ನೃತ್ಯ ಮಾಡಿದ ಕಾರಣಕ್ಕೆ ವಿದ್ಯಾರ್ಥಿನಿಗೆ ಡಿಪ್ಲೊಮಾ ಸರ್ಟಿಫಿಕೇಟ್​ ನಿರಾಕರಣೆ

ಫಿಲಡೆಲ್ಫಿಯಾ: ಇಲ್ಲಿಯ ಹೈಸ್ಕೂಲ್ ಫಾರ್ ಗರ್ಲ್ಸ್‌ನಿಂದ ಪದವಿ ಪಡೆಯಬೇಕಿದ್ದ ವಿದ್ಯಾರ್ಥಿನಿಯೊಬ್ಬಳು ಪದವಿ ಸಮಾರಂಭದಲ್ಲಿ ನೃತ್ಯ ಮಾಡಿದಳು ಎನ್ನುವ ಕಾರಣಕ್ಕೆ ಡಿಪ್ಲೋಮಾ ಸರ್ಟಿಫಿಕೇಟ್​ ನಿರಾಕರಿಸಲಾಗಿದೆ.

ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿರುವ ವೀಡಿಯೊದಲ್ಲಿ ಹಫ್ಸಾಹ್ ಅಬ್ದುರ್-ರಹಮಾನ್, ಹೂವಿನ ಗುಚ್ಛವನ್ನು ಹೊತ್ತುಕೊಂಡು ವೇದಿಕೆಯ ಮೇಲೆ ಕುಳಿತಿರುವುದನ್ನು ನೋಡಬಹುದು. ಅವಳು ತನ್ನ ಹೆಸರನ್ನು ಕರೆದ ನಂತರ ಪದವಿ ಸ್ವೀಕರಿಸಲು ಮುಂದಾದಾಗ ವೇದಿಕೆಯಲ್ಲಿ ಖುಷಿಯಿಂದ ನೃತ್ಯ ಮಾಡಲು ಪ್ರಾರಂಭಿಸುತ್ತಾಳೆ. ಅವಳು ತನ್ನ ಡಿಪ್ಲೊಮಾ ಸರ್ಟಿಫಿಕೇಟ್​ ಪಡೆಯಲು ಪ್ರಾಂಶುಪಾಲರನ್ನು ಸಮೀಪಿಸಿದಾಗ, ಪ್ರಾಂಶುಪಾಲರು ಆಕೆಯನ್ನು ವಾಪಸ್​ ಕಳಿಸುತ್ತಾರೆ.

ನಂತರ ಮುಖ್ಯೋಪಾಧ್ಯಾಯರು ಡಿಪ್ಲೋಮಾ ಸರ್ಟಿಫಿಕೇಟ್​ ಅನ್ನು ವೇದಿಕೆ ಮೇಲಿರುವ ಬುಟ್ಟಿಯಲ್ಲಿ ಎಸೆದು ಅವಮಾನ ಮಾಡುವುದನ್ನು ನೋಡಬಹುದು. ಇಂಥ ಕೃತ್ಯವನ್ನು ನಾವು ಸಹಿಸುವುದಿಲ್ಲ. ವಿದ್ಯಾರ್ಥಿನಿಯರಿಗೆ ಕೆಲವೊಂದು ಕಟ್ಟುಪಾಡುಗಳನ್ನು ವಿಧಿಸಲಾಗಿದ್ದು, ನೃತ್ಯ ಮಾಡುವುದು ಸರಿಯಲ್ಲ ಎನ್ನುವುದು ಪ್ರಾಂಶುಪಾಲರ ಅಭಿಪ್ರಾಯ.

https://twitter.com/MalindaSmith/status/1669856985448333312?ref_src=twsrc%5Etfw%7Ctwcamp%5Etweetembed%7Ctwterm%5E1669856985448333312%7Ctwgr%5E2b104c86a1e98472164a9594826c22f45c83b7a6%7Ctwcon%5Es1_&ref_url=https%3A%2F%2Fwww.ndtv.com%2Foffbeat%2Fso-embarrassed-us-high-school-graduate-denied-diploma-for-dancing-on-stage-4129202