ಉನ್ನತ ಶಿಕ್ಷಣ ಪಡೆಯಬೇಕು ಅನ್ನೋದು ಬಹುತೇಕ ಎಲ್ಲರ ಕನಸು. ಅನೇಕರು ಉನ್ನತ ಪದವಿಯ ಬಳಿಕ ಉತ್ತಮ ಉದ್ಯೋಗವನ್ನೂ ಪಡೆದುಕೊಳ್ಳಲು ಸಫಲರಾಗುತ್ತಾರೆ. ಆದರೆ ಕೆಲವರಿಗೆ ಬಹಳ ಪರಿಶ್ರಮದ ನಂತರವೂ ಅತ್ಯುತ್ತಮವಾದ ಉದ್ಯೋಗ ಲಭಿಸುವುದಿಲ್ಲ. ಇದಕ್ಕೆ ಕಾರಣ ಅಧ್ಯಯನಗಳಿಗೂ ಗ್ರಹಗಳ ಸ್ಥಾನಕ್ಕೂ ಇರುವ ಕನೆಕ್ಷನ್‌. ಗ್ರಹಗಳ ಸಂಯೋಜನೆಯು ಅವರಿಗೆ ಕೆಲವು ವಿಷಯಗಳಲ್ಲಿ ಆಸಕ್ತಿಯನ್ನು ಹುಟ್ಟಿಸುತ್ತದೆ ಮತ್ತು ತ್ವರಿತವಾಗಿ ಅರ್ಥಮಾಡಿಕೊಳ್ಳುವ ಸಾಮರ್ಥ್ಯವನ್ನು ನೀಡುತ್ತದೆ.
ಜಾತಕದ ಹತ್ತನೇ ಮನೆಯಲ್ಲಿ ಬುಧ ಮತ್ತು ಗುರು ಒಟ್ಟಿಗೆ ಇದ್ದರೆ ಅಂತಹ ವ್ಯಕ್ತಿ ಪ್ರಸಿದ್ಧ ಬರಹಗಾರನಾಗುತ್ತಾನೆ. ಬುಧನೊಂದಿಗೆ ಶುಕ್ರನು ಈ ಸ್ಥಳದಲ್ಲಿ ಇದ್ದರೆ ಆ ವ್ಯಕ್ತಿಯು ಕವಿ ಅಥವಾ ಸಂಗೀತಗಾರನಾಗುತ್ತಾನೆ. ಮಂಗಳ ಮತ್ತು ಶುಕ್ರನ ಸಂಯೋಜನೆಯು ಕುಸ್ತಿಪಟುವನ್ನು ನಿರ್ಮಾಣ ಮಾಡುತ್ತದೆ. ಮಂಗಳವು ಸೂರ್ಯನೊಂದಿಗೆ ಸಂಯೋಗದಲ್ಲಿದ್ದರೆ, ವ್ಯಕ್ತಿಯು ವೈದ್ಯನಾಗುವ ಸಾಧ್ಯತೆಗಳು ಹೆಚ್ಚು.
ಮಂಗಳನೊಂದಿಗೆ ಚಂದ್ರ ಮತ್ತು ಶನಿಗಳ ಒಕ್ಕೂಟವು ಸಹ ವ್ಯಕ್ತಿಯನ್ನು ವೈದ್ಯನಾಗಲು ಪ್ರೇರೇಪಿಸುತ್ತದೆ. ವೃತ್ತಿಪರ ದೃಷ್ಟಿಕೋನದಿಂದ ಶಿಕ್ಷಕರಾಗಲು, ಬುಧ ಮತ್ತು ಗುರುವಿನ ನಡುವೆ ಸಂಬಂಧ ಹೊಂದಿರುವುದು ಸಾಕಾಗುವುದಿಲ್ಲ. ಆದರೆ ಎರಡೂ ಬಲವಾಗಿರುವುದು ಸಹ ಅಗತ್ಯ. ಜನ್ಮ ಕುಂಡಲಿಯಲ್ಲಿ ಮೂರನೇ ಸ್ಥಾನದಲ್ಲಿರುವ ಬಲಿಷ್ಠ ಗುರು ಕೂಡ ಶಿಕ್ಷಕನನ್ನಾಗಿ ಮಾಡಬಲ್ಲದು. ಏಳನೇ ಅಥವಾ ಹತ್ತನೇ ಮನೆಯಲ್ಲಿ ಬುಧ ಇದ್ದರೆ ಈ ಕ್ಷೇತ್ರದಲ್ಲಿ ವೃತ್ತಿಜೀವನ ಸುಲಭವಾಗುತ್ತದೆ.
ಇತ್ತೀಚಿನ ದಿನಗಳಲ್ಲಿ ಬಹುತೇಕ ಯುವಕ-ಯುವತಿಯರು ಎಂಜಿನಿಯರಿಂಗ್ ಕ್ಷೇತ್ರಕ್ಕೆ ಹೋಗಬೇಕೆಂದು ಬಯಸುತ್ತಾರೆ. ಕೆಲವರು ಪ್ರವೇಶ ಪಡೆದು ಎಂಜಿನಿಯರಿಂಗ್ ವ್ಯಾಸಂಗ ಆರಂಭಿಸಿದರೂ ಗುರಿ ಮುಟ್ಟಲು ಸಾಧ್ಯವಾಗುತ್ತಿಲ್ಲ. ಜಾತಕದಲ್ಲಿ ಮಂಗಳ ಮತ್ತು ರಾಹುಗಳ ಸಂಯೋಜನೆಯಿದ್ದರೆ ಎಂಜಿನಿಯರಿಂಗ್ ವ್ಯಾಸಂಗ ಸುಲಭ. ಬುಧನೊಂದಿಗೆ ಸೂರ್ಯ ಮತ್ತು ಮಂಗಳನ ಉಪಸ್ಥಿತಿಯು ಎಂಜಿನಿಯರಿಂಗ್ ಕ್ಷೇತ್ರಕ್ಕೆ ಕಳುಹಿಸಲು ಸಹಾಯ ಮಾಡುತ್ತದೆ.
ಶುಕ್ರ ಮತ್ತು ಶನಿಯ ಸಂಯೋಜನೆ ಕೂಡ ಅದೇ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದಲ್ಲದೇ ಹತ್ತನೇ ಅಥವಾ ಹನ್ನೊಂದನೇ ಮನೆಯಲ್ಲಿ ಸೂರ್ಯ ಮತ್ತು ಮಂಗಳನ ಸಂಯೋಗವಿದ್ದರೆ ಇಂಜಿನಿಯರ್ ಆಗುವ ಸಾಧ್ಯತೆ ಇರುತ್ತದೆ.
Loading ...
