ಬೆಂಗಳೂರು: ಜ್ಯೋತಿಷ್ಯ (Astrology) ಶಾಸ್ತ್ರದಲ್ಲಿ ಗ್ರಹಗಳ ಸ್ಥಾನಪಲ್ಲಟ ಮತ್ತು ಸಂಯೋಜನೆಗಳಿಗೆ ಅತ್ಯಂತ ಮಹತ್ವದ ಸ್ಥಾನವಿದೆ. ಗ್ರಹಗಳ ಪ್ರತಿ ಚಲನೆಯೂ ಎಲ್ಲಾ 12 ರಾಶಿಗಳ ಮೇಲೆ ನೇರ ಹಾಗೂ ಪರೋಕ್ಷ ಪ್ರಭಾವ ಬೀರುತ್ತದೆ. ಈಗ ಪಂಚಾಂಗದ ಲೆಕ್ಕಾಚಾರದ ಪ್ರಕಾರ, ಜೂನ್ 2 ರಂದು ಗುರು ಹಾಗೂ ಕೇತು ಗ್ರಹಗಳ ವಿಶೇಷ ಸಂಯೋಜನೆಯಿಂದ ಅತ್ಯಂತ ಶುಭದಾಯಕವಾದ ದ್ವಿದ್ವಾದಶ ಯೋಗ ನಿರ್ಮಾಣವಾಗುತ್ತಿದೆ
ಜ್ಯೋತಿಷ್ಯದಲ್ಲಿ ಗುರುವನ್ನು ಜ್ಞಾನ, ಸಂಪತ್ತು ಮತ್ತು ಅದೃಷ್ಟದ ಕಾರಕ ಎಂದು ಪರಿಗಣಿಸಿದರೆ, ಕೇತುವನ್ನು ಮೋಕ್ಷ ಹಾಗೂ ಅನಿರೀಕ್ಷಿತ ಲಾಭದ ಸಂಕೇತವೆಂದು ಹೇಳಲಾಗುತ್ತದೆ. ಈ ಎರಡು ಪ್ರಬಲ ಗ್ರಹಗಳ ಸಂಯೋಗದಿಂದ ಸೃಷ್ಟಿಯಾಗುತ್ತಿರುವ ಈ ಯೋಗವು ಕೆಲವು ರಾಶಿಯವರಿಗೆ ಅನಿರೀಕ್ಷಿತ ಒಳಿತನ್ನು ಮಾಡಲಿದ್ದು, ಮುಖ್ಯವಾಗಿ 4 ರಾಶಿಯವರ ಜೀವನದಲ್ಲಿ ಭರ್ಜರಿ ಧನಾತ್ಮಕ ಬದಲಾವಣೆ ತರಲಿದೆ.
ಆ ಲಕ್ಕಿ ರಾಶಿಗಳು ಯಾವುವು?
ಕರ್ಕಾಟಕ ರಾಶಿ: ಉದ್ಯೋಗದಲ್ಲಿ ಬಡ್ತಿ, ವ್ಯಾಪಾರದಲ್ಲಿ ಭರ್ಜರಿ ಲಾಭ
ಈ ದ್ವಿದ್ವಾದಶ ಯೋಗವು ಕರ್ಕಾಟಕ ರಾಶಿಯವರಿಗೆ ಅದ್ಭುತ ಫಲಿತಾಂಶಗಳನ್ನು ತರಲಿದೆ.ಉದ್ಯೋಗದಲ್ಲಿರುವವರಿಗೆ ಆಫೀಸ್ನಲ್ಲಿ ಬಡ್ತಿ (Promotion) ಸಿಗುವ ಸಾಧ್ಯತೆ ದಟ್ಟವಾಗಿದೆ.
ಆರ್ಥಿಕ ಸಬಲತೆ: ವ್ಯಾಪಾರಸ್ಥರಿಗೆ ದೊಡ್ಡ ಮಟ್ಟದ ಆರ್ಥಿಕ ಲಾಭವಾಗಲಿದ್ದು, ನಿಮ್ಮ ಆರ್ಥಿಕ ಸ್ಥಿತಿ ಮತ್ತಷ್ಟು ಸದೃಢವಾಗಲಿದೆ. ಕುಟುಂಬದಲ್ಲಿ ಸಂತಸದ ವಾತಾವರಣ ಮೂಡಲಿದ್ದು, ಮಾನಸಿಕ ನೆಮ್ಮದಿ ಹೆಚ್ಚಾಗಲಿದೆ.
ಕನ್ಯಾ ರಾಶಿ: ಹೂಡಿಕೆಯಿಂದ ಅನಿರೀಕ್ಷಿತ ಆದಾಯ, ಸುವರ್ಣ ಕಾಲ ಆರಂಭ.ಕನ್ಯಾ ರಾಶಿಯ ಜಾತಕದವರಿಗೆ ಈ ಸಮಯವು ಸುವರ್ಣಾವಕಾಶಗಳನ್ನು ಒದಗಿಸಲಿದೆ.
ನೀವು ಕೈಹಾಕುವ ಪ್ರತಿಯೊಂದು ಹೊಸ ಕೆಲಸದಲ್ಲೂ ಯಶಸ್ಸು ನಿಮ್ಮದಾಗಲಿದೆ.
ಷೇರು ಮಾರುಕಟ್ಟೆ ಲಾಭ: ಷೇರು ಮಾರುಕಟ್ಟೆ ಅಥವಾ ಇತರೆ ಹೂಡಿಕೆಗಳಿಂದ ಅನಿರೀಕ್ಷಿತ ಲಾಭ ಗಳಿಸುವಿರಿ. ಬಹುಕಾಲದಿಂದ ನಾನಾ ಕಾರಣಗಳಿಂದ ಬಾಕಿ ಉಳಿದಿದ್ದ ಪ್ರಮುಖ ಕೆಲಸಗಳು ಯಾವುದೇ ವಿಘ್ನವಿಲ್ಲದೆ ಸುಗಮವಾಗಿ ಪೂರ್ಣಗೊಳ್ಳಲಿವೆ.
ವೃಶ್ಚಿಕ ರಾಶಿ: ಹೊಸ ಆದಾಯದ ಮೂಲ, ಒಲಿದು ಬರಲಿದೆ ಉದ್ಯೋಗ
ಗುರು ಮತ್ತು ಕೇತುವಿನ ಈ ವಿಶೇಷ ಸಂಯೋಗವು ವೃಶ್ಚಿಕ ರಾಶಿಯವರ ಪಾಲಿಗೆ ಅದೃಷ್ಟದ ಬಾಗಿಲು ತೆರೆಯಲಿದೆ.ಉದ್ಯೋಗ ಹುಡುಕುತ್ತಿರುವ ಯುವಕರಿಗೆ ಪ್ರತಿಷ್ಠಿತ ಸಂಸ್ಥೆಗಳಿಂದ ಆಫರ್ ಲೆಟರ್ ಬರಬಹುದು.ಹೊಸ ಆದಾಯದ ಮೂಲಗಳು ಸೃಷ್ಟಿಯಾಗಲಿವೆ. ಧಾರ್ಮಿಕ ಕಾರ್ಯಗಳಲ್ಲಿ ಆಸಕ್ತಿ ಹೆಚ್ಚಾಗಲಿದ್ದು, ಸಕುಟುಂಬ ಸಪರಿವಾರ ಸಮೇತರಾಗಿ ಪುಣ್ಯಕ್ಷೇತ್ರಗಳಿಗೆ ಭೇಟಿ ನೀಡುವ ಯೋಗವಿದೆ.
ಮೀನ ರಾಶಿ: ಸಾಲದಿಂದ ಸಂಪೂರ್ಣ ಮುಕ್ತಿ, ಕೋರ್ಟ್ ಕೇಸ್ಗಳಲ್ಲಿ ಜಯ
ಮೀನ ರಾಶಿಯವರ ಜೀವನದಲ್ಲಿ ಈ ಯೋಗವು ಮಹತ್ತರವಾದ ಸಕಾರಾತ್ಮಕ ಬದಲಾವಣೆಗಳನ್ನು ತರಲಿದೆ.ಹಳೆಯ ಸಾಲಗಳಿಂದ ಸಂಪೂರ್ಣವಾಗಿ ಮುಕ್ತಿ ಪಡೆಯಲಿದ್ದೀರಿ. ಕೋರ್ಟ್ ಕಚೇರಿ ವ್ಯಾಜ್ಯಗಳಿದ್ದರೆ ಅದರಲ್ಲಿ ಜಯ ನಿಮ್ಮದಾಗಲಿದೆ.ನಿಮ್ಮ ಸೃಜನಶೀಲತೆ ಮತ್ತು ಪ್ರತಿಭೆಗೆ ತಕ್ಕ ಮನ್ನಣೆ ಸಿಗಲಿದ್ದು, ಸಮಾಜದಲ್ಲಿ ನಿಮ್ಮ ಕೀರ್ತಿ ವೃದ್ಧಿಯಾಗಲಿದೆ.
ಅದೃಷ್ಟ ಇನ್ನು ಹೆಚ್ಚಾಗಲು ಮಾಡಿ ಈ ಸರಳ ಪರಿಹಾರ
ಈ ಯೋಗದ ಶುಭ ಫಲಗಳನ್ನು ಇನ್ನು ಹತ್ತರಷ್ಟು ಹೆಚ್ಚಿಸಲು ಜ್ಯೋತಿಷ್ಯ ಶಾಸ್ತ್ರದಲ್ಲಿ ಕೆಲವು ಸರಳ ಕ್ರಮಗಳನ್ನು ತಿಳಿಸಲಾಗಿದೆ:
ವಿಷ್ಣು ಸಹಸ್ರನಾಮ ಪಠಣೆ: ಗುರುವಾರದಂದು ವಿಷ್ಣು ಸಹಸ್ರನಾಮ ಪಠಿಸುವುದು ಅತ್ಯಂತ ಶ್ರೇಷ್ಠ.
ಆಲದ ಮರಕ್ಕೆ ಪೂಜೆ: ಅರಿಶಿನ ಮಿಶ್ರಿತ ನೀರನ್ನು ಆಲದ ಮರಕ್ಕೆ ಅರ್ಪಿಸುವುದರಿಂದ ಶುಭ ಫಲ ಸಿಗುತ್ತದೆ.
ಪುಸ್ತಕ ದಾನ: ಬಡ ವಿದ್ಯಾರ್ಥಿಗಳಿಗೆ ವಿದ್ಯಾಭ್ಯಾಸಕ್ಕಾಗಿ ಪುಸ್ತಕ ದಾನ ಮಾಡುವುದರಿಂದ ಗುರು ಗ್ರಹದ ಸಂಪೂರ್ಣ ಆಶೀರ್ವಾದ ನಿಮಗೆ ಲಭಿಸುತ್ತದೆ.
(ಗಮನಿಸಿ: ಉಳಿದ ರಾಶಿಯವರು ನಿತ್ಯವೂ ದೇವಸ್ಥಾನಕ್ಕೆ ಭೇಟಿ ನೀಡುವುದರಿಂದ ಮಾನಸಿಕ ನೆಮ್ಮದಿ ಜೊತೆಗೆ ಸಕಾರಾತ್ಮಕ ಬದಲಾವಣೆ ಕಾಣಬಹುದು).
