‘ಸ್ಕಂದ’ ಚಿತ್ರದ ವಿಡಿಯೋ ಹಾಡು ರಿಲೀಸ್

ಕಳೆದ ತಿಂಗಳು ಸೆಪ್ಟೆಂಬರ್ 28ರಂದು ಬಿಡುಗಡೆಯಾಗಿದ್ದ ರಾಮ್ ಪೋತಿನೇನಿ ನಟನೆಯ ‘ಸ್ಕಂದ’ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆಯುವ ಮೂಲಕ ಭರ್ಜರಿ ಪ್ರದರ್ಶನ ಕಾಣುತ್ತಿದೆ.

ಈ ಚಿತ್ರದ ‘ಕಲ್ಟ್ ಮಾಮ’ ಎಂಬ ಲಿರಿಕಲ್ ಹಾಡು ಈಗಾಗಲೇ ಯೂಟ್ಯೂಬ್ ನಲ್ಲಿ ಧೂಳಿಬಿಸಿದ್ದು, ಇದೀಗ ಅದರ ವಿಡಿಯೋ ಹಾಡನ್ನು ಜಂಗ್ಲಿ ಮ್ಯೂಸಿಕ್ ಯೂಟ್ಯೂಬ್ ಚಾನೆಲ್ ನಲ್ಲಿ ರಿಲೀಸ್ ಮಾಡಿದೆ. ಈ ಹಾಡಿಗೆ ಹೇಮಾಚಂದ್ರ ಮತ್ತು ರಮ್ಯಾ ಬೆಹರ ಧ್ವನಿಯಾಗಿದ್ದು, ತಮನ್ ಎಸ್ ಸಂಗೀತ ಸಂಯೋಜನೆ ನೀಡಿದ್ದಾರೆ. ಅನಂತ ಶ್ರೀರಾಮ್ ಸಾಹಿತ್ಯ ಬರೆದಿದ್ದಾರೆ.

ಬೋಯಪಾಟಿ ಶ್ರೀನು ನಿರ್ದೇಶನದ ಈ ಚಿತ್ರವನ್ನು ಶ್ರೀನಿವಾಸ ಚಿತ್ತೂರಿ ತಮ್ಮ  ಶ್ರೀನಿವಾಸ ಸಿಲ್ವರ್ ಸ್ಕ್ರೀನ್ ಬ್ಯಾನರ್ ನಲ್ಲಿ ನಿರ್ಮಾಣ ಮಾಡಿದ್ದು, ರಾಮ್ ಪೋತಿನೇನಿ ಸೇರಿದಂತೆ ಶ್ರೀ ಲೀಲಾ, ಸಾಯಿ ಮಂಜ್ರೇಕರ್, ಶ್ರೀಕಾಂತ್ ತೆರೆ ಹಂಚಿಕೊಂಡಿದ್ದಾರೆ ತಮ್ಮಿರಾಜು  ಸಂಕಲನವಿದ್ದು, ಎಂ ರತ್ನಂ ಡೈಲಾಗ್ ಬರೆದಿದ್ದಾರೆ.