ನಿಮ್ಮ ಡಿಪಿ ನೋಡಿ ನಾನು ಬಂದೆ ಎಂದು ಯುವತಿಗೆ ಹೇಳಿದ ರ್ಯಾಪಿಡೋ ಚಾಲಕ; ನೆಟ್ಟಿಗರ ಆಕ್ರೋಶ

ಮಹಿಳಾ ಪ್ರಯಾಣಿಕರೊಂದಿಗೆ ರ್ಯಾಪಿಡೋ ಚಾಲಕ ಅನುಚಿತವಾಗಿ ವರ್ತಿಸಿರೋ ಘಟನೆ ಬೆಳಕಿಗೆ ಬಂದಿದ್ದು ನೆಟ್ಟಿಗರು ಈ ಬಗ್ಗೆ ಚಾಲಕನನ್ನ ತರಾಟೆಗೆ ತೆಗೆದುಕೊಂಡಿದ್ದಾರೆ.

ಪ್ರಯಾಣದ ಬಳಿಕ ಚಾಲಕ ವಾಟ್ಸ್ ಅಪ್ ನಲ್ಲಿ ಮಹಿಳೆಗೆ ಅನುಚಿತವಾಗಿ ಸಂದೇಶ ಕಳಿಸಿದ್ದಾನೆ. ವಾಟ್ಸಾಪ್ ಮೂಲಕ ತನ್ನ ಲೊಕೇಷನ್ ಹಂಚಿಕೊಂಡ ನಂತರ ರಾಪಿಡೋ ಬೈಕ್ ಚಾಲಕ ಮಹಿಳೆಗೆ ಕಿರುಕುಳ ನೀಡಿದ್ದಾನೆ.

ಮಹಿಳೆಯು ಟ್ವಿಟರ್ ನಲ್ಲಿ ಈ ಬಗ್ಗೆ ಸ್ಕ್ರೀನ್ ಶಾಟ್ ಹಂಚಿಕೊಂಡಿದ್ದು ಚಾಲಕನು, ಆಗಲೇ ಮಲಗಿಬಿಟ್ಟಿದ್ದೀರಾ? ನಿಮ್ಮ ಡಿಪಿ ಮತ್ತು ವಾಯ್ಸ್ ಕೇಳಿದ ಬಳಿಕ ಅಷ್ಟು ದೂರ ಬರಲು ಒಪ್ಪಿದೆ. ಇಲ್ಲದಿದ್ದರೆ ಖಂಡಿತ ಬರುತ್ತಿರಲಿಲ್ಲ. ನನ್ನನ್ನು ಭಯ್ಯಾ ಎಂದು ಮಾತ್ರ ಕರೆಯಬೇಡಿ ಎಂದಿದ್ದಾನೆ. ಈ ಬಗ್ಗೆ ಮಹಿಳೆಯು ರ್ಯಾಪಿಡೋ ಕಂಪನಿಯನ್ನು ಉಲ್ಲೇಖಿಸಿ ಆಕ್ರೋಶ ಹೊರಹಾಕಿದ್ದಾರೆ.

ಈ ವರದಿಯಿಂದ ನೆಟ್ಟಿಗರು ಕೋಪಗೊಂಡಿದ್ದಾರೆ, ಅಂತಹ ಚಾಲಕರ ವಿರುದ್ಧ ಸರಿಯಾದ ಕ್ರಮಗಳನ್ನು ತೆಗೆದುಕೊಳ್ಳುವಂತೆ ರಾಪಿಡೊಗೆ ಒತ್ತಾಯಿಸಿದ್ದಾರೆ. ಟ್ವೀಟ್ ವೈರಲ್ ಆದ ನಂತರ ರಾಪಿಡೋ ಕೇರ್ ಕೂಡ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದೆ.

“ಹಾಯ್, ಚಾಲಕನ ವೃತ್ತಿಪರತೆಯ ಕೊರತೆಯ ಬಗ್ಗೆ ತಿಳಿದುಕೊಳ್ಳುವುದು ನಮಗೆ ಅತ್ಯಂತ ನಿರಾಶಾದಾಯಕವಾಗಿದೆ ಮತ್ತು ನಾವು ಅದರ ಬಗ್ಗೆ ಕ್ಷಮೆಯಾಚಿಸುತ್ತೇವೆ. ಈ ವಿಷಯವನ್ನು ಆದ್ಯತೆಯ ಆಧಾರದ ಮೇಲೆ ಖಂಡಿತವಾಗಿ ಕ್ರಮಕೈಗೊಳ್ಳಲಾಗುವುದು. ದಯವಿಟ್ಟು ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆ ಮತ್ತು ರೈಡ್ ಐಡಿಯನ್ನು ಸಂದೇಶದ ಮೂಲಕ ಹಂಚಿಕೊಳ್ಳುತ್ತೀರಾ?” ಎಂದಿದೆ.

https://twitter.com/behurababe/status/1635010223734927360?ref_src=twsrc%5Etfw%7Ctwcamp%5Etweetembed%7Ctwterm%5E1635010223734927360%7Ctwgr%5E3693d7ffaf48806a59c36b242b0d673d08c0af54%7Ctwcon%5Es1_&ref_url=https%3A%2F%2Fwww.dnaindia.com%2Fviral%2Freport-sirf-tumhari-dp-dekh-ke-rapido-driver-harasses-woman-on-whatsapp-netizens-left-disgusted-viral-trending-3030093