ಕ್ಯಾನೆಸ್ ಚಲನಚಿತ್ರೋತ್ಸವ 2023ರಲ್ಲಿ ಭಾರತೀಯ ಸಿನಿ ಕ್ಷೇತ್ರದ ಅನೇಕರಿಗೆ ರೆಡ್ ಕಾರ್ಪೆಟ್ ಸ್ವಾಗತ ಸಿಗುತ್ತಿದೆ. ’ಕೆನಡಿ’ ಚಿತ್ರ ತಂಡದೊಂದಿಗೆ ಅನುರಾಗ್ ಕಶ್ಯಪ್ ಸಹ ಕೆಂಪುಹಾಸಿನ ಮೇಲೆ ನಡೆದು ಈ ಸಮಾರಂಭದಲ್ಲಿ ಭಾಗಿಯಾಗಿದ್ದಾರೆ.
ಮಧ್ಯರಾತ್ರಿಯ ಸ್ಕ್ರೀನಿಂಗ್ ಕಂಡ ಈ ಚಿತ್ರದ ಪ್ರಮುಖ ತಾರಾಗಣದಲ್ಲಿರುವ ನಟ ರಾಹುಲ್ ಭಟ್ ಹಾಗೂ ನಟಿ ಸನ್ನಿ ಲಿಯೋನ್ ಸಹ ರೆಡ್ ಕಾರ್ಪೆಟ್ ಮೇಲೆ ಠೀವಿಯದಲ್ಲಿ ನಡೆದು ಬಂದಿದ್ದಾರೆ. ಕೆಂಪನೆ ಲಿಪ್‌ಸ್ಟಿಕ್‌ನಲ್ಲಿ, ಬನ್‌ನಂತೆ ಮಾಡಿದ್ದ ಕೇಶಶೈಲಿಯಲ್ಲಿ ಮಿಂಚುತ್ತಿದ್ದ ಸನ್ನಿ ಲಿಯೋನ್ , ಸಮಾರಂಭದಲ್ಲಿ ನೆರೆದಿದ್ದ ಪ್ರೇಕ್ಷಕರತ್ತ ಕೈಬೀಸುತ್ತಾ ಸಾಗುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇದೇ ಮೊದಲ ಬಾರಿಗೆ ತಮ್ಮ ಚಿತ್ರವೊಂದರ ಸ್ಕ್ರೀನಿಂಗ್ ಗಾಗಿ ಕ್ಯಾನೆಸ್‌ಗೆ ಸನ್ನಿ ಆಗಮಿಸಿದ್ದಾರೆ. ಈ ಕ್ಷಣಗಳ ಚಿತ್ರಗಳನ್ನು ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡ ಸನ್ನಿ, “ಇದುವರೆಗಿನ ನನ್ನ ವೃತ್ತಿಜೀವನದ ಅತ್ಯಂತ ಹೆಮ್ಮೆಯ ಕ್ಷಣಗಳು!,” ಎಂದು ಕ್ಯಾಪ್ಷನ್ ಕೊಟ್ಟು, ಕೆನಡಿ ಚಿತ್ರತಂಡಕ್ಕೆ ಧನ್ಯವಾದದೊಂದಿಗೆ ಶೇರ್‌ ಮಾಡಿಕೊಂಡಿದ್ದಾರೆ ಸನ್ನಿ.
Loading ...
