷ್ಟ್ರೀಯ ಉದ್ಯಾನವನ ಸೇರಿದಂತೆ ರಾಷ್ಟ್ರೀಯ ಉದ್ಯಾನವನಗಳು ಮತ್ತು ಅಭಯಾರಣ್ಯಗಳ ಮೂಲಕ ಹಾದುಹೋಗುತ್ತದೆ.
6. ಕ್ರೂಸ್‌ನಲ್ಲಿ ಸಂಗೀತ, ಸಾಂಸ್ಕೃತಿಕ ಕಾರ್ಯಕ್ರಮಗಳು, ಜಿಮ್, ಸ್ಪಾ, ಮತ್ತು ತೆರೆದ ಗಾಳಿಯ ವೀಕ್ಷಣಾ ಡೆಕ್ ಮುಂತಾದ ಹಲವಾರು ಸೌಲಭ್ಯಗಳು ಇರುತ್ತವೆ.
Loading ...