ಅಡುಗೆ ಮನೆಯಲ್ಲಿಅನಾರೋಗ್ಯಕ್ಕೆ ಕಾರಣವಾಗುವ ಇಂಥಾ ವಸ್ತುಗಳು ಬೇಡವೇ ಬೇಡ

ನಮ್ಮ ಆರೋಗ್ಯ ಹಾಳು ಮಾಡುವಂತಹ ಕೆಲ ವಸ್ತುಗಳು ಅಡುಗೆ ಮನೆಯಲ್ಲಿರುತ್ತವೆ. ಇಂಥ ವಸ್ತುಗಳ ಮೇಲೆ ಗಮನ ಹರಿಸಿ ಅವುಗಳನ್ನು ಬಿಸಾಡುವುದು ಆರೋಗ್ಯದ ದೃಷ್ಟಿಯಿಂದ ಒಳ್ಳೆಯದು.

* ಅಡುಗೆ ಮನೆಯಲ್ಲಿ ತುಕ್ಕು ಹಿಡಿದ ಕತ್ತಿ ಮತ್ತು ಪಾತ್ರೆಗಳಿದ್ದರೆ ಅದನ್ನು ಬಿಸಾಡಿ. ಇಂಥ ವಸ್ತುಗಳನ್ನು ಅಡುಗೆಗೆ ಬಳಸಿದರೆ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ.

* ಹಳೆಯ ನಾನ್‌ ಸ್ಟಿಕ್‌ ಪ್ಯಾನ್‌ ಬಳಸಬೇಡಿ. ಪಾತ್ರೆಯ ಕೋಟಿಂಗ್‌ ಗೆ ಬಳಸುವ ವಸ್ತು ಹಳೆಯದಾದ ನಂತರ ಆರೋಗ್ಯಕ್ಕೆ ಒಳ್ಳೆಯದಲ್ಲ.

* ಅಜಿನೊಮೊಟೊ ಹಾಕಿದ ಅಡುಗೆ ತುಂಬಾ ರುಚಿಯಾಗಿರುತ್ತದೆ. ಇದರಲ್ಲಿ ಕಾಯಿಲೆ ತರುವ ಅಂಶ ಇರುವುದರಿಂದ ಇದನ್ನು ಹೆಚ್ಚಾಗಿ ಬಳಸಬೇಡಿ.

* ತುಪ್ಪ ಹಳೆಯದಾಗಿದ್ದರೆ ಬಳಸಲೇಬೇಡಿ. ಇದನ್ನು ತಿನ್ನುವುದರಿಂದ ಕೆಟ್ಟ ಕೊಲೆಸ್ಟ್ರಾಲ್‌ ಹೆಚ್ಚಾಗಬಹುದು.

* ಪಾತ್ರೆ ತೊಳೆದ ಬಳಿಕ ಒರೆಸುವ ಬಟ್ಟೆ ಕೂಡ ಸ್ವಚ್ಛವಾಗಿರಬೇಕು. ತುಂಬಾ ಹಳೆಯ ಬಟ್ಟೆ ಬಳಸಬೇಡಿ. ಈ ಬಟ್ಟೆಯನ್ನು ಪ್ರತಿ ದಿನ ತೊಳೆದು ಬಿಸಿಲಿನಲ್ಲಿ ಒಣಗಿಸಬೇಕು.

* ಸಾಂಬಾರು ಪದಾರ್ಥಗಳು ಹಳೆಯದಾಗಿದ್ದರೆ ಅದನ್ನು ಬಳಸಬೇಡಿ. ಬಳಸಿದರೆ ಅಡುಗೆ ರುಚಿಯಾಗಿರುವುದಿಲ್ಲ. ಆರೋಗ್ಯಕ್ಕೂ ಹಾನಿ ಉಂಟಾಗುತ್ತದೆ.

* ಅಡುಗೆ ಮನೆಯಲ್ಲಿ ಹೆಚ್ಚು ಕೊಳೆಯಾಗುವ ವಸ್ತು ಎಂದರೆ ಕಾಲು ಒರೆಸುವ ಮ್ಯಾಟ್‌. ಮ್ಯಾಟ್‌ ಹೆಚ್ಚು ಕೊಳೆಯಾಗಿದ್ದರೆ, ತೀರಾ ಹಳೆಯದಾಗಿದ್ದರೆ ಬಿಸಾಡಿ ಏಕೆಂದರೆ ಇದರಲ್ಲಿ ಬ್ಯಾಕ್ಟೀರಿಯಾಗಳು ಹೆಚ್ಚಾಗಿ ಇರುತ್ತವೆ.