ಭಾರತದಲ್ಲಿ 80 ಪ್ರತಿಶತ ಮಹಿಳೆಯರನ್ನು ಕಾಡುತ್ತಿದೆ ಈ ಸಮಸ್ಯೆ; ಇದಕ್ಕೂ ಇದೆ ಸುಲಭದ ಪರಿಹಾರ !

ಬೆನ್ನು ನೋವು ಅನೇಕರನ್ನು ಕಾಡುತ್ತಿರುವ ಬಹುದೊಡ್ಡ ಸಮಸ್ಯೆ. ಇದಕ್ಕೆ ಹಲವು ಕಾರಣಗಳಿರಬಹುದು. ಕಳಪೆ ಭಂಗಿ, ದೀರ್ಘಕಾಲದ ಕುಳಿತುಕೊಳ್ಳುವಿಕೆ, ದೈಹಿಕ ಗಾಯ ಅಥವಾ ಇತರ ಆಂತರಿಕ ಸಮಸ್ಯೆಗಳು. ಬೆನ್ನು ನೋವು ವಿಪರೀತವಾಗಿದ್ದರೆ ಅದು ಆಸ್ಟಿಯೊಪೊರೋಸಿಸ್ ಎಂಬ ಕಾಯಿಲೆಯ ಸಂಕೇತವೂ ಇರಬಹುದು.

ಇದರಲ್ಲಿ ಮೂಳೆಗಳು ದುರ್ಬಲವಾಗುತ್ತವೆ ಮತ್ತು ಮುರಿಯುವ ಅಪಾಯವು ಹೆಚ್ಚಾಗುತ್ತದೆ. ಇದು ಮುಖ್ಯವಾಗಿ ವೃದ್ಧಾಪ್ಯದಲ್ಲಿ ಕಂಡುಬರುತ್ತದೆ. ಆದರೆ ಇತ್ತೀಚಿನ ದಿನಗಳಲ್ಲಿ ಯುವಕ- ಯುವತಿಯರು ಕೂಡ ಆಸ್ಟಿಯೊಪೊರೋಸಿಸ್‌ನಿಂದ ಬಳಲುತ್ತಿದ್ದಾರೆ. ಪ್ರಸ್ತುತ ದೇಶದಲ್ಲಿ 60 ಮಿಲಿಯನ್ ಜನರು ಈ ಕಾಯಿಲೆಯಿಂದ ಬಳಲುತ್ತಿದ್ದಾರೆ. ಆಘಾತಕಾರಿ ವಿಷಯವೆಂದರೆ ಅವರಲ್ಲಿ 80 ಪ್ರತಿಶತ ಮಹಿಳೆಯರು. ಆಸ್ಟಿಯೊಪೊರೋಸಿಸ್ ಮೊದಲು 50 ನೇ ವಯಸ್ಸಿನಲ್ಲಿ ಕಾಣಿಸಿಕೊಳ್ಳುತ್ತಿತ್ತು. ಆದರೆ ಈಗ  30 ರಿಂದ 40 ವರ್ಷ ವಯಸ್ಸಿನವರಲ್ಲೂ ಈ ಕಾಯಿಲೆ ಹೆಚ್ಚಾಗುತ್ತಿದೆ.

ಬೆನ್ನುನೋವಿಗೆ ಕಾರಣ

ವಯಸ್ಸು: ವಯಸ್ಸಾದಂತೆ ಮೂಳೆ ಸಾಂದ್ರತೆಯಲ್ಲಿ ನೈಸರ್ಗಿಕ ಇಳಿಕೆ ಕಂಡುಬರುತ್ತದೆ.

ಹಾರ್ಮೋನುಗಳ ಬದಲಾವಣೆ: ಮಹಿಳೆಯರಲ್ಲಿ ಋತುಬಂಧದ ನಂತರ ಈಸ್ಟ್ರೊಜೆನ್ ಹಾರ್ಮೋನ್ ಕೊರತೆಯು ಆಸ್ಟಿಯೊಪೊರೋಸಿಸ್‌ಗೆ ಕಾರಣವಾಗಬಹುದು.

ಪೌಷ್ಟಿಕಾಂಶದ ಕೊರತೆ: ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿ ಕೊರತೆಯು ಕಡಿಮೆ ಮೂಳೆ ಸಾಂದ್ರತೆಗೆ ಕಾರಣವಾಗಬಹುದು.

ರೋಗಲಕ್ಷಣಗಳು

ಮೂಳೆಗಳಲ್ಲಿ ನೋವು – ಸುಲಭವಾಗಿ ಗಾಯಗೊಳ್ಳುವುದು, ಮೂಳೆ ನೋವು ಮತ್ತು ದೌರ್ಬಲ್ಯ.

ಮೂಳೆ ನಷ್ಟ – ಸಣ್ಣ ಗಾಯವಾದರೂ ಮೂಳೆ ಮುರಿಯಬಹುದು.ಸೊಂಟದ ಪ್ರದೇಶದ ದೌರ್ಬಲ್ಯದಿಂದಾಗಿ ಬಾಗಿ ಹೋಗುವ ಸಾಧ್ಯತೆ ಇರುತ್ತದೆ.

ಬೆನ್ನುನೋವಿಗೆ ಪರಿಹಾರ

ಪೋಷಕಾಂಶಗಳ ಸೇವನೆ: ಸಾಕಷ್ಟು ಪ್ರಮಾಣದಲ್ಲಿ ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿ ಸೇವಿಸಿ.

ವ್ಯಾಯಾಮ: ವಾಕಿಂಗ್, ಜಾಗಿಂಗ್ ಮತ್ತು ಹಗುರವಾದ ತೂಕವನ್ನು ಎತ್ತುವಂತಹ ವ್ಯಾಯಾಮವನ್ನು ನಿಯಮಿತವಾಗಿ ಮಾಡಿ.

ಧೂಮಪಾನ ಮತ್ತು ಮದ್ಯಪಾನ ತ್ಯಜಿಸಿ: ಧೂಮಪಾನ ಮತ್ತು ಮದ್ಯಪಾನ ಮಾಡುವುದರಿಂದ ಮೂಳೆಗಳು ದುರ್ಬಲವಾಗುತ್ತವೆ.

ಮೂಳೆ ಸಾಂದ್ರತೆ ಪರೀಕ್ಷೆ: ನಿಯಮಿತ ಅವಧಿಗಳಲ್ಲಿ ಮೂಳೆ ಬಲ ಪರೀಕ್ಷೆಯನ್ನು ಮಾಡಿ.

ಔಷಧ: ಅಗತ್ಯವಿದ್ದಲ್ಲಿ ವೈದ್ಯರ ಸಲಹೆ ಮೇರೆಗೆ ಆಸ್ಟಿಯೊಪೊರೋಸಿಸ್‌ಗೆ ಔಷಧಗಳನ್ನು ಸೇವಿಸಿ. ಡೆಕ್ಸಾ ಸ್ಕ್ಯಾನ್ ಎಂದೂ ಕರೆಯಲ್ಪಡುವ ಮೂಳೆ ಸಾಂದ್ರತೆ ಪರೀಕ್ಷೆಯು ಮೂಳೆ ಖನಿಜ ಸಾಂದ್ರತೆಯನ್ನು ಅಳೆಯುವ ಒಂದು ವಿಶೇಷವಾದ ಎಕ್ಸ್-ರೇ ಆಗಿದೆ. ಈ ಪರೀಕ್ಷೆಯು ಆಸ್ಟಿಯೊಪೊರೋಸಿಸ್‌ನಂತಹ ಕಾಯಿಲೆಗಳನ್ನು ಪತ್ತೆಹಚ್ಚಲು ಸಹಾಯ ಮಾಡುತ್ತದೆ. ನಿಮ್ಮ ಮೂಳೆಗಳಲ್ಲಿ ಮುರಿತದ ಅಪಾಯ ಎಷ್ಟು ಎಂಬುದನ್ನು ಕಂಡುಹಿಡಿಯಲು ಸಹಾಯ ಮಾಡುತ್ತದೆ.