ನಟ ವಿಜಯ್ ದೇವರಕೊಂಡ ಹಾಗೂ ರಶ್ಮಿಕಾ ಮಂದಣ್ಣ ಜೋಡಿ ಇತ್ತೀಚೆಗೆ ಬಹಳ ಸುದ್ದಿಯಲ್ಲಿದೆ. ಆಗಾಗ ಪ್ರವಾಸಕ್ಕೆ ಹೋಗುವ ಜೋಡಿಯ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಲೇ ಇರುತ್ತದೆ.
ಕೆಲವು ದಿನಗಳ ಹಿಂದೆ, ರಶ್ಮಿಕಾ ಮಂದಣ್ಣ ರೋಮ್ ಗೆ ಟ್ರಿಪ್ ಹೋಗಿದ್ದು, ಹೊಸ ವರ್ಷವನ್ನು ಅಲ್ಲೇ ಬರಮಾಡಿಕೊಂಡಿದ್ದಾರೆ. ವಿಜಯ್ ದೇವರಕೊಂಡ ಹಾಗೂ ರಶ್ಮಿಕಾ ಮಂದಣ್ಣ ಜೋಡಿ ಒಟ್ಟಿಗೆ ರೋಮ್ ಗೆ ಟ್ರಿಪ್ ಹೋಗಿದ್ದಾರೆ ಎಂಬ ಗಾಸಿಪ್ ಹರಡಿದ್ದು, ಕೆಲವು ಫೋಟೋಗಳು ಕೂಡ ವೈರಲ್ ಆಗಿದೆ.
ಇತ್ತೀಚೆಗೆ, ವಿಜಯ್ ದೇವರಕೊಂಡ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ತಾವು ರೋಮ್ನಲ್ಲಿ ರಜೆ ಕಳೆಯುತ್ತಿರುವುದಾಗಿ ಬಹಿರಂಗಪಡಿಸಿದರು. ನಗರದ ಕೆಲವು ಪ್ರವಾಸಿ ಸ್ಥಳಗಳಿಗೆ ಭೇಟಿ ನೀಡಿದಾಗ ಅವರು ಆನಂದಿಸುತ್ತಿರುವ ಚಿತ್ರಗಳ ಸರಣಿಯನ್ನು ನಟ ಪೋಸ್ಟ್ ಮಾಡಿದ್ದಾರೆ. ಒಂದು ಫೋಟೋದಲ್ಲಿ ವಿಜಯ್ ಐಕಾನಿಕ್ ಕೊಲೋಸಿಯಮ್ ಮುಂದೆ ಪೋಸ್ ನೀಡಿದ್ದರೆ, ಇನ್ನೊಂದು ಫೋಟೋದಲ್ಲಿ ನಟನ ಭುಜದ ಮೇಲೆ ಮಹಿಳೆಯೊಬ್ಬರು ತಲೆ ಒರಗಿಸಿಕೊಂಡಿದ್ದಾರೆ. ಆ ಮಹಿಳೆಯ ಮುಖ ಕಾಣಿಸದಿದ್ದರೂ, ಅಭಿಮಾನಿಗಳು ಅದು ರಶ್ಮಿಕಾ ಎಂದು ಕರೆದಿದ್ದಾರೆ.
ಹೊಸ ವರ್ಷದ ಶುಭಾಶಯಗಳು, ನಾವು ಒಟ್ಟಿಗೆ ಬೆಳೆಯೋಣ, ಉತ್ತಮ ನೆನಪುಗಳನ್ನು ಸೃಷ್ಟಿಸೋಣ, ಉತ್ತಮ ಕೆಲಸಗಳನ್ನು ಮಾಡೋಣ, ಪ್ರೀತಿ, ಉಲ್ಲಾಸ ಮತ್ತು ಜೀವನವನ್ನು ಹರಡೋಣ. ಎಂದು ವಿಜಯ್ ತಮ್ಮ ಪೋಸ್ಟ್ನ ಶೀರ್ಷಿಕೆಯಲ್ಲಿ ಬರೆದಿದ್ದಾರೆ.
