ಭಾರತೀಯ ಕ್ರಿಕೆಟ್ ತಂಡದ ಸ್ಟಾರ್ ಆಟಗಾರ ಹಾರ್ದಿಕ್ ಪಾಂಡ್ಯ ತಮ್ಮ ನಿವಾಸದಲ್ಲಿ ಪ್ರೇಯಸಿ ಮಹಿಕಾ ಶರ್ಮಾ ಹಾಗೂ ಮಗ ಅಗಸ್ತ್ಯ ಜೊತೆಗೂಡಿ ಈ ಬಾರಿಯ ಚೋತಿ ದೀಪಾವಳಿ ಹಬ್ಬವನ್ನು ಬಹಳ ಸಡಗರದಿಂದ ಆಚರಿಸಿದ್ದಾರೆ. ಹಬ್ಬದ ವಿಶೇಷ ಕ್ಷಣಗಳ ಫೋಟೋಗಳು ಹಾಗೂ ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳೊಂದಿಗೆ ಸಂಭ್ರಮವನ್ನು ಹಂಚಿಕೊಂಡಿದ್ದಾರೆ.
ಹಂಚಿಕೊಂಡಿರುವ ವಿಡಿಯೋಗಳ ಪ್ರಕಾರ, ಹಾರ್ದಿಕ್ ಹಾಗೂ ಮಹಿಕಾ ಒಟ್ಟಾಗಿ ಪೂಜಾ ವಿಧಿವಿಧಾನಗಳನ್ನು ನೆರವೇರಿಸಿದ್ದಾರೆ. ಮತ್ತೊಂದೆಡೆ ಮುದ್ದಿನ ಮಗ ಅಗಸ್ತ್ಯ ತಂದೆಯ ಹಣೆಗೆ ತಿಲಕವಿಡುತ್ತಿರುವ ಸುಂದರ ದೃಶ್ಯ ಸೆರೆಯಾಗಿದೆ. ಹಬ್ಬದ ಈ ವಿಶೇಷ ದಿನದಂದು ಈ ಜೋಡಿಯು ನೀಲಿ ಬಣ್ಣದ ಉಡುಪಿನಲ್ಲಿ ಒಂದೇ ರೀತಿಯಾಗಿ ಕಾಣಿಸಿಕೊಳ್ಳುವ ಮೂಲಕ ಗಮನ ಸೆಳೆದಿದೆ. ಕಳೆದ ಒಂದು ವರ್ಷದಿಂದ ಇಬ್ಬರೂ ತಮ್ಮ ಇನ್ಸ್ಟಾಗ್ರಾಮ್ ಖಾತೆಗಳಲ್ಲಿ ಹಂಚಿಕೊಳ್ಳುತ್ತಿರುವ ಪ್ರೀತಿಯ ಚಿತ್ರಗಳು ಸಖತ್ ವೈರಲ್ ಆಗುತ್ತಿವೆ. ಇನ್ನು ಹಾರ್ದಿಕ್ ಅವರ ಹಿಂದಿನ ಹುಟ್ಟುಹಬ್ಬವನ್ನು ಈ ಜೋಡಿಯು ಕಡಲತೀರದ ಸುಂದರ ತಾಣದಲ್ಲಿ ಆಚರಿಸಿಕೊಂಡಿತ್ತು. ಜೊತೆಗೆ ಕಾರು ತೊಳೆಯುವ ಸಂದರ್ಭದಲ್ಲಿ ಮಹಿಕಾ ಅವರು ಹಾರ್ದಿಕ್ ಕಾಲೆಳೆಯುತ್ತಿರುವ ವಿಡಿಯೋ ಕೂಡ ಈ ಕಥೆಯಲ್ಲಿದೆ.
ವೈಯಕ್ತಿಕ ಜೀವನದ ಹಿನ್ನೆಲೆ ನೋಡುವುದಾದರೆ, ಹಾರ್ದಿಕ್ ಪಾಂಡ್ಯ ಹಾಗೂ ನತಾಶಾ ಸ್ಟಾಂಕೋವಿಕ್ 2020ರಲ್ಲಿ ಲಾಕ್‌ಡೌನ್ ಸಮಯದಲ್ಲಿ ವಿವಾಹವಾಗಿದ್ದರು. ಆದರೆ ಕೆಲ ತಿಂಗಳುಗಳ ಕಾಲ ಹಬ್ಬಿದ್ದ ಊಹಾಪೋಹಗಳ ಬಳಿಕ 2024ರ ಜುಲೈನಲ್ಲಿ ಪರಸ್ಪರ ಒಪ್ಪಿಗೆಯ ಮೇರೆಗೆ ಬೇರ್ಪಡುವುದಾಗಿ ಘೋಷಿಸಿದ್ದರು. ನಾಲ್ಕು ವರ್ಷಗಳ ಒಡನಾಟದ ಬಳಿಕ ಮಗ ಅಗಸ್ತ್ಯನ ಭವಿಷ್ಯ ಹಾಗೂ ಸಂತೋಷಕ್ಕಾಗಿ ಇಬ್ಬರೂ ಜಂಟಿಯಾಗಿ ಪಾಲನೆ ಮಾಡುವುದಾಗಿ ತಿಳಿಸಿದ್ದರು.
