ಪ್ರಸಿದ್ಧ ಛಾಯಾಗ್ರಾಹಕ ಮತ್ತು ಮಲಯಾಳಂ ನಟ ರಾಧಾಕೃಷ್ಣನ್ ಚಕ್ಯಾತ್ ಶುಕ್ರವಾರ ನಿಧನರಾಗಿದ್ದಾರೆ. ಅವರಿಗೆ 53 ವರ್ಷ ವಯಸ್ಸಾಗಿತ್ತು.
ರಾಧಾಕೃಷ್ಣನ್ 2000ರಲ್ಲಿ ತಮ್ಮ ಛಾಯಾಗ್ರಹಣ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಕಡಿಮೆ ಅವಧಿಯಲ್ಲಿ ಉದ್ಯಮದಲ್ಲಿ ಹೆಸರು ಮಾಡಿದರು. ಅವರು ಹಲವಾರು ದಕ್ಷಿಣ ಭಾರತದ ಸೆಲೆಬ್ರಿಟಿಗಳು ಮತ್ತು ಅನೇಕ ದೊಡ್ಡ ಬ್ರ್ಯಾಂಡ್ಗಳೊಂದಿಗೆ ಕೆಲಸ ಮಾಡಿದ್ದಾರೆ. 2017 ರಲ್ಲಿ, ಅವರು ವಿದ್ಯಾರ್ಥಿಗಳು ಛಾಯಾಗ್ರಹಣ, ವಿನ್ಯಾಸ ಮತ್ತು ಮಾರ್ಕೆಟಿಂಗ್ನ ವಿವಿಧ ಸೃಜನಶೀಲ ವಿಷಯಗಳ ಕುರಿತು ಪಾಠಗಳನ್ನು ಕಲಿಯಲು ಮತ್ತು ಅನುಭವಿಸಲು ಸಹಾಯ ಮಾಡುವ ಸಲುವಾಗಿ ಜನಪ್ರಿಯ ಯೂಟ್ಯೂಬ್ ವೇದಿಕೆಯಾದ ಪಿಕ್ಸೆಲ್ ವಿಲೇಜ್ ಅನ್ನು ಸ್ಥಾಪಿಸಿದರು.
ಮಲಯಾಳಂ ಸಿನಿಮಾ ಕಲಾವಿದರು ರಾಧಾಕೃಷ್ಣನ್ ಚಕ್ಯಾತ್ ಅವರ ನಿಧನದಿಂದ ದುಃಖಿತರಾಗಿದ್ದಾರೆ. ಛಾಯಾಗ್ರಾಹಕ ರಾಧಾಕೃಷ್ಣನ್ ಚಕ್ಯಾತ್ ಹೃದಯಾಘಾತದಿಂದ ನಿಧನರಾಗಿದ್ದಾರೆ. ಪಿಕ್ಸೆಲ್ ವಿಲೇಜ್ ತಂಡವು ರಾಧಾಕೃಷ್ಣನ್ ಚಕ್ಯಾತ್ ಅವರ ಅಧಿಕೃತ ಇನ್ಸ್ಟಾಗ್ರಾಮ್ ಹ್ಯಾಂಡಲ್ ಮೂಲಕ ಅವರ ನಿಧನದ ಸುದ್ದಿಯನ್ನು ಹಂಚಿಕೊಂಡಿದೆ.
ನಮ್ಮ ಪ್ರೀತಿಯ ಮಾರ್ಗದರ್ಶಕ, ಸ್ನೇಹಿತ ಮತ್ತು ಸ್ಫೂರ್ತಿದಾಯಕ. ರಾಧಾಕೃಷ್ಣನ್ ಚಕ್ಯಾತ್ ಅವರ ನಿಧನವನ್ನು ನಾವು ಹೃದಯ ತುಂಬಿ ಹಂಚಿಕೊಳ್ಳುತ್ತಿದ್ದೇವೆ. ನಮ್ಮ ಛಾಯಾಗ್ರಹಣ ಪ್ರಯಾಣದಲ್ಲಿ ಮಾರ್ಗದರ್ಶಕ ಬೆಳಕಾಗಿದ್ದ ಅವರು, ಜಗತ್ತನ್ನು ಲೆನ್ಸ್ ಮೂಲಕ ಹೇಗೆ ನೋಡಬೇಕೆಂದು ಮಾತ್ರವಲ್ಲದೆ ಅದರ ಆತ್ಮವನ್ನು ಹೇಗೆ ಸೆರೆಹಿಡಿಯಬೇಕೆಂದು ನಮಗೆ ಕಲಿಸಿದ್ದಾರೆ. ಅವರ ಕುಟುಂಬ, ಸ್ನೇಹಿತರು ಮತ್ತು ಅವರ ಉಪಸ್ಥಿತಿಯಿಂದ ಸ್ಪರ್ಶಿಸಲ್ಪಟ್ಟ ಎಲ್ಲರಿಗೂ ನಾವು ನಮ್ಮ ಹೃತ್ಪೂರ್ವಕ ಸಂತಾಪವನ್ನು ವ್ಯಕ್ತಪಡಿಸುತ್ತೇವೆ. ಅವರು ನಮ್ಮೆಲ್ಲರೊಂದಿಗೆ ಉದಾರವಾಗಿ ಹಂಚಿಕೊಂಡ ಬೆಳಕನ್ನು ಮುಂದಕ್ಕೆ ಸಾಗಿಸುವ ಮೂಲಕ ಅವರ ಸ್ಮರಣೆಯನ್ನು ಗೌರವಿಸುವುದನ್ನು ಮುಂದುವರಿಸೋಣ. ರಾಧಾ ಸರ್, ಶಾಂತಿಯಿಂದ ವಿಶ್ರಾಂತಿ ಪಡೆಯಿರಿ. ನಿಮ್ಮನ್ನು ತುಂಬಾ ಮಿಸ್ ಮಾಡಿಕೊಳ್ಳುತ್ತೀವಿ ಎಂದು ತಿಳಿಸಿದೆ.
ಚಲನಚಿತ್ರೋದ್ಯಮದೊಂದಿಗೆ ಸಂಬಂಧ ಹೊಂದಿದ್ದ ಹಲವಾರು ಸೆಲೆಬ್ರಿಟಿಗಳು ಅವರಿಗೆ ಗೌರವ ಸಲ್ಲಿಸುತ್ತಿದ್ದಾರೆ. ಅವರು ರಾಧಾಕೃಷ್ಣನ್ ಅವರ ಕೊಡುಗೆಯನ್ನು ಸ್ಮರಿಸುತ್ತಿದ್ದಾರೆ. ದಕ್ಷಿಣ ನಟ ದುಲ್ಕರ್ ಸಲ್ಮಾನ್ ಅವರು ಸಾಮಾಜಿಕ ಮಾಧ್ಯಮಗಳ ಮೂಲಕ ರಾಧಾಕೃಷ್ಣನ್ ಚಕ್ಯಾತ್ ಅವರ ನಿಧನಕ್ಕೆ ದುಃಖ ವ್ಯಕ್ತಪಡಿಸಿದ್ದಾರೆ. ಅವರು “ನಾವು ಒಟ್ಟಿಗೆ ಕಳೆದ ಸಮಯ ಮತ್ತು ಸಂಭಾಷಣೆಗಳು ಶಾಶ್ವತವಾಗಿ ನನ್ನೊಂದಿಗೆ ಇರುತ್ತವೆ” ಎಂದು ಬರೆದಿದ್ದಾರೆ.
ರಾಧಾಕೃಷ್ಣನ್ ಚಕ್ಯಾತ್ ಅವರು ದುಲ್ಕರ್ ಸಲ್ಮಾನ್ ಅವರ ರೊಮ್ಯಾಂಟಿಕ್ ಥ್ರಿಲ್ಲರ್ ಚಿತ್ರ ‘ಚಾರ್ಲಿ’ಯಲ್ಲಿ ಡೇವಿಡ್ ಪಾತ್ರವನ್ನು ನಿರ್ವಹಿಸಿದ್ದರು, ಇದಕ್ಕಾಗಿ ಪ್ರೇಕ್ಷಕರಿಂದ ಪ್ರಶಂಸೆಗೊಳಗಾಗಿದ್ದರು.
