2002ರ ಗೋಧ್ರಾ ರೈಲು ದಹನ ಘಟನೆಯ ಸುತ್ತಲಿನ ಘಟನೆಗಳನ್ನು ಆಧರಿಸಿದ ‘ದಿ ಸಬರಮತಿ ರಿಪೋರ್ಟ್’ ಚಿತ್ರಕ್ಕೆ ಪ್ರಧಾನಿ ನರೇಂದ್ರ ಮೋದಿ ಭಾನುವಾರ ಪ್ರತಿಕ್ರಿಯಿಸಿದ್ದಾರೆ.
ಚಲನಚಿತ್ರ ವಿಮರ್ಶೆ ಪೋಸ್ಟ್‌ ಗೆ ಪ್ರತಿಕ್ರಿಯಿಸಿದ ಪ್ರಧಾನಿ ಮೋದಿ, ಅಂತಿಮವಾಗಿ ಸತ್ಯ ಹೊರಬರುತ್ತಿದೆ. ಅದೂ ಸಾಮಾನ್ಯ ಜನ ನೋಡುವ ರೀತಿಯಲ್ಲಿ ಈ ಸತ್ಯ ಹೊರ ಬರುತ್ತಿರುವುದು ಸಂತಸ ತಂದಿದೆ. ನಕಲಿ ನಿರೂಪಣೆಯು ಸೀಮಿತ ಅವಧಿಯವರೆಗೆ ಮಾತ್ರ ಮುಂದುವರಿಯುತ್ತದೆ. ಅಂತಿಮವಾಗಿ, ಸತ್ಯಗಳು ಯಾವಾಗಲೂ ಹೊರಬರುತ್ತವೆ ಎಂದು ಪ್ರಧಾನಿ ಮೋದಿ ಹೇಳಿದ್ದಾರೆ.
ನವೆಂಬರ್ 15 ರಂದು ಚಿತ್ರ ಬಿಡುಗಡೆಯಾಗಿದೆ. ‘ದಿ ಸಬರಮತಿ ರೊಪೋರ್ಟ್’ ಫೆಬ್ರವರಿ 2002 ರಲ್ಲಿ ನಡೆದ ಗೋಧ್ರಾ ಘಟನೆಯ ಸುತ್ತ ಕೇಂದ್ರೀಕೃತವಾಗಿದೆ, ಇದರಲ್ಲಿ ಸಬರಮತಿ ಎಕ್ಸ್‌ ಪ್ರೆಸ್‌ನಲ್ಲಿ ಬೆಂಕಿಯಿಂದಾಗಿ ಮಹಿಳೆಯರು ಮತ್ತು ಮಕ್ಕಳು ಸೇರಿದಂತೆ 59 ಅಮಾಯಕರು ಪ್ರಾಣ ಕಳೆದುಕೊಂಡರು. ಇದು ದುರಂತ ಅಪಘಾತವೋ ಅಥವಾ ಕೆಟ್ಟ ಪಿತೂರಿಯೋ ಎಂಬ ಬಗ್ಗೆ ವರದಿಗಾರನ ಮೂಲಕ ಚಿತ್ರವು ಬೆಳಕು ಚೆಲ್ಲುತ್ತದೆ.
ವಿಕ್ರಾಂತ್ ಮಾಸ್ಸೆಯವರ ಈ ಚಿತ್ರವು ಗೋದ್ರಾ ಘಟನೆ ಮತ್ತು ಫೆಬ್ರವರಿ 27, 2002 ರಂದು ಗುಜರಾತ್‌ನಲ್ಲಿ ನಡೆದ ಗಲಭೆಗಳನ್ನು ಆಧರಿಸಿದೆ.
Well said. It is good that this truth is coming out, and that too in a way common people can see it.
A fake narrative can persist only for a limited period of time. Eventually, the facts will always come out! https://t.co/8XXo5hQe2y
— Narendra Modi (@narendramodi) November 17, 2024
Loading ...