ದೆಹಲಿಯ ಜಂತರ್ ಮಂತರ್ನಲ್ಲಿ ನಡೆದ ನೀಟ್ ಅಕ್ರಮದ ವಿರುದ್ಧದ ಪ್ರತಿಭಟನೆಯೊಂದರಲ್ಲಿ ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ಅವಾಚ್ಯ ಶಬ್ದಗಳಿಂದ ನಿಂದಿಸಿದ ಹಾಗೂ ವಿವಾದಾತ್ಮಕ ಘೋಷಣೆಗಳನ್ನು ಕೂಗಿದ ಆರೋಪ ಎದುರಿಸುತ್ತಿರುವ 15 ವರ್ಷದ ಬಾಲಕಿ ರುಚಿಕಾ ಸಿಂಗ್ ವಿಡಿಯೋ ಮೂಲಕ ಇಡೀ ದೇಶದ ಬಳಿ ಕ್ಷಮೆಯಾಚಿಸಿದ್ದಳು.
ವೈರಲ್ ಆಗಿರುವ ವಿಡಿಯೋದಲ್ಲಿ ಕೈ ಮುಗಿದು ಮಾತನಾಡಿರುವ ಬಾಲಕಿ, ತಾನು ಕನ್ನಾಟ್ ಪ್ಲೇಸ್ಗೆ ಹೋದಾಗ ಸ್ನೇಹಿತರೊಂದಿಗೆ ಪ್ರತಿಭಟನೆಗೆ ತೆರಳಿದ್ದೆಂದೂ, ಸುತ್ತಮುತ್ತಲಿನ ಜನರ ಪ್ರಭಾವಕ್ಕೆ ಒಳಗಾಗಿ ಹಾಗೆ ಮಾಡಿದ್ದಾಗಿ ಒಪ್ಪಿಕೊಂಡಿದ್ದಳು. ಇದು ತನ್ನ ಜೀವನದ “ಮೊದಲ ಮತ್ತು ಕೊನೆಯ ತಪ್ಪು” ಎಂದು ಹೇಳಿಕೊಂಡ ಆಕೆ, ತನಗೆ ತಾನೇ ನಾಚಿಕೆಯಾಗುತ್ತಿದೆ ಎಂದು ಹೇಳುತ್ತಾ ಇಡೀ ದೇಶದ ಕ್ಷಮೆ ಕೋರಿದ್ದಳು.
ಈ ವಿಡಿಯೊ ಬಳಿಕ ಮೋದಿ ಸಹ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ವಿಡಿಯೊವೊಂದನ್ನು ಹಂಚಿಕೊಂಡು ದಾರಿತಪ್ಪಿದ ಮಕ್ಕಳಿಗೆ ಶಿಕ್ಷೆಯಲ್ಲ, ಮಾರ್ಗದರ್ಶನ ಬೇಕು ಎಂದು ಮಕ್ಕಳನ್ನು ಕ್ಷಮಿಸಿಬಿಡೋಣ ಎಂದಿದ್ದರು. ಅಲ್ಲದೇ ದೆಹಲಿ ಪೊಲೀಸರು ಆ ಬಾಲಕಿ ಮೇಲಿನ ಎಫ್ಐಆರ್ ರದ್ದುಪಡಿಸಿದರು.
ಹೀಗೆ ಮಾಡಿದ ತಪ್ಪಿಗೆ ಕ್ಷಮೆಯಾಚಿಸಿದ ಬಾಲಕಿ ವಿಡಿಯೊ ವೈರಲ್ ಆದ ಬಳಿಕ ಮೋದಿ ಅಭಿಮಾನಿಗಳು ಬಾಲಕಿ ಇಡೀ ದೇಶವನ್ನೇ ಯಾಮಾರಿಸಿದ್ದಾಳೆ, ಆ ವಿಡಿಯೊದಲ್ಲಿ ಇರುವುದು ಆಕೆಯಲ್ಲ, ಆಕೆಯ ತಂಗಿ ಎಂದು ಆರೋಪಿಸಿದ್ದಾರೆ.
ಆ ಬಾಲಕಿಯ ಹಿಂದಿನ ವಿಡಿಯೊ ಹಾಗೂ ಕ್ಷಮಾಪಣಾ ವಿಡಿಯೊಗಳನ್ನು ಹೋಲಿಕೆ ಮಾಡಿ ಪೋಸ್ಟ್ ಹಂಚಿಕೊಂಡಿರುವ ಮೋದಿ ಅಭಿಮಾನಿಗಳು ತಲೆಕೂದಲಿನ ಶೈಲಿ, ಹಲ್ಲಿನ ಹೋಲಿಕೆಗಳನ್ನು ಮಾಡಿ ಇದು ರುಚಿಕಾ ಸಿಂಗ್ ಅಲ್ಲ, ಆಕೆಯ ತಂಗಿ ಎಂದು ಬರೆದುಕೊಂಡಿದ್ದಾರೆ.
https://x.com/chixxsays/status/2083789099694281139?s=20
