ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ತಮ್ಮ ನೀತಿಗಳಿಗಾಗಿ ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಆಗಾಗ್ಗೆ ಪ್ರಶ್ನೆಗಳು ಮತ್ತು ಟೀಕೆಗಳನ್ನು ಎದುರಿಸಿದ್ದಾರೆ. ದೇಶದಲ್ಲಿ ಜಿಎಸ್ ಟಿ ದರಗಳ ಬಗ್ಗೆ ಆಗಾಗ್ಗೆ ವಿರೋಧಗಳು ವ್ಯಕ್ತವಾಗುತ್ತಾ ಅನೇಕರು ತಮ್ಮ ಕಳವಳ ಮತ್ತು ಪ್ರಶ್ನೆಗಳನ್ನು ಎತ್ತುತ್ತಿರುತ್ತಾರೆ.
ಇತ್ತೀಚೆಗೆ ಕೇಂದ್ರ ಆರ್ಥಿಕ ಸಚಿವೆ ನಿರ್ಮಲಾ ಸೀತಾರಾಮನ್ ಅವರನ್ನು ಪ್ರಶ್ನಿಸಿದ ಇದೇ ರೀತಿಯ ಘಟನೆ ನಡೆದಿದೆ. ತಮಿಳುನಾಡಿನ ಕೊಯಮತ್ತೂರು ಪ್ರದೇಶದಲ್ಲಿ ನಡೆದ ಸಂವಾದದಲ್ಲಿ ಓರ್ವ ಸಣ್ಣ ಉದ್ಯಮಿ ಎದ್ದು ನಿಂತು ದೇಶದ ಜಿಎಸ್ಟಿ ದರಗಳ ಬಗ್ಗೆ ಪ್ರಸ್ತಾಪಿಸುತ್ತಾ ಸಚಿವೆಯ ಗಮನ ಸೆಳೆದರು. ಸರಕುಗಳ ವಿವಿಧ ದರಗಳು ಮತ್ತು ಅವುಗಳಿಗೆ ಲಗತ್ತಿಸಲಾದ ಜಿಎಸ್ಟಿ ದರಗಳನ್ನು ಅವರು ಒತ್ತಿ ಹೇಳಿದರು.
ಅನ್ನಪೂರ್ಣ ಶ್ರೀನಿವಾಸನ್ ಎಂದು ಗುರುತಿಸಲ್ಪಟ್ಟಿರುವ ವ್ಯಕ್ತಿ ಬೇಕರಿಯಲ್ಲಿನ ಬನ್ ವಿಷಯವನ್ನು ಉಲ್ಲೇಖಿಸಿದ್ದಾರೆ. ಬನ್ಗೆ ನಿರ್ದಿಷ್ಟ ಜಿಎಸ್ಟಿ ದರವಿದೆ ಮತ್ತು ಬನ್ನ ಒಳಗಿನ ಕ್ರೀಮ್ ಮತ್ತೊಂದು ದರವನ್ನು ಹೊಂದಿದೆ ಇದರಿಂದ ಸಾಕಷ್ಟು ಸಮಸ್ಯೆ ಮತ್ತು ಗ್ರಾಹಕರಿಂದ ಪ್ರಶ್ನೆಗಳನ್ನು ಎದುರಿಸಬೇಕಾಗಿದೆ ಎಂದು ತಮ್ಮ ಅಸಮಾಧಾನ ಹೊರಹಾಕಿದರು.
ಈ ಬಳಿಕ ಹೊರಹೊಮ್ಮಿದ ಮತ್ತೊಂದು ವೀಡಿಯೊದಲ್ಲಿ, ಅನ್ನಪೂರ್ಣ ಶ್ರೀನಿವಾಸನ್ ಸಚಿವೆ ನಿರ್ಮಲಾ ಸೀತಾರಾಮನ್ ಅವರನ್ನು ಭೇಟಿಯಾಗಿ ಕ್ಷಮೆಯಾಚಿಸಿರುವುದನ್ನು ನೋಡಬಹುದು.
ವೀಡಿಯೊದಲ್ಲಿ ಅವರು “ನಾನು ಯಾವುದೇ ಪಕ್ಷಕ್ಕೆ ಸೇರಿದವನಲ್ಲ, ದಯವಿಟ್ಟು ನನ್ನನ್ನು ಕ್ಷಮಿಸಿ” ಎಂದು ಹೇಳಿದ್ದಾರೆ.
ಈ ಬೆಳವಣಿಗೆ ಬಗ್ಗೆ ವಿಪಕ್ಷ ನಾಯಕ ರಾಹುಲ್ ಗಾಂಧಿ ಎಕ್ಸ್ ನಲ್ಲಿ ಕೇಂದ್ರದ ನಡೆಯನ್ನ ಟೀಕಿಸಿದ್ದಾರೆ. “ಕೊಯಮತ್ತೂರಿನ ಅನ್ನಪೂರ್ಣ ರೆಸ್ಟೋರೆಂಟ್ನಂತಹ ಸಣ್ಣ ವ್ಯಾಪಾರದ ಮಾಲೀಕರು ಸರಳೀಕೃತ ಜಿಎಸ್ಟಿ ಆಡಳಿತಕ್ಕಾಗಿ ನಮ್ಮ ಸಾರ್ವಜನಿಕ ಸೇವಕರನ್ನು ಕೇಳಿದಾಗ, ಅವರ ವಿನಂತಿಯು ದುರಹಂಕಾರ ಮತ್ತು ಸಂಪೂರ್ಣ ಅಗೌರವಕ್ಕೆ ಒಳಗಾಗುತ್ತದೆ. ಆದರೂ ಕೋಟ್ಯಾಧಿಪತಿ ಸ್ನೇಹಿತರು ನಿಯಮಗಳನ್ನು ತಗ್ಗಿಸಲು ಪ್ರಯತ್ನಿಸಿದಾಗ, ಕಾನೂನನ್ನು ಬದಲಿಸಿದಾಗ ಅಥವಾ ರಾಷ್ಟ್ರೀಯ ಆಸ್ತಿಯನ್ನು ಸಂಪಾದಿಸಿದಾಗ ಮೋದಿ ಜಿ ರೆಡ್ ಕಾರ್ಪೆಟ್ ಅನ್ನು ಹಾಸುತ್ತಾರೆ.
ನಮ್ಮ ಸಣ್ಣ ವ್ಯಾಪಾರ ಮಾಲೀಕರು ಈಗಾಗಲೇ ನೋಟು ಅಮಾನ್ಯೀಕರಣ, ಪ್ರವೇಶಿಸಲಾಗದ ಬ್ಯಾಂಕಿಂಗ್ ವ್ಯವಸ್ಥೆ, ತೆರಿಗೆ ಸುಲಿಗೆ ಮತ್ತು ವಿನಾಶಕಾರಿ ಜಿಎಸ್ಟಿಯ ಹೊಡೆತಗಳನ್ನು ಸಹಿಸಿಕೊಂಡಿದ್ದಾರೆ. ಕೊನೆಯದಾಗಿ ಅವರು ಅರ್ಹರಾಗಿರುವುದು ಮತ್ತಷ್ಟು ಅವಮಾನವಾಗಿದೆ” ಎಂದಿದ್ದಾರೆ.
Coimbatore Tamil Nadu 📍
Annapoorna hotel head commented on high GST % for sweets and snacks in front of Finance minister Nirmala Sitharaman; which was a genuine question
Today he met the finance minister and apologised for the same
Was he forced to apologize?? pic.twitter.com/X1uP6eIyFu
— Devakumaar (@DevakumaarOffcl) September 13, 2024
'நான் எந்தக் கட்சியிலும் இல்லை, தயவுசெய்து மன்னித்துக் கொள்ளுங்கள்'
ஜிஎஸ்டி குறித்து கேள்வி கேட்ட வீடியோ வைரலான நிலையில் கோவை அன்னபூர்ணா சீனிவாசன் நிதியமைச்சர் நிர்மலா சீதாராமனிடம் நேரில் மன்னிப்பு கோரினார்#NirmalaSitharaman #Coimbatore #GST #SparkMedia pic.twitter.com/oudNMOSswm
— Spark+ (@SparkPluz_) September 12, 2024
When the owner of a small business, like Annapoorna restaurant in Coimbatore, asks our public servants for a simplified GST regime, his request is met with arrogance and outright disrespect.
Yet, when a billionaire friend seeks to bend the rules, change the laws, or acquire…
— Rahul Gandhi (@RahulGandhi) September 13, 2024
