Watch: ಜಿಪ್​ ಲೈನ್​ನಲ್ಲಿ ಸವಾರಿ ಮಾಡಿ ದಾಖಲೆ ಬರೆದ ವೃದ್ಧೆ

ಕೆಲವರಿಗೆ ವಯಸ್ಸು ಅವರ ಕನಸಿಗೆ ಅಡ್ಡಿಯಾಗುವುದಿಲ್ಲ. ಇದನ್ನು ಸಾಬೀತು ಪಡಿಸುವ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಶೇರ್​ ಆಗುತ್ತಲೇ ಇರುತ್ತವೆ.

ಅಂಥದ್ದೇ ಇನ್ನೊಂದು ವಿಡಿಯೋ ವೈರಲ್​ ಆಗಿದೆ. ಕೇರ್ ಹೋಮ್‌ನಲ್ಲಿ ವಾಸಿಸುತ್ತಿರುವ 85 ವರ್ಷದ ವೃದ್ಧೆಯೊಬ್ಬರು ವಿಶ್ವದ ಅತ್ಯಂತ ವೇಗದ ಜಿಪ್ ಲೈನ್​ನಲ್ಲಿ ಸವಾರಿ ಮಾಡಿ ದಾಖಲೆ ಮಾಡಿದ್ದಾರೆ.

ಸ್ಯಾಲಿದೇ ವೆಬ್‌ಸ್ಟರ್ ಎಂಬ ಮಹಿಳೆ ತಮ್ಮ ಮಗಳು ಜೂಲಿಯೆಟ್‌ ರೊಂದಿಗೆ 1.5 ಕಿಮೀ ಉದ್ದ ಮತ್ತು 500 ಅಡಿ ಎತ್ತರದ ಜಿಪ್‌ಲೈನ್‌ನಲ್ಲಿ ಹಾರಿದ್ದು, ಅದರ ವಿಡಿಯೋ ವೈರಲ್​ ಆಗಿದೆ. ಟ್ವಿಟ್ಟರ್‌ನಲ್ಲಿ ರಾಯಿಟರ್ಸ್ ಈ ವಿಡಿಯೋ ಶೇರ್​ ಮಾಡಿಕೊಂಡಿದೆ.

ವೃದ್ಧೆಯು ರಕ್ಷಣಾತ್ಮಕ ಗೇರ್ ಮತ್ತು ಕನ್ನಡಕಗಳನ್ನು ಧರಿಸಿ, ಜಿಪ್-ಲೈನಿಂಗ್ ಮೇಲೆ ಹೋಗುವುದನ್ನು ವಿಡಿಯೋದಲ್ಲಿ ನೋಡಬಹುದು.

ವೃದ್ಧೆಯ ಮಗಳು, 52 ವರ್ಷದ ಯೋಗ ಶಿಕ್ಷಕಿಯಾಗಿದ್ದು, ಪಕ್ಕದಲ್ಲಿ ಜಿಪ್-ಲೈನಿಂಗ್ ನಲ್ಲಿ ಅವರನ್ನೂ ಕಾಣಬಹುದು. ಈ ವಿಡಿಯೋಗೆ ಜನರು ಥರಹೇವಾರಿ ಕಮೆಂಟ್​ ಮಾಡುತ್ತಿದ್ದಾರೆ. ಮೆಚ್ಚುಗೆ ವ್ಯಕ್ತಪಡಿಸಿ ವೃದ್ಧೆಯನ್ನು ಅಭಿನಂದಿಸುತ್ತಿದ್ದಾರೆ.

https://twitter.com/Reuters/status/1626408593271693312?ref_src=twsrc%5Etfw%7Ctwcamp%5Etweetembed%7Ctwterm%5E1626408593271693312%7Ctwgr%5E79961bbb1e2eac66526d81131707e38f849c59d2%7Ctwcon%5Es1_&ref_url=https%3A%2F%2Findianexpress.com%2Farticle%2Ftrending%2Ftrending-globally%2F85-year-old-uk-woman-rides-worlds-fastest-zip-line-8451485%2F