ಹೈದರಾಬಾದ್: ಆಘಾತಕಾರಿ ಘಟನೆಯೊಂದರಲ್ಲಿ ಜೋಡಿಯೊಂದು ಕಾರ್ ಗೆ ಬೆಂಕಿ ಹಚ್ಚಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ತೆಲಂಗಾಣದ ಘಟ್‌ ಕೇಸರ್‌ ನ ಘನಪುರ ಹೊರವರ್ತುಲ ಸರ್ವಿಸ್ ರಸ್ತೆಯಲ್ಲಿ ನಡೆದಿದೆ.
ಜೋಡಿಯನ್ನು ಪರ್ವತಮ್ ಶ್ರೀರಾಮ್ ಮತ್ತು ಅಪ್ರಾಪ್ತ ಬಾಲಕಿ ಎಂದು ಗುರುತಿಸಲಾಗಿದ್ದು, ನಡುರಸ್ತೆಯಲ್ಲಿ ಕಾರ್ ನಲ್ಲಿ ಬೆಂಕಿ ಹಚ್ಚಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಕಾರ್ ಗೆ ಬೆಂಕಿ ಹೊತ್ತಿಕೊಂಡ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
ನಲ್ಗೊಂಡ ಜಿಲ್ಲೆಯ ಬೀಬಿನಗರದ ನಿವಾಸಿಯಾಗಿರುವ ಪರ್ವತಮ್ ಶ್ರೀರಾಮ್ ಅವರು ನರಪಲ್ಲಿಯಲ್ಲಿರುವ ಸೈಕಲ್ ಅಂಗಡಿಯಲ್ಲಿ ಕೆಲಸಗಾರರಾಗಿದ್ದರು. ಈ ವೇಳೆ ಬಾಲಕಿಯನ್ನು ಭೇಟಿಯಾಗಿದ್ದು, ಅವರಿಬ್ಬರೂ ಆತ್ಮೀಯ ಸ್ನೇಹಿತರಾಗಿದ್ದರು ಮತ್ತು ಪರಸ್ಪರ ಪ್ರೀತಿಸುತ್ತಿದ್ದರು.
ಸೂಸೈಡ್ ನೋಟ್ ಅವರಿಗಾದ ಕಿರುಕುಳ ಬಹಿರಂಗಪಡಿಸಿದೆ. ಈ ಕುರಿತು ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದಾರೆ.
ಮಹೇಶ್(ಚಿಂಟು) ಎಂಬುವವರ ಕಿರುಕುಳದಿಂದ ಜೋಡಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ತನಿಖೆಯಿಂದ ತಿಳಿದುಬಂದಿದೆ. ಅವರ ಆತ್ಮಹತ್ಯಾ ಪತ್ರದ ಪ್ರಕಾರ, ಈ ಜೋಡಿಯ ಅಶ್ಲೀಲ ಫೋಟೋಗಳು ಮತ್ತು ವೀಡಿಯೊಗಳನ್ನು ತೆಗೆದುಕೊಂಡ ಚಿಂಟು ಅವರನ್ನು ಬ್ಲಾಕ್ ಮೇಲ್ ಮಾಡುತ್ತಿದ್ದ. ಹಣ ನೀಡದಿದ್ದಲ್ಲಿ ಕುಟುಂಬದವರಿಗೆ ಅವರ ಸಂಬಂಧವನ್ನು ಬಹಿರಂಗಪಡಿಸುವುದಾಗಿ ಬೆದರಿಕೆ ಹಾಕಿದ್ದ.
ಚಿಂಟುಗೆ ಶ್ರೀರಾಮ್ 1.35 ಲಕ್ಷ ರೂ. ಪಾವತಿಸಿದ್ದರು. ಆದರೆ ನಿರಂತರವಾಗಿ ಕಿರುಕುಳ ನೀಡುತ್ತಿದ್ದ ಕಾರಣ ಹಣ ಕೊಡಲು ಸಾಧ್ಯವಾಗದೇ ಬೇರೆ ಆಯ್ಕೆಗಳಿಲ್ಲದೆ, ಜೋಡಿ ಆತ್ಮಹತ್ಯೆಗೆ ನಿರ್ಧರಿಸಿದ್ದಾರೆ. ಪೊಲೀಸರು ಚಿಂಟು ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದು, ಆರೋಪಿಗಳ ಪತ್ತೆಗೆ ಶೋಧ ತಂಡವನ್ನು ರಚಿಸಿದ್ದಾರೆ.
ಬೆಂಕಿ ತಗುಲಿದ್ದ ಕಾರ್ ಗಮನಿಸಿದ ಸಮೀಪದ ಹೊಲದಲ್ಲಿ ಕೆಲಸ ಮಾಡುತ್ತಿದ್ದ ರೈತರು ಬಕೆಟ್ ನೀರನ್ನು ಬಳಸಿ ಬೆಂಕಿಯನ್ನು ನಂದಿಸಲು ಪ್ರಯತ್ನಿಸಿದ್ದಾರೆ. ಕೆಲವು ವಾಹನ ಚಾಲಕರು ಸಹ ಸಹಾಯ ಮಾಡಲು ನಿಲ್ಲಿಸಿದರು, ಮರದ ಕೊಂಬೆಗಳನ್ನು ಬಳಸಿ ಬೆಂಕಿಯನ್ನು ಹೊಡೆದರು, ಆದರೆ ಅದು ಈಗಾಗಲೇ ತುಂಬಾ ಹರಡಿತು. ಜೋಡಿಯ ಸಾವಿಗೆ ಕಾರಣವಾದ ಬೆಂಕಿಯನ್ನು ನಂದಿಸಲು ಅವರಿಗೆ ಸಾಧ್ಯವಾಗಲಿಲ್ಲ.
ಬೆಂಕಿ ಹೊತ್ತಿಕೊಂಡ ಕಾರ್ ನಿಂದ ಯುವಕ ಓಡಿ ಬಂದು ರಸ್ತೆಯಲ್ಲಿ ಕುಸಿದು ಬಿದ್ದಿದ್ದಾನೆ ಎಂದು ಪ್ರತ್ಯಕ್ಷದರ್ಶಿ ತಿಳಿಸಿದ್ದಾರೆ. ಇದೇ ವೇಳೆ ಕಾರಿನ ಮುಂದಿನ ಸೀಟಿನಲ್ಲಿ ಕುಳಿತಿದ್ದ ಬಾಲಕಿ ಸಂಪೂರ್ಣ ಸುಟ್ಟು ಕರಕಲಾಗಿದ್ದಾಳೆ. ಬೆಂಕಿ ಎಷ್ಟು ತೀವ್ರವಾಗಿದೆಯೆಂದರೆ ಅವರು ಕಾರಿನ ಸಮೀಪಕ್ಕೆ ಯಾರೂ ಹೋಗಲು ಸಾಧ್ಯವಾಗಲಿಲ್ಲ.
#Telangana #Hyderabad: A Couple died in an accident at Ghanpur Service Road in Ghatkesar.
The accident was reportedly caused as part of a Suicide pact between the couple.
One of the deceased was identified as Sri Ram. pic.twitter.com/5LA7TdAOO4
— Siraj Noorani (@sirajnoorani) January 7, 2025
Two persons were charred to death after the car they were caught fire on the Ghanpur service road in Ghatkesar police station limits in Medchal-Malkajgiri district.
One among the deceased was identified as Sri Ram (26), a resident of Narapally. He runs a wholesale… pic.twitter.com/FIQZgPDxT7
— NewsMeter (@NewsMeter_In) January 6, 2025
Loading ...
