ಹುಡುಗನಿಗೆ ಕರೆ ಮಾಡಿ ಮನೆಗೆ ಕರೆಸಿಕೊಂಡ ಗೆಳತಿ: ಆಮೇಲೇನಾಯ್ತು ಗೊತ್ತಾ…?

ಉತ್ತರ ಪ್ರದೇಶದ ದೇರಿಯಾ ಕೊಟ್ವಾಲಿಯಲ್ಲಿ ಮನೆಗೆ ಬಂದ ಅಪ್ರಾಪ್ತ ಬಾಲಕನನ್ನು ಗೆಳತಿಯ ಮನೆಯವರು ಹೊಡೆದು ಕೊಂದಿದ್ದಾರೆ.

ತನ್ನ ಗೆಳತಿಯ ಮನೆಯವರಿಂದ ಕ್ರೂರವಾಗಿ ಹಲ್ಲೆಗೊಳಗಾದ 17 ವರ್ಷದ ಬಾಲಕ ಶಿವಂ ಶನಿವಾರ ದುರಂತವಾಗಿ ಸಾವನ್ನಪ್ಪಿದ್ದಾನೆ. ಶುಕ್ರವಾರದಂದು ತನ್ನ ಗೆಳತಿಯ ಫೋನ್ ಕರೆಗೆ ಪ್ರತಿಕ್ರಿಯಿಸಿದ ಶಿವಂ, ಆಕೆಯ ಮನೆಗೆ ಭೇಟಿ ನೀಡಿದಾಗ ಹಲ್ಲೆ ನಡೆಸಲಾಗಿದೆ.

ಶಿವಂನನ್ನು ಆತನ ಗೆಳತಿಯ ಕುಟುಂಬದ ಸದಸ್ಯರು ಕೋಲು, ದೊಣ್ಣೆಗಳಿಂದ ತೀವ್ರವಾಗಿ ಥಳಿಸಿದ್ದಾರೆ ಮತ್ತು ಹರಿತವಾದ ಆಯುಧದಿಂದ ಹಲ್ಲೆ ನಡೆಸಿದ್ದಾರೆ. ದೇಹದ ತುಂಬಾ ತೀವ್ರ ರಕ್ತಗಾಯಗಳಾಗಿದ್ದ ಶಿವಂನನ್ನು ಸ್ಥಳೀಯ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಕರೆದೊಯ್ದರೂ, ಅಲ್ಲಿಗೆ ಬರುವಷ್ಟರಲ್ಲಿ ಶಿವಂ ಮೃತಪಟ್ಟಿದ್ದಾರೆ ಎಂದು ಘೋಷಿಸಲಾಗಿದೆ.

ಪ್ರಭಾರ ವೈದ್ಯಾಧಿಕಾರಿ ಡಾ.ಮನೀಷ್ ರಾಜ್ ಶರ್ಮಾ, ಅತಿಯಾದ ರಕ್ತ ಸೋರಿಕೆಯಿಂದ ಶಿವಂ ಸಾವನ್ನಪ್ಪಿದ್ದಾರೆ ಎಂದು ಖಚಿತಪಡಿಸಿದ್ದಾರೆ.

ಶಿವಂ ಚಿಕ್ಕಪ್ಪ ರಮೇಶ್ ಚಂದ್ರ ಪೊಲೀಸ್ ಠಾಣೆಯಲ್ಲಿ ನಡೆದ ಭಯಾನಕ ದೃಶ್ಯವನ್ನು ವಿವರಿಸಿದ್ದಾರೆ. ಶಿವಂ ತನ್ನ ತನ್ನ ಗೆಳತಿಯ ಮನೆಗೆ ಹೋದಾಗ ಆಕೆಯ ಚಿಕ್ಕಪ್ಪ ಮತ್ತು ಇತರರು ಬಲವಂತವಾಗಿ ಒಳಗೆ ಎಳೆದುಕೊಂಡು ಹೋಗಿದ್ದಾರೆ. ಅವನನ್ನು ನಿರ್ದಯವಾಗಿ ಹೊಡೆದಿದ್ದಾರೆ. ಒಬ್ಬ ತೀಕ್ಷ್ಣವಾದ ಆಯುಧದಿಂದ ಶಿವಂನನ್ನು ಹೊಡೆದಿದ್ದಾನೆ.

ಉತ್ತರ ಪ್ರದೇಶದ ದೇರಿಯಾ ಕೊಟ್ವಾಲಿಯ ಪೊಲೀಸ್ ಸಬ್ ಇನ್ಸ್‌ ಪೆಕ್ಟರ್ ರಮೇಶ್ ಭದೌರಿಯಾ ಅವರು ಹಲ್ಲೆಯ ಸಮಯದಲ್ಲಿ ಹುಡುಗಿಯ ಪೋಷಕರು ಮನೆಯಲ್ಲಿರಲಿಲ್ಲ; ಆಕೆಯ ತಾಯಿ ತನ್ನ ಪೋಷಕರ ಮನೆಗೆ ಭೇಟಿ ನೀಡಿದ್ದರು. ಆಕೆಯ ತಂದೆ ಬೇರೆ ಹಳ್ಳಿಯಲ್ಲಿದ್ದರು. ಬಾಲಕಿಯ ಚಿಕ್ಕಪ್ಪನಿಗೆ ಶಿವಂ ಎದುರಾದಾಗ ದಾಳಿ ನಡೆದಿದೆ. ಅಧಿಕಾರಿಗಳು ಬಾಲಕಿಯ ಕುಟುಂಬದ ಇಬ್ಬರು ವ್ಯಕ್ತಿಗಳನ್ನು ಬಂಧಿಸಿದ್ದಾರೆ. ಎಲ್ಲಾ ಭಾಗಿದಾರರನ್ನು ಬಂಧಿಸಲು ತನಿಖೆ ನಡೆಯುತ್ತಿದೆ ಎಂದು ತಿಳಿಸಿದ್ದಾರೆ.