ಸುಲ್ತಾನ್ಪುರ(ಉತ್ತರ ಪ್ರದೇಶ): ಮಂಗಳವಾರ ತನ್ನ ನವಜಾತ ಶಿಶುವನ್ನು ಕೊಂದ ಆರೋಪದ ಮೇಲೆ ಮಹಿಳೆಯನ್ನು ಬಂಧಿಸಲಾಗಿದ್ದು, ಆರೋಪಿ ಇಲ್ಲಿನ ಕಾಲುವೆಯಲ್ಲಿ ಶವವನ್ನು ಎಸೆಯಲು ಪ್ರಯತ್ನಿಸಿದಾಗ ಈ ವಿಷಯ ಬೆಳಕಿಗೆ ಬಂದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಅಧಿಕಾರಿಗಳ ಪ್ರಕಾರ, ಎರಡು ಬಾರಿ ವಿಚ್ಛೇದನ ಪಡೆದ ಮಹಿಳೆ ಶೆಹನಾಜ್ ಗೆ ಅಕ್ರಮ ಸಂಬಂಧದಿಂದ ಸೋಮವಾರ ರಾತ್ರಿ ಹೆರಿಗೆಯಾಗಿದೆ. ಈ ವಿಷಯವನ್ನು ಮರೆಮಾಚಲು ಶಿಶು ಕೊಂದು ಶವವನ್ನು ವಿಲೇವಾರಿ ಮಾಡಲು ಪ್ರಯತ್ನಿಸಿದ್ದಾಳೆ ಎಂದು ಪ್ರಾಥಮಿಕ ತನಿಖೆಯಿಂದ ತಿಳಿದುಬಂದಿದೆ.
ಜಮೋಲಿ ಗ್ರಾಮದ ನಿವಾಸಿ ಶೆಹನಾಜ್ ಮಂಗಳವಾರ ಬೆಳಿಗ್ಗೆ ಶಿಶುವನ್ನು ಕೊಂದಿದ್ದಾಳೆ. ಶವವನ್ನು ಚೀಲದಲ್ಲಿ ಇರಿಸಿ ಬಾಬುಗಂಜ್ ಕಾಲುವೆ ಬಳಿಗೆ ತಲುಪಿದಾಗ ಅಲ್ಲಿನ ಕೆಲವು ಸ್ಥಳೀಯರಲ್ಲಿ ಅನುಮಾನ ಉಂಟಾಗಿದೆ. ಅವಳು ಚೀಲವನ್ನು ನೀರಿಗೆ ಎಸೆಯಲು ಪ್ರಯತ್ನಿಸಿದಾಗ, ಅವರು ಅವಳನ್ನು ತಡೆದು ದ್ವಾರಕಗಂಜ್ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದ್ದಾರೆ.
ಪೊಲೀಸ್ ತಂಡ ಸ್ಥಳಕ್ಕೆ ತಲುಪಿ ಮಹಿಳೆಯಿಂದ ಚೀಲವನ್ನು ವಶಪಡಿಸಿಕೊಂಡರು. ಅದನ್ನು ತೆರೆದಾಗ, ಅವರು ನವಜಾತ ಶಿಶುವನ್ನು ಕಂಡುಕೊಂಡರು ಮತ್ತು ಸುಲ್ತಾನ್ಪುರದ ಸರ್ಕಾರಿ ವೈದ್ಯಕೀಯ ಕಾಲೇಜಿಗೆ ಕರೆದೊಯ್ದರು, ಅಲ್ಲಿ ವೈದ್ಯರು ಮಗು ಸತ್ತಿದೆ ಎಂದು ಘೋಷಿಸಿದರು ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಸ್ಥಳೀಯ ನಿವಾಸಿಗಳ ಮೂಲಕ ಈ ವಿಷಯ ಬೆಳಕಿಗೆ ಬಂದಿದ್ದು, ಆ ಮಹಿಳೆಯನ್ನು ಶೀಘ್ರದಲ್ಲೇ ವಶಕ್ಕೆ ಪಡೆಯಲಾಗಿದೆ ಎಂದು ಗೋಸಾಯಿಗಂಜ್ನ ಸ್ಟೇಷನ್ ಹೌಸ್ ಆಫೀಸರ್ (ಎಸ್ಹೆಚ್ಒ) ರಾಮ್ ಆಶಿಶ್ ಉಪಾಧ್ಯಾಯ ತಿಳಿಸಿದ್ದಾರೆ.
