ಇಡೀ ದಿನದಲ್ಲಿ ಬೆಳಗಿನ ಸಮಯವು ಬಹಳ ಪ್ರಮುಖ ಭಾಗವಾಗಿದೆ. ಈ ಸಮಯದಲ್ಲಿ ನಮ್ಮ ದೇಹ ಮತ್ತು ಮನಸ್ಸು ಹೊಸ ಶಕ್ತಿಯನ್ನು ಪಡೆಯುತ್ತವೆ. ಇದರಿಂದಾಗಿಯೇ ದಿನವನ್ನು ಸಕಾರಾತ್ಮಕತೆಯಿಂದ ಪ್ರಾರಂಭಿಸಬಹುದು. ಆದರೆ ಕೆಲವರು ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುವ ಕೆಲವು ಅಭ್ಯಾಸಗಳನ್ನು ರೂಢಿಸಿಕೊಂಡಿರುತ್ತಾರೆ. ಬೆಳಗ್ಗೆ ಎದ್ದ ನಂತರ ಮಾಡುವ ಈ 5 ಕೆಲಸಗಳು ಇಡೀ ದಿನವನ್ನು ಹಾಳು ಮಾಡಬಹುದು.
1) ನಿದ್ದೆಯಿಂದ ಎಚ್ಚರವಾದ ನಂತರವೂ ಹಾಸಿಗೆ ಬಿಟ್ಟೇಳದಿರುವುದು : ಬೆಳಗ್ಗೆ ನಿದ್ದೆಯಿಂದ ಎಚ್ಚರವಾದ ತಕ್ಷಣ ಹಾಸಿಗೆ ಬಿಟ್ಟು ಎದ್ದೇಳಬೇಕು. ಹಾಸಿಗೆಯಲ್ಲಿ ದೀರ್ಘಕಾಲ ಮಲಗುವುದು ದೇಹಕ್ಕೆ ಹಾನಿಕಾರಕ. ಇದರಿಂದ ಸೋಮಾರಿತನ ಉಂಟಾಗುತ್ತದೆ, ದಿನವಿಡೀ ಆಯಾಸ ಕಾಡಬಹುದು. ಅಷ್ಟೇ ಅಲ್ಲ ಸ್ನಾಯುಗಳಲ್ಲಿ ಬಿಗಿತಕ್ಕೂ ಕಾರಣವಾಗಬಹುದು. ಹಾಗಾಗಿ ಬೇಗನೆ ಎದ್ದು ಸ್ವಲ್ಪ ವ್ಯಾಯಾಮ ಅಥವಾ ಸ್ಟ್ರೆಚಿಂಗ್ ಮಾಡಬೇಕು.
2) ನಿದ್ದೆಯಿಂದ ಎದ್ದ ತಕ್ಷಣ ಮೊಬೈಲ್ ಬಳಕೆ : ಬೆಳಗ್ಗೆ ಎದ್ದ ಕೂಡಲೇ ಅನೇಕರು ಮಾಡುವ ಮೊದಲ ಕೆಲಸವೆಂದರೆ ಮೊಬೈಲ್ ಚೆಕ್ ಮಾಡುವುದು. ಈ ಅಭ್ಯಾಸ ತುಂಬಾ ಕೆಟ್ಟದು. ಬೆಳಗಿನ ತಾಜಾತನ ಮತ್ತು ಶಾಂತಿಯನ್ನು ಕಾಪಾಡಿಕೊಳ್ಳಲು ಎದ್ದ ತಕ್ಷಣ ಮೊಬೈಲ್ನಿಂದ ದೂರವಿರಿ. ಮೊಬೈಲ್ ಪರದೆಯಿಂದ ಹೊರಹೊಮ್ಮುವ ನೀಲಿ ಬೆಳಕು ಕಣ್ಣುಗಳಿಗೆ ಹಾನಿ ಮಾಡುತ್ತದೆ ಮತ್ತು ಮಾನಸಿಕ ಒತ್ತಡವನ್ನು ಹೆಚ್ಚಿಸುತ್ತದೆ. ಹಾಗಾಗಿ ಮೊಬೈಲ್ ನೋಡುವ ಬದಲು ಧ್ಯಾನ ಅಥವಾ ಯೋಗದಲ್ಲಿ ಸ್ವಲ್ಪ ಸಮಯ ಕಳೆಯಿರಿ.
3) ಖಾಲಿ ಹೊಟ್ಟೆಯಲ್ಲಿ ಕಾಫಿ-ಟೀ ಕುಡಿಯುವುದು : ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಕಾಫಿ ಅಥವಾ ಟೀ ಕುಡಿಯುವುದು ಆರೋಗ್ಯಕ್ಕೆ ಹಾನಿಕಾರಕ. ಏನನ್ನೂ ತಿನ್ನದೆ ಕೆಫೀನ್ ಸೇವಿಸುವುದರಿಂದ ಹೊಟ್ಟೆಯ ಆಮ್ಲೀಯತೆ ಹೆಚ್ಚುತ್ತದೆ ಮತ್ತು ಗ್ಯಾಸ್ಟ್ರಿಕ್ ಸಮಸ್ಯೆ ಉಂಟಾಗುತ್ತದೆ. ಕಾಫಿ ಟೀ ಬದಲಾಗಿ ನಿಂಬೆ ನೀರು ಕುಡಿಯಿರಿ. ಇದು ಜೀರ್ಣಾಂಗ ವ್ಯವಸ್ಥೆಯನ್ನು ಸಕ್ರಿಯಗೊಳಿಸುತ್ತದೆ ಮತ್ತು ದೇಹವನ್ನು ನಿರ್ವಿಷಗೊಳಿಸುತ್ತದೆ.
4) ನೀರು ಕುಡಿಯದೆ ದಿನವನ್ನು ಪ್ರಾರಂಭಿಸುವುದು : ಬೆಳಗ್ಗೆ ಎದ್ದ ನಂತರ ದೇಹವನ್ನು ಹೈಡ್ರೇಟ್ ಮಾಡುವುದು ಬಹಳ ಮುಖ್ಯ. ನಿದ್ದೆ ಮಾಡುವಾಗ, ನಮ್ಮ ದೇಹವು ಹಲವಾರು ಗಂಟೆಗಳ ಕಾಲ ನೀರಿಲ್ಲದೆ ಉಳಿಯುತ್ತದೆ, ಇದು ನಿರ್ಜಲೀಕರಣಕ್ಕೆ ಕಾರಣವಾಗಬಹುದು. ಬೆಳಗ್ಗೆ ಎದ್ದ ನಂತರ ನೀರು ಕುಡಿಯುವುದರಿಂದ ದೇಹವು ಪುನರ್ಜಲೀಕರಣಗೊಳ್ಳುತ್ತದೆ ಮತ್ತು ಇದು ಚಯಾಪಚಯವನ್ನು ಹೆಚ್ಚಿಸುತ್ತದೆ. ನೀರನ್ನು ಕುಡಿಯದಿದ್ದರೆ ಅದು ಆರೋಗ್ಯದ ಮೇಲೆ ಪ್ರತಿಕೂಲ ಪರಿಣಾಮಗಳನ್ನು ಉಂಟುಮಾಡಬಹುದು. ಇದರಿಂದ ಆಯಾಸ, ತಲೆನೋವು ಮತ್ತು ಜೀರ್ಣಕ್ರಿಯೆ ಸಮಸ್ಯೆ ಆಗಬಹುದು.
5) ಭಾರೀ ಉಪಹಾರ : ಬೆಳಗ್ಗೆ ಎದ್ದ ತಕ್ಷಣ ಭಾರೀ ಉಪಹಾರ ಸೇವಿಸುವುದು ಕೂಡ ಸರಿಯಲ್ಲ. ಇದು ಜೀರ್ಣಾಂಗ ವ್ಯವಸ್ಥೆಯ ಮೇಲೆ ಒತ್ತಡವನ್ನು ಉಂಟುಮಾಡುತ್ತದೆ ಮತ್ತು ಅಜೀರ್ಣಕ್ಕೆ ಕಾರಣವಾಗುತ್ತದೆ. ಹಣ್ಣುಗಳು, ಓಟ್ ಮೀಲ್ ಅಥವಾ ಮೊಳಕೆಕಾಳುಗಳಂತಹ ಲಘುವಾದ ಪೌಷ್ಟಿಕಾಂಶಭರಿತ ಉಪಹಾರವನ್ನು ಬೆಳಗ್ಗೆ ಸೇವಿಸಿ. ಇದರಿಂದ ದಿನವಿಡೀ ಚಟುವಟಿಕೆಯಿಂದ ಇರಬಹುದು.
