ಉಚಿತವಾಗಿ ಆಧಾರ್ ಕಾರ್ಡ್ ಅಪ್’ಡೇಟ್ ಮಾಡುವ ಗಡುವನ್ನು UIDAl ಜೂ.14 ರವರೆಗೆ ವಿಸ್ತರಣೆ ಮಾಡಿದೆ.ಉಚಿತವಾಗಿ ಆಧಾರ್ ಕಾರ್ಡ್ ಅಪ್’ಡೇಟ್ ಮಾಡಲು ಇಂದು ( ಡಿ.14) ಕೊನೆಯ ದಿನವಾಗಿತ್ತು. ಇದೀಗ ಈ ಗಡುವನ್ನು ಜೂ.14 ರವರೆಗೆ ವಿಸ್ತರಣೆ ಮಾಡಿದೆ.
10 ವರ್ಷಗಳಿಂದ ಆಧಾರ್ ಕಾರ್ಡ್ ನವೀಕರಿಸದವರಿಗೆ ತ್ವರಿತವಾಗಿ ಮಾಡಲು ಗಡುವು ನೀಡಲಾಗಿದೆ. ನಂತರ, ನವೀಕರಿಸದವರ ಆಧಾರ್ ಕಾರ್ಡ್ಗಳನ್ನು ಸರ್ಕಾರ ರದ್ದುಗೊಳಿಸಬಹುದು. ಆದ್ದರಿಂದ ನವೀಕರಿಸದ ಆಧಾರ್ ಕಾರ್ಡ್ಗಳನ್ನು ಗಡುವಿನೊಳಗೆ ನವೀಕರಿಸುವುದು ಬಹಳ ಮುಖ್ಯ. ಇನ್ನೂ ನವೀಕರಿಸದ ಅನೇಕರು ಇದ್ದಾರೆ.
ಅಂತಹ ಜನರು ತಕ್ಷಣ ನವೀಕರಿಸಬೇಕು. ಆಧಾರ್ ಕಾರ್ಡ್ನಲ್ಲಿ ಫೋಟೋ ಮತ್ತು ವಿಳಾಸ ಬದಲಾವಣೆಗಳನ್ನು ಮಾಡಲು ಬಯಸುವವರು ತಕ್ಷಣ ಅದನ್ನು ಆನ್ಲೈನ್ನಲ್ಲಿ ಉಚಿತವಾಗಿ ನವೀಕರಿಸಬಹುದು.
ಉಚಿತ ಸೇವೆಗಳು ‘ಮೈ ಆಧಾರ್’ ಪೋರ್ಟಲ್ ಮೂಲಕ ಮಾತ್ರ ಲಭ್ಯವಿರುತ್ತವೆ. ಪಡಿತರ ಚೀಟಿ, ಮತದಾರರ ಗುರುತಿನ ಚೀಟಿ, ವಾಸಸ್ಥಳ ಪ್ರಮಾಣಪತ್ರ, ಉದ್ಯೋಗ ಖಾತರಿ ಯೋಜನೆಯ ಜಾಬ್ ಕಾರ್ಡ್, ಕಾರ್ಮಿಕ ಕಾರ್ಡ್, ಪಾಸ್ಪೋರ್ಟ್, ಪ್ಯಾನ್ ಕಾರ್ಡ್, ಸಿಜಿಎಚ್ಎಸ್ ಕಾರ್ಡ್, ಚಾಲನಾ ಪರವಾನಗಿ ಮುಂತಾದ ದಾಖಲೆಗಳನ್ನು ಬಳಸಿಕೊಂಡು ಆಧಾರ್ ಅನ್ನು ನವೀಕರಿಸಬಹುದು. ಗಡುವು ಮುಗಿದ ನಂತರ ನೀವು ನವೀಕರಿಸಿದರೆ, ನೀವು ಶುಲ್ಕಗಳನ್ನು ಪಾವತಿಸಬೇಕಾಗುತ್ತದೆ. 10 ವರ್ಷಕ್ಕಿಂತ ಹಳೆಯದಾದ ಡೇಟಾವನ್ನು ಆಧಾರ್ನಲ್ಲಿ ನವೀಕರಿಸಲು ಯುಐಡಿಎಐ ಜೂ. 14 ರವರೆಗೆ ಸಮಯ ನೀಡಿದೆ. ಈ ಗಡುವನ್ನು ಈಗಾಗಲೇ 4 ಬಾರಿ ವಿಸ್ತರಿಸಲಾಗಿದೆ.
ಈ ಮೊದಲು ಮಾರ್ಚ್ 14, ನಂತರ ಜೂನ್ 14 ಮತ್ತು ನಂತರ ಸೆಪ್ಟೆಂಬರ್ 14 ರವರೆಗೆ ಗಡುವು ನೀಡಲಾಗಿತ್ತು, ಅದನ್ನು ಮತ್ತೆ ಡಿಸೆಂಬರ್ 14 ರವರೆಗೆ ವಿಸ್ತರಿಸಲಾಗಿತ್ತು . ಇದೀಗ ಜೂನ್ 14 ರವರೆಗೆ ವಿಸ್ತರಿಸಲಾಗಿದೆ.
ಆನ್ ಲೈನ್ ನಲ್ಲಿ ನವೀಕರಿಸಲುಮೊದಲಿಗೆ, ನೀವು https://myaadhaar.uidai.gov.in ವೆಬ್ಸೈಟ್ ತೆರೆಯಬೇಕು.
ನೀವು ನಿಮ್ಮ ಆಧಾರ್ ಸಂಖ್ಯೆ ಮತ್ತು ಕ್ಯಾಪ್ಚಾವನ್ನು ನಮೂದಿಸಬೇಕು. ಆಧಾರ್ ನೊಂದಿಗೆ ಲಿಂಕ್ ಮಾಡಲಾದ ನಿಮ್ಮ ಮೊಬೈಲ್ ಸಂಖ್ಯೆಗೆ ಒಟಿಪಿ ಕಳುಹಿಸಲಾಗುತ್ತದೆ. ಆ ಒಟಿಪಿಯನ್ನು ನಮೂದಿಸುವ ಮೂಲಕ ನೀವು ಲಾಗಿನ್ ಆಗಬೇಕು.
#UIDAl extends free online document upload facility till 14th June 2025; to benefit millions of Aadhaar Number Holders. This free service is available only on #myAadhaar portal. UIDAl has been encouraging people to keep documents updated in their #Aadhaar. pic.twitter.com/wUc5zc73kh
— Aadhaar (@UIDAI) December 14, 2024
