Viral Photo | ಆಸ್ಟ್ರೇಲಿಯಾದಲ್ಲಿ ರಾತ್ರಿ ವೇಳೆ ಆಕಾಶದಲ್ಲಿ ಮಿನುಗಿದ ‘ಚಂದ್ರಯಾನ 3’ ಬಾಹ್ಯಾಕಾಶ ನೌಕೆ

ಸೋಶಿಯಲ್​ ಮೀಡಿಯಾಗಳಲ್ಲಿ ಚಂದ್ರಯಾನ 3ಗೆ ಸಂಬಂಧಿಸಿದ ವಿಶೇಷವಾದ ಫೋಟೋವೊಂದು ವೈರಲ್​ ಆಗಿದೆ. ಇದು ಆಸ್ಟ್ರೆಲಿಯಾದಲ್ಲಿ ರಾತ್ರಿ ವೇಳೆ ಕ್ಲಿಕ್ಕಿಸಿದ ಫೋಟೊವಾಗಿದೆ.

ಖಗೋಳಶಾಸ್ತ್ರದ ಬಗ್ಗೆ ವಿಪರೀತ ಆಸಕ್ತಿ ಹೊಂದಿರುವ ಡೈಲನ್​ ಓಡೊನೆಲ್​ ಎಂಬವರು ಈ ಫೋಟೋವನ್ನು ಟ್ವಿಟರ್​ನಲ್ಲಿ ಪೋಸ್ಟ್​ ಮಾಡಿದ್ದಾರೆ. ಯುಟ್ಯೂಬ್​ನಲ್ಲಿ ಸುಮಾರು 20 ನಿಮಿಷಗಳ ಚಂದ್ರಯಾನ 2 ನೌಕೆಯ ಉಡಾವಣೆಯನ್ನು ವೀಕ್ಷಿಸಿದ್ದ ಡೈಲನ್​ ಕೊನೆಗೆ ತಮ್ಮ ಮನೆಯ ಮೇಲೆಯೇ ಹಾದು ಹೋದ ಚಂದ್ರಯಾನ 3 ಬಾಹ್ಯಾಕಾಶ ನೌಕೆಯನ್ನು ಕಣ್ತುಂಬಿಕೊಂಡಿದ್ದಾರೆ.

ರಾತ್ರಿ ಗಾಢವಾಗಿದ್ದರಿಂದ ಇಷ್ಟು ಚಂದದ ದೃಶ್ಯವನ್ನು ಚಿತ್ರೀಕರಿಸುವುದು ಸುಲಭವಾಯ್ತು ಅಂತಾ ಅವರು ಬರೆದುಕೊಂಡಿದ್ದಾರೆ.

ಈಗಾಗಲೇ 30 ಲಕ್ಷಕ್ಕೂ ಅಧಿಕ ಕಿಲೋ ಮೀಟರ್​ ದೂರ ಕ್ರಮಿಸಿರುವ ಈ ನೌಕೆಯು ಮುಂದಿನ ತಿಂಗಳ ಮಧ್ಯಭಾಗದಲ್ಲಿ ಚಂದ್ರನ ಅಂಗಳವನ್ನು ತಲುಪಲಿದೆ. ಮಿಷನ್​ ಚಂದ್ರಯಾನ 3 ಭವಿಷ್ಯದಲ್ಲಿ ಅಂತರ್​ಗ್ರಹ ಕಾರ್ಯಾಚರಣೆಗಳಿಗೆ ನೆರವಾಗಲಿದೆ.

ಚಂದ್ರಯಾನ 3 ಮಿಷನ್​ ಸ್ವದೇಶಿ ಪ್ರೊಪಲ್ಷನ್ ಮಾಡ್ಯೂಲ್, ಲ್ಯಾಂಡರ್ ಮಾಡ್ಯೂಲ್ ಮತ್ತು ರೋವರ್ ಅನ್ನು ಒಳಗೊಂಡಿದ್ದು, ಅಂತರ-ಗ್ರಹಗಳ ಕಾರ್ಯಾಚರಣೆಗಳಿಗೆ ಅಗತ್ಯವಾದ ಹೊಸ ತಂತ್ರಜ್ಞಾನಗಳನ್ನು ಅಭಿವೃದ್ಧಿಪಡಿಸುವ ಮತ್ತು ಪ್ರದರ್ಶಿಸುವ ಉದ್ದೇಶವನ್ನು ಹೊಂದಿದೆ.

https://twitter.com/erfmufn/status/1679788894714499074

 

Share This Article

Latest News

ಬಸನಗೌಡ ಪಾಟೀಲ್ ಯತ್ನಾಳ್ ಉಚ್ಚಾಟನೆಯಿಂದ ಬಿಜೆಪಿಗೆ ಹಿನ್ನಡೆಯಾಗುತ್ತದಾ ?

View Results

Loading ... Loading ...

Most Read