ಬೆಂಗಳೂರು : ಬೆಂಗಳೂರಿನಲ್ಲಿ ಮತ್ತೊಂದು ಭಯಾನಕ ಕೊಲೆ ನಡೆದಿದ್ದು, ತಂದೆಯೇ ಮಗನ ಕೈ ಕಾಲು ಕಟ್ಟಿ ಬರ್ಬರವಾಗಿ ಕೊಲೆ ಮಾಡಿದ್ದಾನೆ.
ಲಿಂಗಪ್ಪ ಎಂಬಾತ ಮಗ ರಾಜೇಶ್ ನ ಕೈ ಕಾಲು ಕಟ್ಟಿ ಆಯುಧಗಳಿಂದ ಕೊಲೆ ಮಾಡಿದ್ದಾನೆ. ಕೆಂಗೇರಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ.
ಪ್ರತಿನಿತ್ಯವೂ ಮನೆಗೆ ಕುಡಿದು ಬರುತ್ತಿದ್ದ ರಾಜೇಶ್ ನ ಕಿರುಕುಳ ತಾಳಲಾರದೇ ತಂದೆ ಈ ಕೃತ್ಯ ಎಸಗಿದ್ದಾನೆ ಎನ್ನಲಾಗಿದೆ. ಘಟನೆ ನಡೆದ ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಮಗ ರಾಜೇಶ್’ನ ಕಿರುಕುಳ ತಾಳಲಾರದೇ ಲಿಂಗಪ್ಪ ದಂಪತಿ ಪ್ರತ್ಯೇಕವಾಗಿ ವಾಸವಾಗಿದ್ದರು. ಆದರೆ ಅಲ್ಲಿಗೂ ಬಂದ ಮಗ ರಾಜೇಶ್ ತಂದೆ ತಾಯಿಗೆ ಕಿರುಕುಳ ನೀಡಿ ಹಲ್ಲೆ ನಡೆಸಲು ಮುಂದಾಗಿದ್ದಾನೆ. ಮಗನ ಕಾಟ ಸಹಿಸಲಾರದೇ ತಂದೆ ಲಿಂಗಪ್ಪ ಈ ಕೃತ್ಯ ಎಸಗಿರುವುದಾಗಿ ತಿಳಿದು ಬಂದಿದೆ.
Loading ...
