ಉತ್ತರ ಪ್ರದೇಶದ ಝಾನ್ಸಿಯಲ್ಲಿ ಬಜಾಜ್ ಫೈನಾನ್ಸ್ ನಲ್ಲಿ ಏರಿಯಾ ಮ್ಯಾನೇಜರ್ ಆಗಿ ಕೆಲಸ ಮಾಡುತ್ತಿದ್ದ ತರುಣ್ ಸಕ್ಸೇನಾ ಎಂಬ 42 ವರ್ಷದ ವ್ಯಕ್ತಿ ಕೆಲಸದ ಒತ್ತಡದಿಂದ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಕಳೆದ ಎರಡು ತಿಂಗಳಿಂದ ಕೆಲಸದಲ್ಲಿ ವಹಿಸಿದ ಗುರಿ ತಲುಪಲು ಮೇಲ್ವಿಚಾರಕರಿಂದ ಒತ್ತಡ ಹೇರಲಾಗಿದೆ. ಇಲ್ಲದಿದ್ದರೆ ತನ್ನ ಸಂಬಳವನ್ನು ಕಡಿಮೆ ಮಾಡಲಾಗುವುದು. ಕೆಲಸದಿಂದ ವಜಾ ಮಾಡಲಾಗುವುದು ಎಂದು ಒತ್ತಡವಿತ್ತು ಎಂದು ಅವರು ತನ್ನ ಡೆತ್ ನೋಟ್ ನಲ್ಲಿ ಹೇಳಿಕೊಂಡಿದ್ದಾರೆ.
ಬಜಾಜ್ ಉದ್ಯೋಗಿ ತರುಣ್ ಡೆತ್ ನೋಟ್ ನಲ್ಲಿ ಅತಿಯಾದ ಕೆಲಸದ ಒತ್ತಡದ ಬಗ್ಗೆ ಬಹಿರಂಗಪಡಿಸಿದ್ದಾರೆ. ತರುಣ್ ತನ್ನ ಪತ್ನಿಗೆ ಬರೆದ ಐದು ಪುಟಗಳ ಪತ್ರದಲ್ಲಿ, ಹೆಚ್ಚಿನ ಪ್ರಯತ್ನಗಳ ಹೊರತಾಗಿಯೂ ತನ್ನ ಗುರಿಗಳನ್ನು ಸಾಧಿಸಲು ಸಾಧ್ಯವಾಗದ ಕಾರಣ ತಾನು ತೀವ್ರ ಒತ್ತಡಕ್ಕೆ ಒಳಗಾಗಿದ್ದೇನೆ ಎಂದು ಬರೆದಿದ್ದಾರೆ. ಬಜಾಜ್ ಫೈನಾನ್ಸ್ ಲೋನ್‌ಗಳ ಮೇಲೆ EMI ಗಳನ್ನು ಸಂಗ್ರಹಿಸುವುದು ಅವರ ಕೆಲಸವಾಗಿತ್ತು. ವಿವಿಧ ಸಮಸ್ಯೆಗಳ ಕಾರಣದಿಂದಾಗಿ ಅವರು ತಮ್ಮ ಗುರಿ ತಲುಪಲು ಸಾಧ್ಯವಾಗದೇ ತಮ್ಮ ಕೆಲಸವನ್ನು ಕಳೆದುಕೊಳ್ಳುವ ಭಯದಲ್ಲಿದ್ದರು. ಅವರ ಮೇಲ್ವಿಚಾರಕರು ಆಗಾಗ ಅವರನ್ನು ಅವಮಾನಿಸುತ್ತಿದ್ದರು, ಭವಿಷ್ಯದ ಬಗ್ಗೆ ನಾನು ತುಂಬಾ ಚಿಂತಿತನಾಗಿದ್ದೇನೆ. ನಾನು ನನ್ನ ಆಲೋಚನಾ ಸಾಮರ್ಥ್ಯ ಕಳೆದುಕೊಂಡಿದ್ದೇನೆ. ನಾನು ಹೊರಡುತ್ತಿದ್ದೇನೆ ಎಂದು ಅವರು ಬರೆದಿದ್ದಾರೆ.
ನಾನು ಸಮಸ್ಯೆಗಳನ್ನು ನನ್ನ ಹಿರಿಯರ ಗಮನಕ್ಕೆ ತಂದಿದ್ದೇನೆ, ಆದರೆ ಅವರು ಸ್ಪಂದಿಸಲಿಲ್ಲ. ನಾನು 45 ದಿನಗಳಿಂದ ನಿದ್ದೆ ಮಾಡಿಲ್ಲ. ನಾನು ಕಷ್ಟಪಟ್ಟು ತಿಂದಿದ್ದೇನೆ. ನಾನು ಅಪಾರ ಒತ್ತಡದಲ್ಲಿದ್ದೇನೆ. ನನ್ನ ಹಿರಿಯ ಮ್ಯಾನೇಜರ್‌ಗಳು ನಾನು ಗುರಿಗಳನ್ನು ತಲುಪದಿದ್ದರೆ ನನ್ನನ್ನು ಬದಲಾಯಿಸುವುದಾಗಿ ಬೆದರಿಕೆ ಹಾಕುತ್ತಿದ್ದಾರೆ ಎಂದು ತಿಳಿಸಿದ್ದಾರೆ.
ಅದೇ ಕಾಲೋನಿಯ ನಿವಾಸಿ ತರುಣ್ ಅವರ ಸೋದರ ಸಂಬಂಧಿ ಗೌರವ್ ಸಕ್ಸೇನಾ. ತರುಣ್ ವಿರುದ್ಧ ವಸೂಲಾತಿ ಹೆಚ್ಚಿಸುವ ಒತ್ತಡ ಇತ್ತು. ವಿಡಿಯೋ ಕಾನ್ಫರೆನ್ಸ್‌ ನಲ್ಲಿ ತರುಣ್ ಮೇಲ್ವಿಚಾರಕರು ಅವರ ಮೇಲೆ ಮಾನಸಿಕ ಒತ್ತಡ ಹೇರಿದ್ದರು, ಅವರನ್ನು ವಜಾಗೊಳಿಸುವುದಾಗಿ ಬೆದರಿಸಿದ್ದರು ತರುಣ್ ತಮ್ಮ ಸೂಸೈಡ್ ನೋಟ್‌ನಲ್ಲಿ ಅವರ ಹೆಸರು ಬರೆದಿದ್ದಾರೆ ಎಂದು ಗೌರವ್ ನೆನಪಿಸಿಕೊಂಡಿದ್ದಾರೆ.
ಕುಟುಂಬದವರ ದೂರನ್ನು ಪರಿಗಣಿಸಿ ಪೊಲೀಸರು ತರುಣ್ ಸಕ್ಸೇನಾ ಅವರ ಡೆತ್ ನೋಟ್ ಬಗ್ಗೆ ತನಿಖೆ ಮಾಡುತ್ತಾರೆ. ಮರಣೋತ್ತರ ಪರೀಕ್ಷೆಯ ವರದಿಯನ್ನು ಪರಿಶೀಲಿಸುತ್ತಿದ್ದೇವೆ ಎಂದು ಹಿರಿಯ ಪೊಲೀಸ್ ಅಧಿಕಾರಿ ವಿನೋದ್ ಕುಮಾರ್ ಗೌತಮ್ ಹೇಳಿದ್ದಾರೆ.
Loading ...