ಸೋನಿಪತ್: ಕಾರ್ ನಲ್ಲಿದ್ದ ಇಬ್ಬರು ಯುವಕರು ಸ್ಥಳೀಯ ಪೆಟ್ರೋಲ್ ಪಂಪ್‌ನಲ್ಲಿ 2,600 ರೂ. ಮೌಲ್ಯದ ಪೆಟ್ರೋಲ್ ತುಂಬಿಸಿ ಹಣ ಪಾವತಿಸದೆ ಪರಾರಿಯಾಗಿದ್ದಾರೆ, ಇದರಿಂದಾಗಿ ಸೋನಿಪತ್‌ನಲ್ಲಿರುವ ಪಂಪ್‌ನ ಡಿಸ್ಪೆನ್ಸರ್ ಘಟಕಕ್ಕೆ ಭಾರಿ ಹಾನಿಯಾಗಿದೆ. ಈ ಘಟನೆ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಈ ದೃಶ್ಯಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿವೆ.
ಕಾರ್ ಪೆಟ್ರೋಲ್ ಸ್ಟೇಷನ್‌ನಲ್ಲಿ ನಿಂತು 2,800 ರೂ. ಮೌಲ್ಯದ ಇಂಧನ ತುಂಬಿಸಲು ಸಿಬ್ಬಂದಿಯನ್ನು ಕೇಳಿದೆ ಎಂದು ವರದಿಯಾಗಿದೆ. 2,600 ರೂ. ಮೌಲ್ಯದ ಪೆಟ್ರೋಲ್ ತುಂಬಿದ ತಕ್ಷಣ, ಚಾಲಕ ಇದ್ದಕ್ಕಿದ್ದಂತೆ ಒಂದು ರೂಪಾಯಿ ಕೂಡ ಪಾವತಿಸದೆ ವೇಗವಾಗಿ ಓಡಿಸಿಕೊಂಡು ಪರಾರಿಯಾಗಿದ್ದಾನೆ.
ಈ ಪ್ರಕ್ರಿಯೆಯಲ್ಲಿ, ವಾಹನದ ಟ್ಯಾಂಕ್ ನಲ್ಲಿದ್ದ ಪೈಪ್ ಎಳೆದಿದ್ದರಿಂದ ಡಿಸ್ಪೆನ್ಸರ್ ಯಂತ್ರ ಉರುಳಿಬಿದ್ದಿದೆ. ಸುಮಾರು 9 ಲಕ್ಷ ರೂ.ನಷ್ಟು ಹಾನಿಯಾಗಿದೆ.
ಇಡೀ ಕೃತ್ಯ ಸಿಸಿಟಿವಿ ಕ್ಯಾಮೆರಾಗಳಲ್ಲಿ ಸೆರೆಯಾಗಿದೆ. ಈ ದೃಶ್ಯಗಳು ಈಗ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ಸಣ್ಣ ಇಂಧನ ಬಿಲ್ ಪಾವತಿಸುವುದನ್ನು ತಪ್ಪಿಸಲು ಮಾಡಿದ ಸಣ್ಣ ಪ್ರಯತ್ನವು ಹೇಗೆ ಭಾರಿ ನಷ್ಟಕ್ಕೆ ಕಾರಣವಾಯಿತು ಎಂದು ಜನ ಆಘಾತ ವ್ಯಕ್ತಪಡಿಸಿದ್ದಾರೆ.
ಪೆಟ್ರೋಲ್ ಪಂಪ್ ಕೆಲಸಗಾರರು ಕಾರ್ ಸಂಖ್ಯೆಯನ್ನು ಬರೆದುಕೊಂಡು ಪೊಲೀಸರಿಗೆ ಮಾಹಿತಿ ನೀಡಿದರು. ಕಾರ್ ನಲ್ಲಿ ನಕಲಿ ನಂಬರ್ ಪ್ಲೇಟ್ ಇತ್ತು, ಅದು ವಾಸ್ತವವಾಗಿ ಮೋಟಾರ್‌ ಸೈಕಲ್‌ ಗೆ ಸೇರಿದ ನಂಬರ್ ಆಗಿದೆ. ಪೊಲೀಸರು ಪ್ರಕರಣವನ್ನು ದಾಖಲಿಸಿಕೊಂಡು ಹೆಚ್ಚಿನ ತನಿಖೆಯನ್ನು ಪ್ರಾರಂಭಿಸಿದ್ದಾರೆ.
Loading ...
