ಹೊಸ ಬೈಕ್ ಗಳನ್ನು ಓಡಿಸುವಾಗ ಹೆಡ್‌ ಲೈಟ್ ಗಳು ಯಾವಾಗಲೂ ಆನ್ ಆಗಿರುವುದು ಕಂಡು ಬರುತ್ತದೆ. ಇದಕ್ಕೆ ಕಾರಣ ಏಪ್ರಿಲ್ 1, 2017 ರಂದು ದ್ವಿಚಕ್ರ ವಾಹನಗಳಲ್ಲಿ ಮಾಡಿದ ಬದಲಾವಣೆಯಾಗಿದೆ. ಈ ಬದಲಾವಣೆಯ ಅನುಷ್ಠಾನದ ನಂತರ, ನೀವು ಬೈಕ್ ಚಾಲನೆ ಮಾಡುವಾಗ ಹೆಡ್‌ಲೈಟ್‌ಗಳನ್ನು ಆಫ್ ಮಾಡಲಾಗುವುದಿಲ್ಲ.
ಆದಾಗ್ಯೂ, ಬೈಕ್ ಚಾಲನೆ ಮಾಡುವಾಗ ನೀವು ಹೆಡ್‌ ಲೈಟ್ ಗಳನ್ನು ಹೈ ಬೀಮ್ ಅಥವಾ ಲೋ ಬೀಮ್‌ಗೆ ಬದಲಾಯಿಸಬಹುದು.
ಬಹಳ ವರ್ಷಗಳಿಂದ ದ್ವಿಚಕ್ರ ವಾಹನಗಳಿಗೆ ಸಂಬಂಧಿಸಿದ ಅಪಘಾತಗಳ ಸಂಖ್ಯೆ ಹೆಚ್ಚಳವಾಗಿದ್ದವು. ಇದನ್ನು ಕಡಿಮೆ ಮಾಡಲು ಕೇಂದ್ರ ಸಾರಿಗೆ ಸಚಿವಾಲಯವು ಸ್ವಯಂಚಾಲಿತ ಹೆಡ್‌ ಲೈಟ್ ವೈಶಿಷ್ಟ್ಯವನ್ನು ಪರಿಚಯಿಸಲು ಶಿಫಾರಸ್ಸು ಮಾಡಿತ್ತು.
ಸಾಮಾನ್ಯವಾಗಿ ರಸ್ತೆಯಲ್ಲಿ ವಾಹನ ಚಲಾಯಿಸುವಾಗ ಚಿಕ್ಕ ವಾಹನಗಳು ನಮಗೆ ಕಾಣುವುದಿಲ್ಲ. ಇದನ್ನು ಗಮನದಲ್ಲಿಟ್ಟುಕೊಂಡು ಬೈಕ್ ನಲ್ಲಿ ಹೆಡ್‌ ಲೈಟ್ ಗಳನ್ನು ಯಾವಾಗಲೂ ಆನ್‌ನಲ್ಲಿ ಇರಿಸಲು ನಿರ್ಧರಿಸಲಾಯಿತು, ಇದರಿಂದ ಬೈಕ್‌ಗಳ ಗೋಚರತೆಯನ್ನು ದೂರದಿಂದಲೇ ತಿಳಿಯಬಹುದು. ಹೆಡ್‌ ಲೈಟ್ ಗಳನ್ನು ಆನ್ ಮಾಡುವುದರಿಂದ, ಇತರ ವಾಹನದ ಗಮನವು ದೂರದಿಂದ ಬೈಕಿನ ಮೇಲೆ ಬರುತ್ತದೆ ಎಂಬ ಕಾರಣಕ್ಕೆ ಈ ನಿರ್ಧಾರ ಕೈಗೊಳ್ಳಲಾಯಿತು.
Loading ...