ಜಾನಿ ಎಂಬ ಹೆಸರಿನ ಗಂಡು ಹುಲಿ ತನ್ನ ಸಂಗಾತಿಯನ್ನು ಹುಡುಕಲು ಮಹಾರಾಷ್ಟ್ರದಿಂದ ತೆಲಂಗಾಣಕ್ಕೆ 300 ಕಿಮೀ ಪ್ರಯಾಣಿಸಿದೆ. ಅಕ್ಟೋಬರ್ ಮೂರನೇ ವಾರದಲ್ಲಿ ಆರಂಭವಾದ ಹುಲಿಯ ಪ್ರಯಾಣವನ್ನು ರೇಡಿಯೋ ಕಾಲರ್ ಮೂಲಕ ಟ್ರ್ಯಾಕ್ ಮಾಡಲಾಗಿತ್ತು.
ಜಾನಿ ಎಂಬ ಈ ಗಂಡು ಹುಲಿ ಮಹಾರಾಷ್ಟ್ರದ ತಿಪೇಶ್ವರ ವನ್ಯಜೀವಿ ಅಭಯಾರಣ್ಯದಿಂದ ತೆಲಂಗಾಣಕ್ಕೆ 300 ಕಿಲೋಮೀಟರ್ ದೂರದ ಪ್ರಯಾಣವನ್ನು ಮಾಡಿದ್ದು, ಸಂಗಾತಿಯನ್ನು ಹುಡುಕುತ್ತಿದೆ ಎಂದು ವರದಿಯಾಗಿದೆ. ರೇಡಿಯೋ ಕಾಲರ್ನಿಂದ ಟ್ರ್ಯಾಕ್ ಮಾಡಿದ ಹುಲಿಯ ಪ್ರಯಾಣವು ಅದಿಲಾಬಾದ್ ಮತ್ತು ನಿರ್ಮಲ್ ಜಿಲ್ಲೆಗಳ ಮೂಲಕ ಅರಣ್ಯ ಮತ್ತು ಕೃಷಿ ಕ್ಷೇತ್ರಗಳ ಮೂಲಕ ಸಾಗಿದೆ.
ಆರರಿಂದ ಎಂಟು ವರ್ಷ ವಯಸ್ಸಿನ ಜಾನಿ, ಮಹಾರಾಷ್ಟ್ರದ ನಾಂದೇಡ್ ಜಿಲ್ಲೆಯ ಕಿನ್ವಾಟ್ ತಾಲೂಕಿನಿಂದ ಅಕ್ಟೋಬರ್ ಮೂರನೇ ವಾರದಲ್ಲಿ ತನ್ನ ಚಾರಣವನ್ನು ಪ್ರಾರಂಭಿಸಿದ್ದು, ನಿರ್ಮಲ್ ಜಿಲ್ಲೆಯ ಕುಂತಲ, ಸಾರಂಗಪುರ, ಮಮದ ಮತ್ತು ಪೆಂಬಿ ಮಂಡಲಗಳು ಸೇರಿದಂತೆ ವಿವಿಧ ಪ್ರದೇಶಗಳ ಮೂಲಕ ಪ್ರಯಾಣಿಸುವ ಮೊದಲು ಅರಣ್ಯ ಅಧಿಕಾರಿಗಳು ಆದಿಲಾಬಾದ್ನ ಬೋತ್ ಮಂಡಲದ ಕಾಡುಗಳಲ್ಲಿ ಮೊದಲು ಇದನ್ನು ಗುರುತಿಸಿದ್ದಾರೆ. ಹುಲಿ ನಂತರ ಹೈದರಾಬಾದ್-ನಾಗ್ಪುರ NH-44 ಹೆದ್ದಾರಿಯನ್ನು ದಾಟಿದೆ ಮತ್ತು ಪ್ರಸ್ತುತ ತಿರಿಯಾನಿ ಪ್ರದೇಶದ ಕಡೆಗೆ ಹೋಗುತ್ತಿದೆ ಎಂದು ಹೇಳಲಾಗಿದೆ.
ಗಂಡು ಹುಲಿಗಳು, ಹೆಣ್ಣು ಹುಲಿಗಳು 100 ಕಿಲೋಮೀಟರ್ಗಳಷ್ಟು ದೂರದಿಂದ ಹೊರಸೂಸುವ ಪರಿಮಳವನ್ನು ಗುರುತಿಸಬಲ್ಲವು. ಆದಾಗ್ಯೂ, ಜಾನಿ ಸಂಗಾತಿಯನ್ನು ಮಾತ್ರ ಹುಡುಕುತ್ತ ಸಾಗಿಲ್ಲ ಬದಲಾಗಿ ಮೂರು ಪ್ರತ್ಯೇಕ ಸಂದರ್ಭಗಳಲ್ಲಿ ಐದು ಜಾನುವಾರುಗಳನ್ನು ಕೊಂದಿದೆ ಮತ್ತು ಹಸುಗಳನ್ನು ಬೇಟೆಯಾಡಲು ಪ್ರಯತ್ನಿಸಿದೆ ಎಂದು ವರದಿಯಾಗಿದೆ.
ಸಂಗಾತಿಯನ್ನು ಹುಡುಕುವ ಹುಲಿಗಳು ಮನುಷ್ಯರಿಗೆ ನೇರ ಅಪಾಯವನ್ನುಂಟು ಮಾಡುವುದಿಲ್ಲ ಎಂದು ಅರಣ್ಯ ಅಧಿಕಾರಿಗಳು ಹೇಳುತ್ತಾರೆ, ಆದರೂ ಎಚ್ಚರವಾಗಿರುವಂತೆ ಸ್ಥಳೀಯ ನಿವಾಸಿಗಳಿಗೆ ತಿಳಿಸಿದ್ದಾರೆ.
