ಸ್ಟಾರ್ ಸ್ಪ್ರಿಂಟರ್ ಅನಿಮೇಶ್ ಕುಜುರ್ ಶನಿವಾರ ಗ್ರೀಸ್‌ನಲ್ಲಿ ನಡೆದ ಡ್ರೋಮಿಯಾ ಅಂತರರಾಷ್ಟ್ರೀಯ ಸ್ಪ್ರಿಂಟ್ ಮತ್ತು ರಿಲೇಸ್ ಸಭೆಯಲ್ಲಿ 10.18 ಸೆಕೆಂಡುಗಳಲ್ಲಿ ಗುರಿ ತಲುಪುವ ಮೂಲಕ 100 ಮೀಟರ್ ರಾಷ್ಟ್ರೀಯ ದಾಖಲೆಯನ್ನು ಮುರಿದರು.
ಗ್ರೀಸ್ ರಾಜಧಾನಿ ಅಥೆನ್ಸ್‌ನ ಉಪನಗರವಾದ ವಾರಿಯಲ್ಲಿ ನಡೆದ ಕೂಟದಲ್ಲಿ 22 ವರ್ಷದ ಕುಜುರ್ ಅವರು ಗುರಿಂದರ್‌ ವೀರ್ ಸಿಂಗ್ ಅವರ ಹಿಂದಿನ 100 ಮೀಟರ್ ರಾಷ್ಟ್ರೀಯ ದಾಖಲೆಯಾದ 10.20 ಸೆಕೆಂಡುಗಳನ್ನು ಹಿಂದಿಕ್ಕಿದರು. ವಿಶ್ವ ಅಥ್ಲೆಟಿಕ್ಸ್ ಕಾಂಟಿನೆಂಟಲ್ ಟೂರ್ ಸಿಲ್ವರ್ ಲೇಬಲ್ ಮೀಟ್‌ನಲ್ಲಿ ಗ್ರೀಸ್‌ನ ಸೊಟಿರಿಯೊಸ್ ಗರಗ್ಗಾನಿಸ್(10.23 ಸೆ) ಮತ್ತು ಸಮುಲಿ ಸ್ಯಾಮ್ಯುಯೆಲ್ಸನ್ (10.28 ಸೆ) ಕ್ರಮವಾಗಿ ಎರಡನೇ ಮತ್ತು ಮೂರನೇ ಸ್ಥಾನ ಪಡೆದರು.
ಕುಜುರ್ ಈಗ 100 ಮೀ ಮತ್ತು 200 ಮೀ ರಾಷ್ಟ್ರೀಯ ದಾಖಲೆಗಳನ್ನು ಹೊಂದಿದ್ದಾರೆ. ಮೇ ತಿಂಗಳಲ್ಲಿ ದಕ್ಷಿಣ ಕೊರಿಯಾದಲ್ಲಿ ನಡೆದ ಏಷ್ಯನ್ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನ ಪುರುಷರ 200 ಮೀಟರ್ ಫೈನಲ್‌ನಲ್ಲಿ ಅವರು 20.32 ಸೆಕೆಂಡುಗಳಲ್ಲಿ ಗುರಿ ತಲುಪಿ, ವರ್ಷದ ಆರಂಭದಲ್ಲಿ ಫೆಡರೇಶನ್ ಕಪ್‌ನಲ್ಲಿ ನಿರ್ಮಿಸಲಾದ 20.40 ಸೆಕೆಂಡುಗಳಲ್ಲಿ ತಮ್ಮದೇ ಆದ ರಾಷ್ಟ್ರೀಯ ದಾಖಲೆಯನ್ನು ಮುರಿದಿದ್ದರು.
Loading ...
