ವ್ಯಾಗ್ನರ್ ಗ್ರೂಪ್ ನಾಯಕ ಯೆವ್ಗೆನಿ ಪ್ರಿಗೊಜಿನ್ ರಷ್ಯಾದಲ್ಲಿ ವಿಮಾನ ಅಪಘಾತದಲ್ಲಿ ಸಾವನ್ನಪ್ಪಿದ್ದಾರೆ ಎಂದು ಹೇಳಲಾಗಿದೆ.
ರಷ್ಯಾದ ಫೆಡರಲ್ ಏರ್ ಟ್ರಾನ್ಸ್‌ಪೋರ್ಟ್ ಏಜೆನ್ಸಿಯ ಪತ್ರಿಕಾ ಸೇವೆಯ ಪ್ರಕಾರ, ಬುಧವಾರ ರಷ್ಯಾದ ಟ್ವೆರ್ ಪ್ರದೇಶದಲ್ಲಿ ಪತನಗೊಂಡ ವಿಮಾನದ ಪ್ರಯಾಣಿಕರ ಪಟ್ಟಿಯಲ್ಲಿ ವ್ಯಾಗ್ನರ್ ಗ್ರೂಪ್ ನಾಯಕ ಯೆವ್ಗೆನಿ ಪ್ರಿಗೊಜಿನ್ ಇದ್ದರು. ಅವರು ಮೃತಪಟ್ಟಿದ್ದಾರೆ ಎನ್ನಲಾಗಿದೆ.
ಪ್ರಿಗೊಝಿನ್ ಸೇರಿದಂತೆ ಕುಝೆಂಕಿನೋ ಪಟ್ಟಣದ ಸಮೀಪ ಸಂಭವಿಸಿದ ಅಪಘಾತದಲ್ಲಿ ಹತ್ತು ಜನರು ಸಾವನ್ನಪ್ಪಿದರು.
ಇಂದು ರಾತ್ರಿ ಟ್ವೆರ್ ಪ್ರದೇಶದಲ್ಲಿ ಸಂಭವಿಸಿದ ಎಂಬ್ರೇಯರ್ ವಿಮಾನದ ಅಪಘಾತದ ಬಗ್ಗೆ ತನಿಖೆಯನ್ನು ಪ್ರಾರಂಭಿಸಲಾಗಿದೆ. ಪ್ರಯಾಣಿಕರ ಪಟ್ಟಿಯ ಪ್ರಕಾರ, ಅವುಗಳಲ್ಲಿ ಯೆವ್ಗೆನಿ ಪ್ರಿಗೋಜಿನ್ ಅವರ ಹೆಸರು ಮತ್ತು ಉಪನಾಮವಿದೆ ಎಂದು ಇಲಾಖೆ ಹೇಳಿಕೆಯಲ್ಲಿ ತಿಳಿಸಿದೆ.
ಮೃತ 10 ಮಂದಿಯಲ್ಲಿ ಮೂವರು ಸಿಬ್ಬಂದಿ ಹಾಗೂ 7 ಮಂದಿ ಪ್ರಯಾಣಿಕರು ಸೇರಿದ್ದಾರೆ. 7 ಪ್ರಯಾಣಿಕರನ್ನು ಸೆರ್ಗೆಯ್ ಪ್ರೊಪುಸ್ಟಿನ್, ಎವ್ಗೆನಿ ಮಕಾರ್ಯನ್, ಅಲೆಕ್ಸಾಂಡರ್ ಟೋಟ್ಮಿನ್, ವ್ಯಾಲೆರಿ ಚೆಕಾಲೋವ್, ಡಿಮಿಟ್ರಿ ಉಟ್ಕಿನ್, ನಿಕೊಲಾಯ್ ಮಾಟುಸೀವ್ ಮತ್ತು ಪ್ರಿಗೋಜಿನ್ ಎಂದು ಗುರುತಿಸಲಾಗಿದೆ. ವ್ಯಾಗ್ನರ್ ಪರವಾದ ಬಹು ಗುಂಪುಗಳು ಪ್ರಿಗೋಜಿನ್ ಕೊಲ್ಲಲ್ಪಟ್ಟರು ಎಂದು ಹೇಳಿಕೊಂಡಿವೆ.
ಸಿಬ್ಬಂದಿಯನ್ನು ಅಲೆಕ್ಸಿ ಲೆವ್ಶಿನ್, ಸಹ ಪೈಲಟ್ ರುಸ್ತಮ್ ಕರಿಮೊವ್ ಮತ್ತು ಫ್ಲೈಟ್ ಅಟೆಂಡೆಂಟ್ ಕ್ರಿಸ್ಟಿನಾ ರಾಸ್ಪೊಪೊವಾ ಎಂದು ಗುರುತಿಸಲಾಗಿದೆ.
ರಷ್ಯಾದ ಅತ್ಯಂತ ಶಕ್ತಿಶಾಲಿ ಖಾಸಗಿ ಸೇನೆ ಮುಖ್ಯಸ್ಥ ಯೆವ್ಗೆನಿ ಪ್ರಿಗೊಝಿನ್ ಅವರು ಸೇನೆಯ ಉನ್ನತ ಅಧಿಕಾರಿಗಳ ವಿರುದ್ಧ ದಂಗೆಗೆ ಕಾರಣವಾದ ಎರಡು ತಿಂಗಳ ನಂತರ ಈ ಘಟನೆ ನಡೆದಿದೆ.
ಗ್ರೇ ಝೋನ್‌ನ ವ್ಯಾಗ್ನರ್‌ಗೆ ಸಂಪರ್ಕ ಹೊಂದಿದ ಟೆಲಿಗ್ರಾಮ್ ಚಾನೆಲ್, ಪ್ರಿಗೊಝಿನ್ ಮೃತಪಟ್ಟಿರುವುದಾಗಿ ಘೋಷಿಸಿದೆ. ಅವರನ್ನು ಒಬ್ಬ ವೀರ ಮತ್ತು ದೇಶಭಕ್ತ ಎಂದು ಶ್ಲಾಘಿಸಿದೆ, ಅಜ್ಞಾತ ಜನರ ಕೈಯಲ್ಲಿ ಮರಣಹೊಂದಿರುವುದಾಗಿ ತಿಳಿಸಿದೆ.
ಏನಾಯಿತು ಎಂಬುದನ್ನು ನಿರ್ಧರಿಸಲು ಅವರು ಕ್ರಿಮಿನಲ್ ತನಿಖೆ ನಡೆಸಲಾಗಿದೆ ಎಂದು ರಷ್ಯಾದ ತನಿಖಾಧಿಕಾರಿಗಳು ಹೇಳಿದ್ದಾರೆ. ಕೆಲವು ಹೆಸರಿಸದ ಮೂಲಗಳು ರಷ್ಯಾದ ಮಾಧ್ಯಮಕ್ಕೆ, ವಿಮಾನವನ್ನು ಒಂದು ಅಥವಾ ಹೆಚ್ಚಿನ ಮೇಲ್ಮೈಯಿಂದ ಆಕಾಶ ಕ್ಷಿಪಣಿಗಳಿಂದ ಹೊಡೆದುರುಳಿಸಲಾಗಿದೆ ಎಂದು ಅವರು ನಂಬಿದ್ದಾರೆ.
ಮಾಸ್ಕೋದಿಂದ ಸೇಂಟ್ ಪೀಟರ್ಸ್‌ಬರ್ಗ್‌ಗೆ ಪ್ರಯಾಣಿಸುತ್ತಿದ್ದ ವಿಮಾನವು ಟ್ವೆರ್ ಪ್ರದೇಶದ ಕುಜೆಂಕಿನೊ ಗ್ರಾಮದ ಬಳಿ ಪತನಗೊಂಡಿದೆ ಎಂದು ರಷ್ಯಾದ ತುರ್ತು ಪರಿಸ್ಥಿತಿ ಸಚಿವಾಲಯ ತಿಳಿಸಿದೆ.
Loading ...
