ಹೈದರಾಬಾದ್ನ ಲಾಲಾಗುಡದಲ್ಲಿ ಅಕ್ರಮ ಸಂಬಂಧಕ್ಕೆ ಅಡ್ಡಿಯಾದ ತಾಯಿ ಮತ್ತು ಅಕ್ಕನನ್ನು ಪ್ರಿಯಕರನ ಸಹಾಯದಿಂದ ಕೊಲೆ ಮಾಡಿದ ಪಾಪಿ ಮಗಳ ಕೃತ್ಯ ಬೆಳಕಿಗೆ ಬಂದಿದೆ. ಲಕ್ಷ್ಮಿ, ಆಕೆಯ ಪ್ರಿಯಕರ ಅರವಿಂದ್ ಸೇರಿ ಈ ಕೃತ್ಯ ಎಸಗಿದ್ದಾರೆ. ಲಕ್ಷ್ಮಿ ತಾಯಿ ಸುಶೀಲಾ ಹಾಗೂ ಆಕೆಯ ಅಕ್ಕ ಜ್ಞಾನೇಶ್ವರಿ ಕೊಲೆಯಾದವರು.
ಲಕ್ಷ್ಮಿ ಮತ್ತು ಅರವಿಂದ್ ನಡುವಿನ ಸಂಬಂಧಕ್ಕೆ ಮನೆಯವರು ವಿರೋಧ ವ್ಯಕ್ತಪಡಿಸಿದ್ದರು. ಇದರಿಂದ ಕೋಪಗೊಂಡ ಲಕ್ಷ್ಮಿ, ಪ್ರಿಯಕರನ ಜೊತೆ ಸೇರಿ ಅಕ್ಕ ಜ್ಞಾನೇಶ್ವರಿಯನ್ನು ಫೆಬ್ರವರಿ 4ರಂದು ಕೊಲೆ ಮಾಡಿ ನೀರು ತುಂಬುವ ತೊಟ್ಟಿಯಲ್ಲಿ ಶವ ಎಸೆದಿದ್ದಾಳೆ. ಬಳಿಕ ಫೆಬ್ರವರಿ 6ರಂದು ತಾಯಿ ಸುಶೀಲಾರನ್ನು ತಲೆಗೆ ಹೊಡೆದು ಕೊಲೆ ಮಾಡಿದ್ದಾಳೆ.
ಸುಶೀಲಾ ಅವರ ಕಿರಿಯ ಮಗಳು ಉಮಾಮಹೇಶ್ವರಿ ಮನೆಗೆ ಬಂದಾಗ ತಾಯಿ ಶವವಾಗಿ ಬಿದ್ದಿರುವುದು ಬೆಳಕಿಗೆ ಬಂದಿದೆ. ಕೂಡಲೇ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ಪರಿಶೀಲನೆ ನಡೆಸಿದ್ದಾರೆ. ಸಿಸಿಟಿವಿ ದೃಶ್ಯಗಳನ್ನು ಪರಿಶೀಲಿಸಿದಾಗ ಅರವಿಂದ್ ಗೋಡೆ ಹಾರಿ ಓಡಿರುವುದು ಕಂಡುಬಂದಿದೆ. ಲಕ್ಷ್ಮಿ ವಿಚಾರಣೆ ವೇಳೆ ಈ ಕೊಲೆಗಳ ಬಗ್ಗೆ ಬಾಯ್ಬಿಟ್ಟಿದ್ದಾಳೆ.
ಸದ್ಯ ಲಕ್ಷ್ಮಿ ಪೊಲೀಸರ ವಶದಲ್ಲಿದ್ದು, ಅರವಿಂದ್ ಗಾಗಿ ಶೋಧ ಕಾರ್ಯ ಮುಂದುವರೆದಿದೆ. ಈ ಘಟನೆ ಕುಟುಂಬ ಸಂಬಂಧಗಳ ಪಾವಿತ್ರ್ಯತೆ ಮತ್ತು ಅಕ್ರಮ ಸಂಬಂಧಗಳ ದುಷ್ಪರಿಣಾಮಗಳ ಬಗ್ಗೆ ಗಂಭೀರ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.
Loading ...
