ಆಕ್ಷನ್ ದೃಶ್ಯಗಳಲ್ಲಿ ಸಲ್ಮಾನ್ ಖಾನ್ ಅಬ್ಬರ: ಟೀಸರ್ ಬಿಡುಗಡೆ ಬೆನ್ನಲ್ಲೇ ಹೈಪ್ ಸೃಷ್ಟಿಸಿದ ‘ಸಿಕಂದರ್’

ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಅಭಿನಯದ ‘ಸಿಕಂದರ್’ ಟೀಸರ್ ಬಿಡುಗಡೆಯಾಗಿದೆ. ಈ ಆಕ್ಷನ್ ಚಿತ್ರದಲ್ಲಿ ಸಲ್ಮಾನ್ ಖಾನ್ ಮತ್ತೆ ಹೆಚ್ಚಿನ ಆಕರ್ಷಣೆಯೊಂದಿಗೆ ಮರಳಿದ್ದಾರೆ.

ತಮ್ಮ ಬಹುನಿರೀಕ್ಷಿತ ಚಿತ್ರ ‘ಸಿಕಂದರ್’ ನೊಂದಿಗೆ ಚಿತ್ರಮಂದಿರಗಳಿಗೆ ಲಗ್ಗೆ ಇಡಲು ಸಲ್ಮಾನ್ ಖಾನ್ ಸಜ್ಜಾಗಿದ್ದಾರೆ. ಎ.ಆರ್. ಮುರುಗದಾಸ್ ಅವರೊಂದಿಗೆ ನಿರ್ದೇಶನದ ಈ ಚಿತ್ರವು ಭಾರಿ ಹೈಪ್ ಸೃಷ್ಟಿಸಿದೆ. ಬಹಳ ನಿರೀಕ್ಷೆಯ ನಂತರ ಸಿಕಂದರ್ ಚಿತ್ರದ ಟೀಸರ್ ಅಂತಿಮವಾಗಿ ಬಿಡುಗಡೆಯಾಗಿದೆ.

ಈ ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ ಮತ್ತು ಸತ್ಯರಾಜ್ ಪ್ರಮುಖ ಪಾತ್ರದಲ್ಲಿದ್ದಾರೆ. ಇದು ಈ ವರ್ಷದ ಈದ್‌ಗೆ ಚಿತ್ರಮಂದಿರಗಳಿಗೆ ಬರಲಿದೆ. ಸಲ್ಮಾನ್ ಸಂಜಯ್ ರಾಜ್‌ಕೋಟ್ ಪಾತ್ರವನ್ನು ನಿರ್ವಹಿಸಲಿದ್ದಾರೆ, ರಶ್ಮಿಕಾ ಮಂದಣ್ಣ ಸಾಯಿಶ್ರೀ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಮತ್ತು ಸತ್ಯರಾಜ್ ಮಂತ್ರಿ ಪ್ರಧಾನ್ ಪಾತ್ರದಲ್ಲಿ ನಟಿಸಲಿದ್ದಾರೆ.

‘ಸಿಕಂದರ್’ನಲ್ಲಿ ಸಲ್ಮಾನ್ ಮೈನವಿರೇಳಿಸುವ ಸಾಹಸ ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಆಕ್ಷನ್ ಸೀಕ್ವೆನ್ಸ್‌ ಗಳು ಗಮನಸೆಳೆಯುವಂತಿವೆ. ರಶ್ಮಿಕಾ ಪಾತ್ರದೊಂದಿಗೆ ಕೆಲವು ಭವ್ಯ ನೃತ್ಯ ಸನ್ನಿವೇಶಗಳು ನೋಡುಗರನ್ನು ಸೆಳೆದಿವೆ. ಕೆಲವು ಸಂಭಾಷಣೆಗಳು ಚಿತ್ರಮಂದಿರಗಳಲ್ಲಿ ಹೈಪ್ ಸೃಷ್ಟಿಸುವ ಸಾಮರ್ಥ್ಯವನ್ನು ಹೊಂದಿವೆ. ಈ ಟೀಸರ್ ಪ್ರೇಕ್ಷಕರಿಗೆ ಸಲ್ಮಾನ್ ಅವರ ಇತರ ಚಿತ್ರಗಳಾದ ‘ಕಿಕ್’, ‘ವಾಂಟೆಡ್’ ಮತ್ತು ‘ಜೈ ಹೋ’ವನ್ನು ನೆನಪಿಸುತ್ತದೆ.

Sikandar aa raha hai, this Eid! 🌙

Here’s presenting the Film Teaser of Sikandar! 🔥 https://t.co/ZO2JeFZ9uZ #SajidNadiadwala’s #Sikandar
Directed by @ARMurugadoss @BeingSalmanKhan @iamRashmika #Sathyaraj @TheSharmanJoshi @MsKajalAggarwal @prateikbabbar #AnjiniDhawan…

— Nadiadwala Grandson (@NGEMovies) February 27, 2025