ʼಕೆಂಪು ಶ್ರೀಗಂಧʼ ಅಥವಾ ʼರಕ್ತ ಚಂದನʼದ ಉಪಯೋಗಗಳೇನು ತಿಳಿಯಿರಿ

ಕೆಂಪು ಶ್ರೀಗಂಧವನ್ನು ಸಾಮಾನ್ಯವಾಗಿ ಸೌಂದರ್ಯ ವರ್ಧಕ ವಸ್ತಗಳನ್ನು ತಯಾರಿಸಲು ಬಳಸಲಾಗುತ್ತದೆ. ಇದು ಚರ್ಮದಲ್ಲಿರುವ ಸುಕ್ಕುಗಳು, ಮೊಡವೆಗಳು, ಒಣ ಚರ್ಮದಂತಹ ಅನೇಕ ಚರ್ಮದ ಸಮಸ್ಯೆಗಳನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಆದರೆ ಈ ಕೆಂಪು ಶ್ರೀಗಂಧವನ್ನು ಮನೆಯ ಕೆಲಸಗಳಿಗೂ ಬಳಸಬಹುದು. ಅದು ಯಾವುದೆಂಬುದನ್ನು ತಿಳಿದುಕೊಳ್ಳೋಣ.

ಮಳೆಗಾಲದಲ್ಲಿ ವಾತಾವರಣದ ತೇವಾಂಶದಿಂದಾಗಿ ಕೋಣೆ ತೇವಾಂಶಗೊಂಡು ವಾಸನೆ ಬರಲು ಶುರುವಾಗುತ್ತದೆ. ಇದಕ್ಕಾಗಿ ಮಾರುಕಟ್ಟೆಯಲ್ಲಿ ಸಿಗುವಂತಹ ಸುಗಂಧ ದ್ರವ್ಯಗಳನ್ನು ಬಳಸುವ ಬದಲು ಕೆಂಪು ಶ್ರೀಗಂಧದ ಪುಡಿಯನ್ನು ಬಳಸಿ. ಇದು 3-4 ದಿನಗಳ ಕಾಲ ಕೋಣೆಯನ್ನು ತಾಜಾವಾಗಿರಿಸುತ್ತದೆ. ಇದರಿಂದ ಯಾವುದೇ ಹಾನಿ ಇಲ್ಲ.

ಹಾಗಾಗಿ 3 ಚಮಚ ಕೆಂಪು ಶ್ರೀಗಂಧದ ಪುಡಿಗೆ 1 ಚಮಚ ಲ್ಯಾವೆಂಡರ್ ಆಯಿಲ್, 1 ಚಮಚ ಬೇವಿನ ಎಣ್ಣೆ, 3 ಕಪ್ ನೀರನ್ನು ಸೇರಿಸಿ ಮಿಕ್ಸ್ ಮಾಡಿ ಸ್ಪ್ರೇ ಬಾಟಲಿನ ಸಹಾಯದಿಂದ ಕೋಣೆಯಲ್ಲಿ ಸ್ಪ್ರೇ ಮಾಡಿ. ಅಲ್ಲದೇ ಇದನ್ನು ಸಸ್ಯದಲ್ಲಿ ಕೀಟಗಳ ಸಮಸ್ಯೆಯಿದ್ದರೆ ಅದನ್ನು ಓಡಿಸಲು ಸಹ ಬಳಸಬಹುದು.