ಇಂಡಿಯಾಸ್ ಗಾಟ್ ಲ್ಯಾಟೆಂಟ್ 2’ ಕಾರ್ಯಕ್ರಮದಲ್ಲಿ ಅಮಿತಾಭ್ ಬಚ್ಚನ್ ಹಾಗೂ ರೇಖಾ ಅವರನ್ನು ಉಲ್ಲೇಖಿಸಿ ಭುವನ್ ಬಾಮ್ ಮಾಡಿದ ಜೋಕ್ ಇದೀಗ ಗಮನ ಸೆಳೆದಿದೆ. ಭುವನ್ ಅವರ ಮಾತಿಗೆ ಪ್ರತಿಕ್ರಿಯಿಸಿದ ಕಾಸ್ಟಿಂಗ್ ಡೈರೆಕ್ಟರ್ ಮುಕೇಶ್ ಛಾಬ್ರಾ, “ಮಗಾ, ನಿನ್ನ ಸಿನಿಮಾ ಕರಿಯರ್ ಈಗಷ್ಟೇ ಶುರುವಾಗಿದೆ” ಎಂದು ತಮಾಷೆಯ ಧಾಟಿಯಲ್ಲಿ ಎಚ್ಚರಿಕೆ ನೀಡಿದ್ದಾರೆ.
ಹೌದು. ಇಂಡಿಯಾಸ್ ಗಾಟ್ ಲ್ಯಾಟೆಂಟ್ 2’ ಕಾರ್ಯಕ್ರಮದ ಇತ್ತೀಚಿನ ಸಂಚಿಕೆಯಲ್ಲಿ ಮುಕೇಶ್ ಛಾಬ್ರಾ, ಭುವನ್ ಬಾಮ್ ಹಾಗೂ ನವಾಜುದ್ದೀನ್ ಸಿದ್ದಿಕಿ ಅವರು ಸಮಾಯ್ ರೈನಾ ಅವರೊಂದಿಗೆ ಪ್ಯಾನೆಲ್‌ನಲ್ಲಿ ಕಾಣಿಸಿಕೊಂಡಿದ್ದರು. ಈ ವೇಳೆ ಬಾಲಿವುಡ್ ಸೂಪರ್‌ಸ್ಟಾರ್ ಅಮಿತಾಭ್ ಬಚ್ಚನ್ ಮತ್ತು ನಟಿ ರೇಖಾ ಅವರ ನಡುವಿನ ಹಳೆಯ ಪ್ರೇಮದ ವದಂತಿಗಳನ್ನು ಉಲ್ಲೇಖಿಸಿ ಭುವನ್ ಬಾಮ್ ಜೋಕ್ ಮಾಡಲು ಮುಂದಾದಾಗ, ಕಾಸ್ಟಿಂಗ್ ಡೈರೆಕ್ಟರ್ ಮುಕೇಶ್ ಛಾಬ್ರಾ ಅವರನ್ನು ಎಚ್ಚರಿಸಿದ್ದಾರೆ.
ಅಮಿತಾಭ್ ಬಚ್ಚನ್ ಅವರನ್ನು ಅನುಕರಿಸಿದ ಸ್ಪರ್ಧಿ
ಈ ಘಟನೆ ‘ಇಂಡಿಯಾಸ್ ಗಾಟ್ ಲ್ಯಾಟೆಂಟ್ 2’ ವೇದಿಕೆಯಲ್ಲಿ ಸ್ಪರ್ಧಿ ಪ್ರತೀಕ್ ಭಾರದ್ವಾಜ್ ಅವರು ಅಮಿತಾಭ್ ಬಚ್ಚನ್ ಅವರನ್ನು ಅನುಕರಿಸಿದ ಬಳಿಕ ನಡೆದಿದೆ.ಪ್ರತೀಕ್ ಅವರ ಅಭಿನಯದಿಂದ ಪ್ರಭಾವಿತರಾದ ಭುವನ್ ಬಾಮ್, “ಆಪ್‌ಕೆ ಟ್ಯಾಲೆಂಟ್ ಕಿ ಕೊಯಿ ರೇಖಾ ಹೈ?” ಎಂದು ಪ್ರಶ್ನಿಸಿದ್ದಾರೆ. ಇಲ್ಲಿ ಅವರು ‘ರೇಖಾ’ ಎಂಬ ಪದವನ್ನು ನಟಿ ರೇಖಾ ಅವರನ್ನು ಉಲ್ಲೇಖಿಸಲು ಬಳಸಿದ್ದರು.
ಭುವನ್ ಅವರ ಈ ಮಾತಿಗೆ ಕಾರ್ಯಕ್ರಮದಲ್ಲಿದ್ದವರು ಜೋರಾಗಿ ನಕ್ಕು ಪ್ರತಿಕ್ರಿಯಿಸಿದರೆ, ಮುಕೇಶ್ ಛಾಬ್ರಾ ತಕ್ಷಣವೇ ಭುವನ್ ಅವರನ್ನು ಎಚ್ಚರಿಸಿದ್ದಾರೆ.
‘ನಿನ್ನ ಸಿನಿಮಾ ಕರಿಯರ್ ಈಗಷ್ಟೇ ಶುರುವಾಗಿದೆ’
ಭುವನ್ ಬಾಮ್ ಅವರ ಜೋಕ್‌ಗೆ ಪ್ರತಿಕ್ರಿಯಿಸಿದ ಮುಕೇಶ್ ಛಾಬ್ರಾ, “ಮಗಾ, ನಿನ್ನ ಸಿನಿಮಾ ಕರಿಯರ್ ಈಗಷ್ಟೇ ಶುರುವಾಗಿದೆ” ಎಂದು ಎಚ್ಚರಿಕೆಯ ಧಾಟಿಯಲ್ಲಿ ಹೇಳಿದ್ದಾರೆ.ಇದಕ್ಕೆ ಭುವನ್ ಬಾಮ್ ಕೂಡ “ನಾನು ಇಂಡಿಪೆಂಡೆಂಟ್ ಕೂಡ ಹೌದು” ಎಂದು ಪ್ರತಿಕ್ರಿಯಿಸಿದ್ದಾರೆ.ಈ ಸಂಭಾಷಣೆ ಕಾರ್ಯಕ್ರಮದಲ್ಲಿ ಹಾಸ್ಯಮಯ ವಾತಾವರಣಕ್ಕೆ ಕಾರಣವಾಯಿತು.
ಅಮಿತಾಭ್ ಬಚ್ಚನ್-ರೇಖಾ ಜೋಡಿ
ಅಮಿತಾಭ್ ಬಚ್ಚನ್ ಮತ್ತು ರೇಖಾ ಅವರು 1976ರಿಂದ 1981ರ ಅವಧಿಯಲ್ಲಿ ಸಿಲ್ಸಿಲಾ, ಮುಕದ್ದರ್ ಕಾ ಸಿಕಂದರ್ ಸೇರಿದಂತೆ ಒಂಬತ್ತು ಪ್ರಮುಖ ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದರು. ಇವರಿಬ್ಬರು ಬಾಲಿವುಡ್‌ನ ಅತ್ಯಂತ ಜನಪ್ರಿಯ ಆನ್-ಸ್ಕ್ರೀನ್ ಜೋಡಿಗಳಲ್ಲಿ ಒಬ್ಬರಾಗಿದ್ದರು.2001ರಲ್ಲಿ ರೇಖಾ ಅವರು ಸಿಮಿ ಗರೆವಾಲ್ ಅವರ ‘ರಾಂಡೆವೋ’ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಸಂದರ್ಭದಲ್ಲಿ, ಅಮಿತಾಭ್ ಬಚ್ಚನ್ ಅವರನ್ನು ತಾವು ಪ್ರೀತಿಸಿದ್ದೀರಾ ಎಂಬ ಪ್ರಶ್ನೆಯನ್ನು ಕೇಳಲಾಗಿತ್ತು.
ಆ ಸಂದರ್ಭದಲ್ಲಿ ರೇಖಾ ಅವರು ಈ ಪ್ರಶ್ನೆಯನ್ನು ‘ಮೂರ್ಖತನದ ಪ್ರಶ್ನೆ’ ಎಂದು ಹೇಳಿ, ಅಮಿತಾಭ್ ಬಚ್ಚನ್ ಅವರನ್ನು ಪ್ರೀತಿಸದ ವ್ಯಕ್ತಿ ದೇಶದಲ್ಲೇ ಇಲ್ಲ ಎಂಬ ಅರ್ಥದಲ್ಲಿ ಉತ್ತರಿಸಿದ್ದರು.
ಅಮಿತಾಭ್-ಜಯಾ ಬಚ್ಚನ್ ದಾಂಪತ್ಯ
ಇನ್ನು ಅಮಿತಾಭ್ ಬಚ್ಚನ್ ಅವರು ನಟಿ ಜಯಾ ಬಚ್ಚನ್ ಅವರನ್ನು ವಿವಾಹವಾಗಿದ್ದಾರೆ. 1971ರಲ್ಲಿ ಹೃಷಿಕೇಶ್ ಮುಖರ್ಜಿ ನಿರ್ದೇಶನದ ಗುಡ್ಡಿ ಸಿನಿಮಾದ ಸೆಟ್‌ನಲ್ಲಿ ಇಬ್ಬರೂ ಮೊದಲ ಬಾರಿಗೆ ಭೇಟಿಯಾಗಿದ್ದರು.
ನಂತರ 1973ರ ಜೂನ್ 3ರಂದು ವಿವಾಹವಾದ ಅಮಿತಾಭ್ ಮತ್ತು ಜಯಾ ಬಚ್ಚನ್ ಅವರಿಗೆ ಉದ್ಯಮಿ ಹಾಗೂ ಲೇಖಕಿ ಶ್ವೇತಾ ಬಚ್ಚನ್ ಮತ್ತು ನಟ ಅಭಿಷೇಕ್ ಬಚ್ಚನ್ ಇಬ್ಬರು ಮಕ್ಕಳಿದ್ದಾರೆ.ಅಮಿತಾಭ್ ಬಚ್ಚನ್ ಮತ್ತು ಜಯಾ ಬಚ್ಚನ್ ದಂಪತಿಗೆ ಅಗಸ್ತ್ಯ ನಂದಾ, ನವ್ಯಾ ನಂದಾ ಹಾಗೂ ಆರಾಧ್ಯ ಬಚ್ಚನ್ ಮೊಮ್ಮಕ್ಕಳಾಗಿದ್ದಾರೆ.
