ಅಕ್ಷಯ ತೃತೀಯಕ್ಕೂ ಮುನ್ನ ಗ್ರಾಹಕರಿಗೆ ಶಾಕ್ : ಚಿನ್ನದ ಬೆಲೆಯಲ್ಲಿ ಭಾರಿ ಏರಿಕೆ: ಬೆಳ್ಳಿ ಬೆಲೆ ಎಷ್ಟಿದೆ?

ಶುಭ ಕಾರ್ಯಗಳಿಗೆ ಚಿನ್ನ ಖರೀದಿಸಲು ಕಾತರದಿಂದ ಕಾಯುತ್ತಿದ್ದ ಜನರಿಗೆ ಬೆಲೆ ಏರಿಕೆಯ ಬಿಸಿ ತಟ್ಟಿದೆ. ಏಪ್ರಿಲ್ 19ರ ಅಕ್ಷಯ ತೃತೀಯಕ್ಕೆ ಕೆಲವೇ ದಿನಗಳು ಬಾಕಿ ಇರುವಾಗ, ಭಾರತದಲ್ಲಿ ಚಿನ್ನದ ಬೆಲೆ ಇತಿಹಾಸದಲ್ಲೇ ಹಿಂದೆಂದೂ ಕಾಣದ ಮಟ್ಟಕ್ಕೆ ಏರಿಕೆಯಾಗಿದೆ.ಬಂಗಾರ ಪ್ರಿಯರ ನೆಚ್ಚಿನ ‘ಅಕ್ಷಯ ತೃತೀಯ’ಕ್ಕೆ ಕೌಂಟ್ ಡೌನ್ ಶುರುವಾಗಿದೆ! ಇಡೀ ವರ್ಷದಲ್ಲೇ ಅತಿ ಹೆಚ್ಚು ಚಿನ್ನ ಮಾರಾಟವಾಗುವ ಈ ದಿನಕ್ಕಾಗಿ ವ್ಯಾಪಾರಿಗಳು ಈಗಿನಿಂದಲೇ ಖರೀದಿ ಪ್ರಕ್ರಿಯೆ ಚುರುಕುಗೊಳಿಸಿದ್ದಾರೆ. ಮಾರುಕಟ್ಟೆಯಲ್ಲಿ ಏಕಾಏಕಿ ಬೇಡಿಕೆ ಹೆಚ್ಚಾದ ಹಿನ್ನೆಲೆಯಲ್ಲಿ ಚಿನ್ನದ ಬೆಲೆಯೂ ಗಗನಕ್ಕೇರುತ್ತಿದೆ.

ಇಂದಿನ ಚಿನ್ನದ ದರ ಎಷ್ಟು? (ಏಪ್ರಿಲ್ 16, 2026)

ಇಂದು ಬೆಂಗಳೂರು ಸೇರಿದಂತೆ ದೇಶದ ಪ್ರಮುಖ ನಗರಗಳಲ್ಲಿ ಚಿನ್ನದ ಬೆಲೆಯಲ್ಲಿ ಭಾರಿ ಏರಿಕೆ ಕಂಡುಬಂದಿದೆ:

24 ಕ್ಯಾರೆಟ್ ಚಿನ್ನ (10 ಗ್ರಾಂ): ₹220 ಏರಿಕೆಯಾಗಿ, ಬರೋಬ್ಬರಿ ₹1,55,570 ತಲುಪಿದೆ

24 ಕ್ಯಾರೆಟ್ ಚಿನ್ನ (1 ಗ್ರಾಂ): ಇಂದು ₹22 ಏರಿಕೆಯಾಗಿದ್ದು, ₹15,557 ಕ್ಕೆ ಲಭ್ಯವಿದೆ.

ಸಾಮಾನ್ಯ ಚಿನ್ನ (22 ಕ್ಯಾರೆಟ್): ಮಾರುಕಟ್ಟೆಯಲ್ಲಿ 10 ಗ್ರಾಂ ಚಿನ್ನದ ಬೆಲೆ ಸದ್ಯ ₹80,000 ಗಡಿ ದಾಟಿ ಮುನ್ನುಗ್ಗುತ್ತಿದೆ.

ಬೆಳ್ಳಿಯ ಬೆಲೆ ಸ್ಥಿರ:

ಕಳೆದ ಕೆಲವು ದಿನಗಳಿಂದ ಏರಿಕೆ ಕಾಣುತ್ತಿದ್ದ ಬೆಳ್ಳಿ ಬೆಲೆ ಇಂದು ತಟಸ್ಥವಾಗಿದೆ. ಪ್ರತಿ ಕೆಜಿಗೆ ಬೆಳ್ಳಿ ಬೆಲೆ ₹2,70,000 ರಷ್ಟಿದೆ. (ಗಮನಿಸಿ: ನೆನ್ನೆ ಒಂದೇ ದಿನ ಕೆಜಿಗೆ ₹15,000 ಏರಿಕೆಯಾಗಿತ್ತು)

ಗ್ರಾಹಕರಲ್ಲಿ ಶುರುವಾಗಿದೆ ದೊಡ್ಡ ಗೊಂದಲ

ಅಕ್ಷಯ ತೃತೀಯಕ್ಕೆ ಪ್ರಿ-ಬುಕ್ಕಿಂಗ್ ಈಗಾಗಲೇ ಆರಂಭವಾಗಿದೆ. ಆದರೆ ಬೆಲೆ ಏರಿಕೆಯನ್ನು ಕಂಡು ಗ್ರಾಹಕರು ಚಿನ್ನದ ಮೇಲೆ ಹೂಡಿಕೆ ಮಾಡಬೇಕೋ ಅಥವಾ ಷೇರು ಮಾರುಕಟ್ಟೆಯತ್ತ ಮುಖ ಮಾಡಬೇಕೋ ಎಂಬ ಗೊಂದಲದಲ್ಲಿದ್ದಾರೆ.

ಹೂಡಿಕೆದಾರರಿಗೆ ತಜ್ಞರ ಸಲಹೆ:

ಸುರಕ್ಷಿತ ಹೂಡಿಕೆ: ಎಷ್ಟೇ ಬೆಲೆ ಏರಿಕೆಯಾದರೂ ದೀರ್ಘಕಾಲದ ದೃಷ್ಟಿಯಿಂದ ಚಿನ್ನವು ಅತ್ಯಂತ ಸುರಕ್ಷಿತ ಹೂಡಿಕೆ ಎಂದು ಪರಿಗಣಿಸಲಾಗುತ್ತದೆ.

ಡಿಜಿಟಲ್ ಗೋಲ್ಡ್: ಭೌತಿಕ ಚಿನ್ನದ ಬದಲು ಗೋಲ್ಡ್ ಇಟಿಎಫ್ (Gold ETF) ಅಥವಾ ಸವರನ್ ಗೋಲ್ಡ್ ಬಾಂಡ್‌ಗಳ ಮೇಲೆ ಗಮನಹರಿಸಬಹುದು.

24 ಕ್ಯಾರಟ್ ಚಿನ್ನದ ದರ (1 ಗ್ರಾಂ) ನಗರವಾರು ಪಟ್ಟಿ

ಚೆನ್ನೈ – ₹15,666

ಮುಂಬೈ – ₹15,557

ದೆಹಲಿ – ₹15,572

ಕೊಲ್ಕತ್ತಾ – ₹15,557

ಬೆಂಗಳೂರು – ₹15,557

ಹೈದರಾಬಾದ್ – ₹15,557

ಕೇರಳ – ₹15,557

ಪುಣೆ – ₹15,557

ವಡೋದರಾ – ₹15,562

ಅಹಮದಾಬಾದ್ – ₹15,562