ಗಾಯ ಮಾಗಿದ್ರೂ ಅದರ ಕಲೆ ಹಾಗೇ ಉಳಿದುಬಿಡುತ್ತದೆ. ಚಿಕ್ಕ ವಯಸ್ಸಿನಲ್ಲಿ ಆಟದ ಹುಮ್ಮಸ್ಸು ಹೆಚ್ಚು, ಆಗ ಬಿದ್ದು ಪೆಟ್ಟು ಮಾಡಿಕೊಳ್ಳೋದು ಕೂಡ ಕಾಮನ್. ಆಗ ಆದ ಗಾಯದ ಗುರುತು ಎಷ್ಟೋ ಬಾರಿ ಮಾಸದೇ ಉಳಿಯುತ್ತದೆ.
ಅಪಘಾತದಲ್ಲಿ ಗಾಯಗೊಂಡಿದ್ದರೆ ಆ ಕುರುಹುಗಳು ಕೂಡ ಹೋಗುವುದಿಲ್ಲ. ಆ ಕಲೆಯಿಂದಾಗಿ ಅಪಘಾತದ ಕಹಿ ನೆನಪು ಜೀವನ ಪೂರ್ತಿ ಕಾಡುತ್ತದೆ. ನಿಮ್ಮ ದೇಹದ ಮೇಲೂ ಇದೇ ರೀತಿಯ ಗುರುತುಗಳಿದ್ದರೆ ಕೆಲವು ಮನೆಮದ್ದುಗಳನ್ನು ಅಳವಡಿಸಿಕೊಳ್ಳುವ ಮೂಲಕ ನೀವು ಈ ಗುರುತುಗಳನ್ನು ತೊಡೆದುಹಾಕಬಹುದು.
ಅಲೋವೆರಾ ಜೆಲ್: ಅಲೋವೆರಾ ಅನೇಕ ಪ್ರಯೋಜನಗಳನ್ನು ಹೊಂದಿದೆ. ನಿಮ್ಮ ದೇಹದ ಮೇಲೆ ಗಾಯದ ಗುರುತು ಅಥವಾ ಕಲೆ ಇದ್ದರೆ ಅಲೋವೆರಾದ ಪಲ್ಪ್‌ ಅನ್ನು ಆ ಗಾಯದ ಮೇಲೆ ಹಚ್ಚಿ ಮಸಾಜ್‌ ಮಾಡಿ. ಅರ್ಧ ಗಂಟೆಯ ನಂತರ ತಣ್ಣೀರಿನಿಂದ ತೊಳೆಯಿರಿ.
ಸೌತೆಕಾಯಿ: ಸೌತೆಕಾಯಿ ಆರೋಗ್ಯಕ್ಕೆ ಹೇಳಿ ಮಾಡಿಸಿದಂತಹ ತರಕಾರಿ. ಹೆಚ್ಚಿನ ಜನರು ಇದನ್ನು ಇಷ್ಟಪಡುತ್ತಾರೆ. ಸೌತೆಕಾಯಿಯಲ್ಲಿ ಸಾಕಷ್ಟು ನೀರಿನ ಅಂಶವಿದೆ. ಇದು ಚರ್ಮವನ್ನು ತೇವಾಂಶದಿಂದ ಇಡುತ್ತದೆ. ಸೌತೆಕಾಯಿನ್ನು ರೌಂಡ್‌ ಆಗಿ ಕತ್ತರಿಸಿಕೊಂಡು ಅದನ್ನು ಗಾಯದ ಗುರುತಿನ ಮೇಲಿಟ್ಟು ನಿಧಾನವಾಗಿ ಉಜ್ಜಿರಿ. ನಿಯಮಿತವಾಗಿ ಈ ರೀತಿ ಮಾಡುವುದರಿಂದ ಗುರುತು ಮಾಯವಾಗುತ್ತದೆ.
ತೆಂಗಿನ ಎಣ್ಣೆ: ಕಲೆಗಳನ್ನು ಹೋಗಲಾಡಿಸಲು ತೆಂಗಿನ ಎಣ್ಣೆ ಬಹಳ ಪ್ರಯೋಜನಕಾರಿಯಾಗಿದೆ. ಕಲೆಗಳ ಮೇಲೆ ಪ್ರತಿದಿನ ತೆಂಗಿನೆಣ್ಣೆ ಹಚ್ಚುತ್ತಾ ಬಂದರೆ ಕ್ರಮೇಣ ಅವುಗಳನ್ನು ಹೋಗಲಾಡಿಸಬಹುದು.
ವಿನೆಗರ್: ವಿನೆಗರ್ ಕೂಡ ಸಾಕಷ್ಟು ಆರೋಗ್ಯ ಸ್ನೇಹಿ ಪದಾರ್ಥವಾಗಿದೆ. ದೇಹದ ಮೇಲಾದ ಗಾಯದ ಗುರುತುಗಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ. ನಿಮಗೇನಾದ್ರೂ ಪೆಟ್ಟಾಗಿ ಆ ಜಾಗದಲ್ಲಿ ಕಲೆಯಾಗಿದ್ದರೆ ಹತ್ತಿಯಲ್ಲಿ ನೀರು ಮತ್ತು ವಿನೆಗರ್ ಅನ್ನು ಮಿಶ್ರಣ ಮಾಡಿ ಅದನ್ನು ನಿಮ್ಮ ಗಾಯದ ಮೇಲೆ ಹಚ್ಚಿ. ಮಲಗುವ ಮುನ್ನ ನೀವು ಪ್ರತಿದಿನ ಇದನ್ನು ಮಾಡಬೇಕು. ಇದರಿಂದ ನೀವು ಖಂಡಿತವಾಗಿಯೂ ಪ್ರಯೋಜನಗಳನ್ನು ಪಡೆಯುತ್ತೀರಿ.
ನಿಂಬೆಹಣ್ಣು: ನಿಂಬೆಯಲ್ಲಿ ಬ್ಲೀಚಿಂಗ್ ಏಜೆಂಟ್ ಇದೆ. ಇದನ್ನು ಸೌಂದರ್ಯವರ್ಧಕದಲ್ಲಿಯೂ ಬಳಸಲಾಗುತ್ತದೆ. ನಿಮ್ಮ ದೇಹದಲ್ಲಿ ಯಾವುದೇ ಗಾಯದ ಗುರುತುಗಳಿದ್ದರೆ ನಿಂಬೆ ರಸವನ್ನು ಹಚ್ಚಿ. ನಿಂಬೆಯು ತ್ವಚೆಯಿಂದ ಸತ್ತ ಜೀವಕೋಶಗಳನ್ನು ತೆಗೆದು ಹೊಸ ಚರ್ಮ ಬರಲು ಸಹಾಯ ಮಾಡುತ್ತದೆ.
Loading ...
