ಚೆನ್ನೈ: ತಮಿಳು ಸ್ಟಾರ್ ನಟ ಆರ್ಯ ನಿವಾಸದ ಮೇಲೆ ಐಟಿ ಅಧಿಕಾರಿಗಳು ದಿಢೀರ್ ದಾಳಿ ನಡೆಸಿದ್ದಾರೆ. ತೆರಿಗೆ ವಂಚನೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈ ದಾಳಿ ನಡೆದಿದೆ.
ನಟ, ನಿರ್ಮಾಪಕ ಕೂಡ ಆಗಿರುವ ನಟ ಆರ್ಯ, ಉದ್ಯಮಿ ಕೂಡ ಹೌದು. ಸೀ ಶೆಲ್ ಹೆಸರಿನ ರೆಸ್ಟೋರೆಂಟ್ ಚೈನ್ ನಡೆಸುತ್ತಿರುವ ಆರ್ಯ, ತೆರಿಗೆ ವಂಚನೆ ಮಾಡಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ಈ ಹಿನ್ನೆಲೆಯಲ್ಲಿ ಆರ್ಯ ಒಡೆತನದ ಹೋಟೆಲ್ ಗಳ ಮೇಲೆ ತೆರಿಗೆ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ.
ಸಿ ಶೆಲ್ ಹೆಸರಿನ ರೆಸ್ಟೋರೆಂಟ್ ಚೈನ್ ನಿಂದ ಆರ್ಯ ದೊಡ್ಡ ಮೊತ್ತದ ಆದಾಯ ಪಡೆಯುತ್ತಿದ್ದು, ಆದರೆ ಈ ಆದಾಯವನ್ನು ಸರ್ಕಾರದಿಂದ ಮರೆಮಾಚಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ಈ ಹಿನ್ನೆಲೆಯಲ್ಲಿ ಆದಾಯ ತೆರಿಗೆ ಅಧಿಕಾರಿಗಳು ಅಣ್ಣಾನಗರ್, ವೆಲ್ಲಾಚೆರಿ, ಕುಟ್ಟಿವಾಕಂ, ಕಿಲ್ಪಾಕ್ ಸೇರಿದಂತೆ ಹಲವೆಡೆ ರೆಸ್ಟೋರೆಂಟ್ ಚೈನ್ ಮೇಲೆ ದಾಅಳಿ ನಡೆಸಿ ಪರಿಶೀಲನೆ ನಡೆಸಿದ್ದಾರೆ.
