ರಾಜ್ಯದ ಜನತೆ ಗಮನಕ್ಕೆ : ‘ಅಟಲ್ ಜೀ ಜನಸ್ನೇಹಿ’ ಕೇಂದ್ರದಲ್ಲಿ ಸಿಗಲಿದೆ ಈ 37 ಸೇವೆಗಳು.!

ಸರ್ಕಾರಿ ಕೆಲಸವೆಂದರೆ ತಿಂಗಳುಗಟ್ಟಲೆ ಕಾಯಬೇಕು ಎಂಬ ಕಾಲ ಈಗ ಬದಲಾಗಿದೆ. ಸಾರ್ವಜನಿಕರಿಗೆ ಜಾತಿ, ಆದಾಯ, ವಾಸಸ್ಥಳ ದೃಢೀಕರಣ ಪತ್ರಗಳು ಸೇರಿದಂತೆ ವಿವಿಧ ದಾಖಲೆಗಳನ್ನು ನಿಗದಿತ ಕಾಲಮಿತಿಯೊಳಗೆ ಒದಗಿಸಲು ‘ಅಟಲ್ ಜೀ ಜನಸ್ನೇಹಿ ಕೇಂದ್ರಗಳು’ (ನೆಮ್ಮದಿ ಕೇಂದ್ರಗಳು) ಶ್ರಮಿಸುತ್ತಿವೆ.

ರೈತರು, ವಿದ್ಯಾರ್ಥಿಗಳು ಮತ್ತು ಹಿರಿಯ ನಾಗರಿಕರಿಗೆ ಅಗತ್ಯವಿರುವ ಸುಮಾರು 35ಕ್ಕೂ ಹೆಚ್ಚು ಸೇವೆಗಳು ಇಲ್ಲಿ ಲಭ್ಯವಿದ್ದು, ಯಾವ ಸೇವೆ ಎಷ್ಟು ದಿನಗಳಲ್ಲಿ ನಿಮಗೆ ಸಿಗುತ್ತದೆ ಎಂಬ ಸಂಪೂರ್ಣ ವಿವರ ಇಲ್ಲಿದೆ.ಈ ಕೇಂದ್ರಗಳಲ್ಲಿ ಕೇವಲ 7 ದಿನಗಳಿಂದ ಹಿಡಿದು ಗರಿಷ್ಠ 70 ದಿನಗಳ ಒಳಗೆ ನಿಮ್ಮ ಕೈಗೆ ಅಧಿಕೃತ ಪ್ರಮಾಣ ಪತ್ರಗಳು ಸಿಗಲಿವೆ. ವಿಶೇಷವಾಗಿ ರೈತರಿಗೆ ಪಹಣಿ ಪತ್ರಿಕೆ ಹಾಗೂ ಹಕ್ಕು ಬದಲಾವಣೆ ಪ್ರತಿಗಳು ತಕ್ಷಣವೇ (OTC) ದೊರೆಯಲಿವೆ.