ನವದೆಹಲಿ: ಭಾರತೀಯ ನೌಕಾಪಡೆಯ ಸಾಮರ್ಥ್ಯವನ್ನು ಮತ್ತಷ್ಟು ಬಲಪಡಿಸುವ ನಿಟ್ಟಿನಲ್ಲಿ ಭಾರತ ಮತ್ತು ಜರ್ಮನಿ ನಡುವಿನ ಮಹತ್ವಾಕಾಂಕ್ಷೆಯ ‘ಪ್ರಾಜೆಕ್ಟ್-75ಐ (Project-75I)’ ಒಪ್ಪಂದ ಅಂತಿಮ ಹಂತ ತಲುಪಿದೆ.
ಹೌದು.ಭಾರತೀಯ ನೌಕಾಪಡೆಯ ಸಾಮರ್ಥ್ಯವನ್ನು ಮತ್ತಷ್ಟು ಬಲಪಡಿಸುವ ನಿಟ್ಟಿನಲ್ಲಿ ಭಾರತ ಮತ್ತು ಜರ್ಮನಿ ನಡುವಿನ ಮಹತ್ವಾಕಾಂಕ್ಷೆಯ ‘ಪ್ರಾಜೆಕ್ಟ್-75ಐ’ ಒಪ್ಪಂದ ಅಂತಿಮ ಹಂತ ತಲುಪಿದೆ. ಸುಮಾರು ₹90 ಸಾವಿರ ಕೋಟಿ (8 ಬಿಲಿಯನ್ ಯೂರೋ) ಮೌಲ್ಯದ ಈ ಒಪ್ಪಂದದಡಿ, ತಂತ್ರಜ್ಞಾನ ವರ್ಗಾವಣೆಯೊಂದಿಗೆ ಭಾರತದಲ್ಲೇ ಆರು ಅತ್ಯಾಧುನಿಕ ಟೈಪ್-214 ಜಲಾಂತರ್ಗಾಮಿಗಳನ್ನು ನಿರ್ಮಿಸಲಾಗಲಿದ್ದು, ಇದು ‘ಮೇಕ್ ಇನ್ ಇಂಡಿಯಾ’ ಅಭಿಯಾನಕ್ಕೆ ಮತ್ತೊಂದು ಮಹತ್ವದ ಮೈಲಿಗಲ್ಲಾಗಲಿದೆ.
ಸುಮಾರು ₹90,000 ಕೋಟಿ (8 ಬಿಲಿಯನ್ ಯೂರೋ) ಮೌಲ್ಯದ ಈ ಐತಿಹಾಸಿಕ ಒಪ್ಪಂದಕ್ಕೆ ಶೀಘ್ರದಲ್ಲೇ ಸಹಿ ಹಾಕಲಾಗುವುದು ಎಂದು ಭಾರತದಲ್ಲಿನ ಜರ್ಮನಿಯ ರಾಯಭಾರಿ ಫಿಲಿಪ್ ಆಕರ್ಮನ್ ತಿಳಿಸಿದ್ದಾರೆ. ಇಂಡೋ-ಜರ್ಮನ್ ಚೇಂಬರ್ ಆಫ್ ಕಾಮರ್ಸ್ (IGCC) ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಅವರು ಈ ಮಾಹಿತಿ ಹಂಚಿಕೊಂಡರು.
‘ಮೇಕ್ ಇನ್ ಇಂಡಿಯಾ’ ಅಡಿಯಲ್ಲಿ ಜಲಾಂತರ್ಗಾಮಿ ನಿರ್ಮಾಣ
ಜರ್ಮನಿಯ ಥೈಸೆನ್ಕ್ರುಪ್ ಮೆರೈನ್ ಸಿಸ್ಟಮ್ಸ್ (TKMS) ಮತ್ತು ಭಾರತದ ಸರ್ಕಾರಿ ರಕ್ಷಣಾ ಸಂಸ್ಥೆ ಮಜಗಾನ್ ಡಾಕ್ ಶಿಪ್ಬಿಲ್ಡರ್ಸ್ ಲಿಮಿಟೆಡ್ (MDL) ಸಹಭಾಗಿತ್ವದಲ್ಲಿ ಈ ಯೋಜನೆ ಜಾರಿಯಾಗಲಿದೆ.ತಂತ್ರಜ್ಞಾನ ವರ್ಗಾವಣೆ (Technology Transfer) ಮೂಲಕ ಭಾರತದಲ್ಲೇ ಅತ್ಯಾಧುನಿಕ ‘ಟೈಪ್-214’ ಮಾದರಿಯ ಆರು ಜಲಾಂತರ್ಗಾಮಿಗಳನ್ನು ನಿರ್ಮಿಸಲಾಗುತ್ತದೆ.
‘ಟೈಪ್-214’ ಜಲಾಂತರ್ಗಾಮಿಯ ಪ್ರಮುಖ ವೈಶಿಷ್ಟ್ಯಗಳು
- ಏರ್ ಇಂಡಿಪೆಂಡೆಂಟ್ ಪ್ರೊಪಲ್ಷನ್ (AIP) ತಂತ್ರಜ್ಞಾನ ಹೊಂದಿದ್ದು, ಮೇಲ್ಮೈಗೆ ಬರದೆ ಸತತ ಮೂರು ವಾರಗಳವರೆಗೆ ನೀರಿನಡಿಯಲ್ಲೇ ಕಾರ್ಯನಿರ್ವಹಿಸಬಹುದು.
- ಒಟ್ಟು ಕಾರ್ಯಾಚರಣಾ ಅವಧಿ 84 ದಿನಗಳು.
- ಸುಮಾರು 65 ಮೀಟರ್ ಉದ್ದ ಹೊಂದಿದೆ.
- ಶತ್ರುಗಳ ಮ್ಯಾಗ್ನೆಟಿಕ್ ಪತ್ತೆ ವ್ಯವಸ್ಥೆಯಿಂದ ತಪ್ಪಿಸಿಕೊಳ್ಳಲು HY-100 ಫೆರೋ-ಮ್ಯಾಗ್ನೆಟಿಕ್ ಸ್ಟೀಲ್ ಬಳಸಿ ಪ್ರೆಶರ್ ಹಲ್ ನಿರ್ಮಿಸಲಾಗಿದೆ.
- ನೀರಿನಡಿ 20 ನಾಟ್ಸ್ ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯ ಹೊಂದಿದೆ.
- ಸಾಮಾನ್ಯವಾಗಿ 250 ಮೀಟರ್ಗಿಂತ ಹೆಚ್ಚು ಹಾಗೂ ಗರಿಷ್ಠ 400 ಮೀಟರ್ ಆಳದವರೆಗೆ ಕಾರ್ಯಾಚರಣೆ ನಡೆಸಬಹುದು.
ಶಕ್ತಿಶಾಲಿ ಶಸ್ತ್ರಾಸ್ತ್ರ ವ್ಯವಸ್ಥೆ
- 8 ಟಾರ್ಪಿಡೊ ಟ್ಯೂಬ್ಗಳ ಮೂಲಕ ಹೆವಿ ಟಾರ್ಪಿಡೊಗಳು ಹಾಗೂ ಸಬ್-ಹಾರ್ಪೂನ್ ಆಂಟಿ-ಶಿಪ್ ಕ್ಷಿಪಣಿಗಳನ್ನು ಉಡಾಯಿಸಬಹುದು.
- ಅತ್ಯಾಧುನಿಕ ORCCA Combat Management System ಅಳವಡಿಸಲಾಗಿದೆ.
- ಶಬ್ದ ಮತ್ತು ಮ್ಯಾಗ್ನೆಟಿಕ್ ಗುರುತುಗಳನ್ನು ಅತ್ಯಂತ ಕಡಿಮೆ ಮಾಡುವ ವಿಶೇಷ ವಿನ್ಯಾಸ ಹೊಂದಿದೆ.
- ಈ ಜಲಾಂತರ್ಗಾಮಿಯಲ್ಲಿ 5 ಅಧಿಕಾರಿಗಳು ಹಾಗೂ 22 ನಾವಿಕರು ಸೇರಿ ಒಟ್ಟು 27 ಸಿಬ್ಬಂದಿ ಕಾರ್ಯನಿರ್ವಹಿಸಬಹುದು.
